ბავშვი 2-დან 3 წლამდე

IMG_0450

ზოგადი რჩევები

  • გამოყავით სპეციალური დრო წიგნის წასაკითხად
  • წაახალისეთ ბავშვის წარმოსახვით თამაშებში ჩართვა
  • ითამაშეთ “აღლუმობანა” და გაჰყევით მწყობრში “ლიდერს” თქვენს ბავშვთან ერთად
  • დაეხმარეთ ბავშვს გარემოს შეცნობაში, რისთვისაც ისეირნეთ და იმგზავრეთ ერთად
  • წაახალისეთ ბავშვი, რომ გითხრათ თავისი სახელი და ასაკი
  • ასწავლეთ თქვენს შვილს მარტივი საბავშვო სიმღერა
  • რჩევები მეტყველების განვითარების ხელშეწყობისთვის
  • ბავშვთან საუბარი უნდა იყოს ნელი, მშვიდი, ინტონაციებით მდიდარი და ალერსიანი
  • ბავშვი ლაპარაკს მიბაძვით სწავლობს. ამიტომ მოზრდილი მას უნდა ესაუბროს სწორად და გამართულად, უნდა გამოიყენოს მარტივი ენა და საინტერესო სასაუბრო თემები და მისცეს ბავშვს დრო აზრის ჩამოყალიბებისთვის
  • მშობლემა ყურადღება უნდა მიაქციოს ისეთ საშიშროების ნიშნებს, რომლებიც შეიძლება სხვადასხვა დაავადების მიზეზი იყოს – მაგ. ბავშვი არ ბრუნდება ხმაურის მიმართულებით, ხშირად იფარებს/იდებს ყურზე ხელს. ასეთ შემთხვევებში საჭიროა ექიმია კონსულტაცია

რჩევები მოტორული განვითარების ხელშეწყობისთვის

მოტორული განვითარება ბავშვის უნარია, სხვადასხვა ჯგუფის კუნთების საშუალებით შეასრულოს ესა თუ ის მოძრაობა. მოტორული განვითარება მოიცავს მსხვილ ანუ უხეშ, წვრილ ანუ ნატიფ მოტორიკასა და სენსომოტორულ ანუ მგძნობელობით-მოძრაობით უნარებს. მოტორული სფეროს განვითარების ხელშეწყობისთვის საჭიროა სხვადასხვა მოძრაობითი აქტივობის განხორციელება.

  • ბავშვს უნდა მიეცეს სხვადასხვა ფიზიკური აქტივობის და გაშლილ სივრცეში მოძრაობის შესაძლებლობა
  • მსხვილი მოტორიკის განვითარებისთვის მშობელმა უნდა მისცეს ბავშვს ცოცვის, ხოხვის, სიარულის, სირბილის, აძრომის და სხვ. საშუალება.
  • ნატიფი მოტორიკის განვითარებისთვის კი – ხატვის, წერის, პლასტელინით (ცომით), კუბებით და სხვ. თამაშის საშუალება

განსაკუთრებით მნიშვნელოვანია, რომ მშობელმა ბავშვთან ერთად შეასრულოს სხვადასხვა აქტივობა. Aამ დროს მშობელი უნდა ესაუბროს მას, განუმარტოს თუ რას აკეთებენ, რაც თავის მხრივ ხელს უწყობს ბავშვს ისწავლოს სხვადასხვა მოქმედებისა და საგნების დასახელება. მოტორული სფეროს განვითარებისა და თვითმომსახურეობის ჩვევის ჩამოყალიბებისთვის განსაკუთრებული მნიშვნელობა ენიჭება ისეთ აქტივობებს, რომლებიც მოითხოვს ხელის მტევნებისა და თითების, ხელებისა და ფეხების აქტიურ მოქმედებას, ასევე ხელ-თვალის კოორდინაციას. მათ შორის ყველაზე მნიშვნელოვანია: ჩაცმა, ბანაობა, საჭმლის მომზადება, ჭამა, ხატვა, ძერწვა, წერა, სხვადასხვა თამაში, ხოხვა, ცოცვა, სირბილი, ხტუნვა.

რჩევები სოციალური და ემოციური სფეროს განვითარებისთვის

სოციალურ-ემოციური სფერო განსაზღვრავს ბავშვის პიროვნული თვისებების ჩამოყალიბებას და ადამიანებთან ურთიერთობას. იგი მოიცავს ბავშვის უნარს შეძლოს საკუთარი გრძნობების გაგება და გამოხატვა, სხვათა გრძნობების გაგება (თანაგრძნობა) და შესაფერისად რეაგირება.

