12 თვის ბავშვის განვითარება

სოციალური

  • უცხოებთან მორცხვობს ან ღელავს
  • ტირის, როცა მომვლელი მიდის
  • ზოგიერთ სიტუაციაში ეშინია
  • თამაშის დროს ბაძავს სხვებს
  • განსაკუთრებულ უპირატესობას ანიჭებს ზოგ ადამიანს და სათამაშოს
  • ყველას ურჩევნია დედა და/ან რეგულარული მომვლელი (ძიძა)
  • ჩაცმაში დასახმარებლად შლის ხელს ან ფეხს
  • ჭამის და თამაშის დროს ამოწმებს მშობლის რეაქციას თავის მოქმედებებზე
  • ყურადღების მისაპყრობად იმეორებს ბგერებს და ჟესტებს
  • თამაშობს მომვლელთან ერთად (მაგ.: „ჭიტა“, „ბოლია-ბოლია“)
  • აჩვენებს მომვლელს სათამაშოებს

ემოციური

  • სურვილების და გაბრაზების გამოსახატავად იყენებს მიმიკას, მოქმედებებს და უამრავ ბგერებს
  • ავლენს მრავალ ისეთ ემოციას, როგორიც არის პრანჭვა, სიხარული, გაბრაზება, სიამოვნება, შიში
  • ემოციების რეგულირებას ახერხებს სიტუაციიდან გარიდებით (მაგ.: გახოხდება სხვა მიმართულებით)
  • ცდილობს შეიქმნას კომფორტი (აღელვებისას იწევს ხელში ასაყვანად)

მეტყველება

  • ზედმეტად აინტერესებს ლაპარაკი
  • უყურებს იმ პირს, ვინც მისი სახელი ახსენა
  • ესმის მარტივი თხოვნა ან შეკითხვა (მაგ.: „სად არის ბურთი?“ „იპოვე შენი ფეხსაცმელი“)
  • იყენებს მარტივ ჟესტებს, როგორიც არის დასამშვიდობებლად ხელის დაქნევა, უარის გამოხატვა თავის გაქნევით
  • „ლაპარაკობს“ მარცვლების კომბინირებით
  • ელოდება მოსაუბრის გაჩუმებას  და პასუხობს მარცვლებით
  • იყენებს შორისდებულად „ოჰ-ოჰ“-ს
  • მყარად იყენებს 3 ან მეტ სიტყვას, მათ შორის „დედა“-ს ან  „მამა“-ს, თუმცა შეიძლება არასწორად გამოთქვამდეს
  • ინტერესდება მარტივი სურათებიანი წიგნით

კოგნიტური

  • სწავლობს საგნებს სხვადასხვა გზით (ქნევით, დარტყმით, სროლით, დაგდებით)
  • რეაგირებს მუსიკაზე
  • სწორად უყურებს დასახელებული საგნის შესატყვის სურათს
  • იმეორებს ჟესტებს
  • იწყებს საგნების სწორად გამოყენებას (ჭიქიდან დალევას, თმის დავარცხნას, ტელეფონზე დარეკვას, რადიოს მოსმენას)
  • იკვლევს მიზეზს და შედეგს

უხეში მოტორიკა

  • დაწოლილი პოზიდან წამოჯდება დახმარების გარეშე
  • ადვილად ხოხავს ან მიხტუნავს ოთხზე
  • ოთხზე დგება მტევნებზე და მუხლებზე ყრდნობით
  • ჯდომიდან გადადის ხოხვის ან მუცელზე წოლის პოზაში
  • წამოსადგომად ეჭიდება ავეჯს
  • დადის სხვის ხელზე ჩაჭიდებით ან ავეჯზე ყრდნობით
  • საყრდენის გარეშე დამდგარი ჩერდება წამიერად
  • შეიძლება გადადგას 2-3 ნაბიჯი საყრდენის გარეშე
  • იწყებს კიბეზე ან ავეჯზე აძრომას

ნატიფი მოტორიკა

  • დებს საგანს კოლოფში
  • იღებს საგანს კოლოფიდან
  • აძლევს სათამაშოს გაგორების საშუალებას
  • პატარა საგანს იღებს ცერა და საჩვენებელი თითით
  • აწვება სათამაშოს
  • იხდის წინდას