6 წლის ბავშვის განვითარება

სოციალური

  • 2-3 ბავშვთან ერთად თამაშობს 20 წთ
  • ბოდიშს იხდის, როცა რაიმეს ისე ვერ აკეთებს, როგორც გულისხმობდა
  • უსმენს, როცა სხვები ლაპარაკობენ; ყურადღებას აქცევს და ასრულებს ინსტრუქციას ჯგუფში
  • ეხმარება სხვებს
  • უხსნის სხვებს თამაშის წესებს ან მოქმედებებს
  • სოციალურ პრობლემებს აგვარებს უფრო იოლად

ემოციური

  • უმეტეს სიტუაციაში აკონტროლებს ემოციებს
  • გამოხატავს თანაგრძნობას უმეტეს სიტუაციაში ან როცა ხვდება სხვების ემოციებს
  • შეუძლია დაელოდოს თავის რიგს ან თავისი მოთხოვნის დაკმაყოფილებას
  • დავალების დასრულება შეუძლია შეხსენებით

მეტყველება

  • იცის დროის და მიმდევრობის აღმნიშვნელი ზოგიერთი სიტყვა (მაგ.: დილა, საღამო, გუშინ, შემდეგი, მერე)
  • სიტყვების წარმოთქმისას სწორად ამბობს ბგერების უმეტესობას
  • იცის უმეტესი სიტყვების საწყისი ბგერა (მაგ.: „რით იწყება სიტყვა ბურთი?“ „ბ-თი“)
  • ხვდება დაწერილ მისთვის ნაცნობ ზოგიერთ სიტყვას (მაგ.: თავის სახელს, მოთხრობის გმირის სახელს)
  • ყვება საკუთარ თავგადასავალს და ინტერესდება მოსაუბრის თავგადასავლით
  • იმდენად კარგად მეტველებს, რომ ყველასთვის გასაგებია
  • ყურადღებას აქცევს და იცავს წესებს ჯგუფში
  • მისი ლექსიკონი შედგება დაახლოებით 10 000 სიტყვისგან

კოგნიტური

  • იხატავს ფორმებს (მაგ.: წრეს, კვადრატს, სამკუთხედს)
  • ახერხებს მარტივ გამოკლება-მიმატებას
  • ითვლის 50-ზე მეტად
  • მარტივი ცხოვრებისეული მაგალითის ამოსახსნელად იყენებს ჩხირებს (მაგ.: „როცა აქვთ 6 ვაშლი და თანაბრად უნდა გაიყოს 3 ბავშვმა, რამდენი შეხვდება თითოს?“)
  • სწავლობს შედარებით უფრო რთულ თამაშებს და თამაშობს წესების დაცვით
  • იცის მარჯვენა-მარცხენა საკუთარ სხეულზე
  • შეუძლია განასხვავოს ფანტაზია რეალობისგან
  • ერკვევა სწორსა და არასწორში
  • უფრო რეალისტურად ანსხვავებს სივრცეს, საგნების ზომას და მანძილს ნახატში
  • რეალისტურად აფასებს საკუთარ სუსტ და ძლიერ მხარეებს (მაგ.: „მე კარგად დავრბივარ, მაგრამ კარგად ვერ დამყავს ველოსიპედი“)

უხეში მოტორიკა

  • ხტება ოთახის გასწვრივ
  • გადის ვიწრო მორზე ჩამოვარდნის გარეშე
  • ცალი ფეხით ხტება 3 მეტრზე
  • მსუბუქად დარბის თითის წვერებზე
  • ხტის სახტუნაოზე
  • დადის ველოსიპედით დამხმარე თვლების დამატებით ან მის გარეშე

ნატიფი მოტორიკა

  • იჭერს პატარა ბურთს
  • მარტივი ფორმის გამოჭრისას მიჰყვება ხაზს (მაგ.: წრის ან კვადრატის)
  • იკრავს თასმებს
  • იბანს პირს და იხეხავს კბილებს დახმარების გარეშე
  • სრიალებს ციგურებით
  • გაფერადებისას იცავს საზღვრებს
  • ფანქარი უჭირავს მოზრდილის მსგავსად
  • იყენებს წებოს დანიშნულებისამებრ