მშობელმა უნდა იცოდეს, რომ ბავშვთან დაბადებიდანვე უნდა დაამყაროს შესაბამისი ურთიერთობა, რითაც თავად უნდა შეუწყოს ხელი მისი სოციალური ჩვევების განვითარების სწავლებას და ემოციების რეგულირებას. ბავშვის ემოციური სამყარო სრულიად დამოკიდებულია ოჯახის წევრებს შორის არსებულ ურთიერთობებზე. თუ ოჯახის წევრები გამოხატავენ ერთმანეთის მიმართ სითბოს და სიყვარულს ბავშვიც ბედნიერია და პირიქით თუ ოჯახში დაძაბულობაა, ბავშვს ხშირად უწევს სხვადასხვა პრობლემის გამო ჩხუბის და გაბრაზებული მშობლების ყურება იგი უბედური, გულჩათხრობილი და კარჩაკეტილია.

მნიშვნელოვანია ბავშვისთვის მშვიდი და წყნარი გარემოს უზრუნველყოფა, რაც ხელს უწყობს მათი ემოციების დარეგულირებას, განსაკუთრებით ზედმეტად მორცხვ ან ადვილად აგზნებად ჩვილებთან.

მშობელმა ხელი უნდა შეუწყოს ბავშვს სხვებთან ურთიერთობის დამყარებაში (აღმზრდელი, ოჯახის სხვა წევრები, მასწავლებელი).

ხანგამოშვებით აუცილებელია ბავშვის მარტო დატოვება, რათა მან შეძლოს საკუთარ თავთან თამაში და მიეჩვიოს მარტო ყოფნას. ეს ხელს უწყობს დამოუკიდებლობისა და საკუთარ თავში რწმენის ჩამოყალიბებას. საკუთარ თავთან თამაშის შემდეგ, ბავშვი შეაქეთ და დაასაჩუქრეთ.

უფროსმა თავად უნდა შეუწყოს ხელი ბავშვის სოციალურ ურთიერთობებს სხვა ბავშვებთან, შეაქოს და დაასაჩუქროს, როცა ბავშვი ერთვება სხვებთან თამაშში, გამოხატავს სხვა ბავშვების მიმართ კეთილგანწყობას, ესმის მათი ემოციები.

თუ ბავშვი აგრესიულია სხვა ბავშვების მიმართ, უტყამს, უყვირის, აუცილებელია მის მიმართ საყვედურის გამოთქმა. თუ ბავში ძალიან გაბრაზებულია თავის მეგობრებზე და არ ჩერდება, უფროსმა უნდა მოაცილოს მათ. მოგვიანებით უნდა ასწავლოს სხვადასხვა გზა, როგორ გამოვიდეს არასასურველი სიტუაციიდან. Mმაგ. სთხოვოს დახმარება უფროსს, ან შეწყვიტოს თამაში თუ მას არ მოსწონს. თუ რომელიმე სათამაშოა უსიამოვნების მიზეზი, უფროსმა დროებით უნდა გამოართვას ბავშვებს იგი, როცა ცოტა ხანში დაუბრუნებს, ბავშვები უკვე მზად არიან შეცვალონ თავიანთი დამოკიდებულება მის მიმართ.

არ შეიძლება უფროსმა დაარტყას, უჩქმიტოს, თმები მოქაჩოს და ა.შ., იმისთვის, რომ ასწავლოს მას რამდენად ცუდია ასეთი საქციელი და რას გრძნობენ ამ დროს ის ბავშვები, რომელსაც პატარა ურტყამს. უმჯობესია, როცა ბავშვი დაწყნარებულია, ჰკითხონ მას “შენ ვინმემ ხომ არ დაგარტყა, რა იგრძენი ამ დროს, გეტკინა?”, “როგორ ფიქრობ შენს მეგობარსაც ასე ეტკინა შენ რომ დაარტყი?”

მიზანშეწონილია როლური თამაშის გამოყენება, იმისთვის რომ ასწავლონ ბავშვს სხვადასხვა სოციალური ჩვევა, მაგ. როდის თქვას “გამარჯობა” და “ნახვამდის” მეგობრებს ან უფროსებს, რომლებიც მოდიან მასთან სტუმრად.

უფროსმა ბავშვთან უნდა ისაუბროს გრძნობების შესახებ, დაეხმაროს მას გაიგოს იმ სიტყვების მნიშვნელობა, რომლებიც ემოციებს გამოხატავს. დაახასიათოს საკუთარი, ან ბავშვის განწყობა “გახარებული ხარ?” “ბედნიერი ხარ?” “მოწყენილი ხარ?”

თუ ბავშვი მშიშარაა და “დედის კალთას” არ სცილდება, აუცილებელია დედისგან განცალკევების შეჩვევა. ბავშვს უნდა აგრძნობინოთ, რომ ის კარგად იქნება მაშინაც, როცა მშობლების გარეშეა. “შენ დღეს ძალიან კარგი დღე გექნება, ძალიან კარგად იქნები უჩემოთ.” უფროსმა ყოველთვის უნდა უთხრას ბავშვს, როდის დაბრუნდება მასთან და ეს დაუკავშიროს მისთვის ადვილად გასაგებ მოვლენას: “მე დავბრუნდები საუზმის შემდეგ”, ასეთი დამოკიდებულება ხელს უწყობს ბავშვს დროის შეგრძნების განვითარებას.

სოციალური ურთიერთობების ჩამოყალიბების პროცესში მნიშვნელოვანია მშობლებმა კარგი მაგალითი აჩვენონ ბავშვს როგორც ერთმანეთთან, ისე ოჯახის სხვა წევრებთან და მეგობრებთან ურთიერთობაში.

თამაში

ბავშვისთვის თამაში მხოლოდ გართობა არ არის, თამაში მისი გონებრივი, მოტორული განვითარებისა და სამყაროს შეცნობის აუცლებელი პირობაა. მშობელმა უნდა იცოდეს, რა პრინციპებით ისარგებლოს ბავშვის თამაშის ხელშეწყობისთვის.

  • მშობელმა უნდა უზრუნველყოს ბავშვი სათამაშოებით
  • სათამაშოები და თამაში უნდა შეირჩეს ასაკის გათვალისწინებით
  • სათამაშო უნდა იყოს უსაფრთხო
  • ერთი და იგივე სათამაშო ბავშვისთვის მოსაბეზრებელია. ბავშვისთვის მნიშვნელობა არა აქვს სათამაშოს ღირებულებას, იგი კარგად ერთობა ხელნაკეთი სათამაშოებითაც
  • ბავშვი უსაფრთხო გარემოში უნდა თამაშობდეს
  • სასურველია უფროსი ჩაერთოს ბავშთან თამაშის პროცეში, Mთუმცა არ უნდა შეასრულოს ლიდერის როლი

დისციპლინა

ბავშვის დისციპლინის ჩამოყალიბებაზე ზრუნვა ჯერ კიდევ ადრეულ ასაკში, დაახლოებით, 18 თვიდან უნდა დაიწყოს. Mმშობელმა უნდა იცოდეს, რომ ამ ასაკამდე ბავშვს არ შეუძლია ცუდად მოქცევა, რადგან მან ჯერ კიდევ არ იცის ცუდი და კარგი საქციელის გარჩევა.

  • ბავშვის დისციპლინის ჩამოყალიბება ორ ძირითად ფენომენს ეფუძნება – ,,მიბაძვა” და ,,მაგალითი’’
  • ბავშვი ბაძავს უფროსის ქცევას. იმისთვის რომ ხელი შეუწყონ ბავშვის დისციპლინის ჩამოყალიბებას, მას ყოველთვის კარგი მაგალითი უნდა მისცენ
  • ბავშვი კარგი საქციელის მიბაძვით უკეთ სწავლობს, ვიდრე შეგონებით
  • არ არის რეკომენდებული ბავშვის ფიზიკური დასჯა და შეურაცხყოფა, ასეთი დამოკიდებულება ხელს უწყობს ბავშვის აგრესიას და საკუთარი თავში ჩაკეტვას
  • მშობელმა უნდა გაითვალისწინოს, რომ ბავშვის ფიზიკურმა დასჯამ შესაძლოა სერიოზული ზიანი მიაყენოს ბავშვის ჯანმრთელობას
  • რეკომენდებულია ბავშვისთვსის გასაგები, მინიმალური აკრძალვების დაწესება
  • 1-5 წლამდე ასაკის ბავშვის დასჯის ეფექტური მეთოდია ,,ტაიმ-აუტი”- ბავშვი ხანმოკლე პერიოდის განმავლობაში ერთ ადგილზე მშვიდად უნდა იჯდეს ან იდგეს გარემოსაგან იზოლირებული. მას არავინ არ უნდა ელაპარაკებოდეს. ტაიმ-აუტი გრძელდება იმდენი წუთი, რამდენი წლისაც არის ბავშვი

ტუალეტის ჩვევა

საჭიროა ტუალეტის ჩვევის ჩამოყალიბებაზე ადრეული ასაკიდან იზრუნოთ.

დეფეკაციის და შარდვის კონტროლის უნარის ჩამოყალიბება 18-24 თვიდან იწყება და ბავშვი მზად არის გადაყენებისთვის თუ:

  • მისი საფენი 2-3 საათი მშრალია
  • არ სიამოვნებს ჭუჭყიანი საფენის დანახვა
  • ასრულებს უფროსის მარტივ მოთხოვნებს მაგ. ,,მოდი’’, ,,აიღე’’, ,,მომეცი’’

აღნიშნული პერიოდი მნიშვნელოვანია იმისთვის, რომ ბავშვი მიაჩვიონ ქოთნის გამოყენებას.

  • ბავშვი ქოთანზე უნდა დასვან ყველა ჭამისა და გაღვიძების შემდეგ, ასევე დაძინების წინ
  • არ არის რეკომენდებული ქოთანზე ბავშვის დიდხანს გაჩერება
  • უფროსმა უნდა გაითვალისწინოს, რომ ყველა ბავშვი ინდივიდუალურია, ზოგი ადვილად სწავლობს ქოთნის გამოყენებას, ზოგი ძნელად
  • იშვიათი “მარცხი” დასაშვებია 5 წლამდე, განსაკუთრებით თუ ბავშვმა ბევრი სითხე დალია, ან ძალიან გაერთო თამაშით
  • თუ უნებლიე შარდვა აღინიშნება 5 წლის შემდეგ, საშუალოდ კვირაში ორჯერ, მშობელმა უნდა მიმართოს სპეციალისტს
  • დაუშვებელია ბავშვის დასჯა და შეურაცხყოფა

3 წლის კრიზისი

2-3 წლამდე ასაკში ბავშვის ქცევაში მშობლები სერიოზულ სირთულეებს აწყდებიან. მანამდე მშვიდი, წყნარი და დამჯერი ბავშვი უეცრად ჯიუტ და ჭირვეულ არსებად იქცევა. ბავშვი სერიოზულ წინააღმდეგობას უწევს უფროსის მოთხოვნებს და საკუთარი სურვილების დაკმაყოფილებას ყველანაირად ცდილობს.

მშობელმა უნდა გაითვალისწინოს, რომ ბავშვის ასეთი ცვლილება ამ ასაკისთვის დამახასიათებელია. ეს უკავშირდება ბავშვის პიროვნების ფორმირების პროცესს, დამოუკიდებლობისკენ სწრაფვას და თვითდამკვიდრების სურვილს.

ეს პერიოდი “3 წლის კრიზისის” სახელით არის ცნობილი და მალე გაივლის. პიროვნების ფორმირების პროცესში დიდ როლს ასრულებს ბავშვის ემოცია, რომელიც ამ პერიოდში შესაძლოა ბავშვის შიშების საფუძველი გახდეს. პრობლემების გადალახვა შესაძლებელია, თუ მშობელი სერიოზულ მოთმინებას და ტაქტს გამოიჩენს.

ბავშვს უნდა ჰქონდეს დამოუკიდებელი მოქმედების შესაძლებლობა, რითაც იგი სწავლობს პირველი დაბრკოლებების გადალახვას და რაც მას ეხმარება ნებისყოფის გამომუშავებაში.

  • თუ ბავშვი დამოუკიდებლად ვერ ახერხებს დაბრკოლების დაძლევას, უფროსი უნდა დაეხმაროს მას.
  • გაუმართლებელია ბავშვისთვის გაუგებარი და ხშირი აკრძალვების დაწესება.
  • ამ ასაკში ბავშვის არასასურველი ქცევის აღკვეთის საუკეთესო გზა მისი ყურადღების სხვა რამეზე გადართვაა.
  • უცილებელია შენიშვნის დროული მიცემა, რათა ბავშვმა საქციელი და შენიშვნა ერთმანეთს დაუკავშიროს.
  • აუცილებელია 2-3 მარტივი აკრძალვის დაწესება და ოჯახის წევრების შეთანხმება აკრძალვის წესებზე.
  • არასწორი საქციელის გამო ბავშვს შენიშვნა ნებისმიერმა უფროსმა უნდა მისცეს.

უსაფრთხო გარემოს უზრუნველყოფა

მშობელს უნდა ახსოვდეს, რომ ბავშვს განვითარებისთვის უსაფრთხო გარემო ესაჭიროება. ბავშვის ბანაობის, ძილის, თამაშისა და მანქანით მგზავრობის დროს უფროსმა უნდა დაიცვას უსაფრთხოების წესები, რათა ხელი შეუწყოს ბავშვის უსაფრთხოებას და დაიცვას იგი დაზიანებისგან.

მშობელმა უნდა გაითვალისწინოს, რომ ბავშვს ასაკის მატებასთან ერთად მეტი ყურადღება ესაჭიროება. უსაფრთხოების წესების დაცვა ტრავმების და სხვა დაზიანების თავიდან აცილების საუკეთესო საშუალებაა.

  • ბავშვის საწოლი უნდა იყოს უსაფრთხო
  • აბაზანაში არ შეიძლება ბავშვის მარტო დატოვება
  • წამლები, ელექტრომოწყობილობა, ბასრი და წვრილი ნივთები, ქიმიური საშუალებები ბავშვისთვის ხელმიუწვდომელი უნდა იყოს
  • არ შეიძლება ბავშვის მარტო დატოვება შინაურ ცხოველებთან და მცირე ასაკის და-ძმასთან
  • მანქანით მგზავრობისას საჭიროა სპეციალური სკამის გამოყენება, არ შეიძლება მანქანაში ბავშვის უმეთვალყურეოდ დატოვება
  • არ არის რეკომენდებული ბავშვის მზეზე დიდხანს გაჩერება ან სეირნობისას უმეთვალყურეოდ დატოვება
    87 კომენტარი
  1. ვეკო says:

    გამარჯობათ ჩემი გოგო 2 წლის და 3 თვისაა ქოთანზე არაფრით არ ჯდება რა ხერხს არ მივმართე და ვცადე მაგრამ არა წივის და არ ჯდება რომ იფსავს მნერე მეუბნება ფისიო როგორ უნდა მოვიქცე?

  2. ვეკო says:

    გამარჯობათ ჩემი გოგო 2 წლის და 3 თვისაა ქოთანზე რაფრით არ ჯდება რა ხერხს არ მივმართე თუმცა უშედეგოდ პროტესტს გამოთქვამს წივის და არ ჯდება როგორ უნდა მოვიქცე?

  3. Nano says:

    მოგესალმებით ჩემი ბიჭი მალე 3 წლის გახდება და ძალიან ეშინია
    ფენის, მტვერსასრუტის ხმის, ზოგადად ფრთხილი და მშიშარაა. რას მირჩევთ? როგორ დავეხმარო ?

  4. ნათია says:

    გამარჯობათ,ჩემი შვილი 2 წლის და 10 თვის ბიჭია, ვერ ლაპარაკობს ბევრი სიტყვა აქვს ნათქვამი , მაგრამ ალბათ ავიწყდება და აღარ იმეორებს,სახელზე იშვიათად რეაგირებს ,არც რაიმე დავალებას ასრულებს იშვიათი გონაკლისების გარდა,მაგრამ ისე ძალიან გონიერია ყველაფერი იცის რა როგორ კეთდება,თვითონ თუ რაიმეს ვერ ახერხებს განიშნებს რომ დაეხმარო,ძალიან ვნერვიულობ პედიატრსაც ველაპარაკე და ნევროპათოლოგსაც არ არის საჭირო ჯერ ლოგოპედიო მხოლოდ ბაგაში წვეთები დაუნიშნა . .. თქვენ რას მირჩევთ რაიმე პრობლემა ხომ არ შეიძლება იყოს.

    • ნინო თარხნიშვილი says:

      მოგესალმებით,ნათია
      თქვენი ჩივილების გათვალისწინებით, ბავშვი საჭიროებს ნეირო-მოტორული განვითარების სრულყოფილ შეფასებას განვითარების სპეციალისტის მიერ და საჭიროების შემთხვევაში არა მხოლოდ ლოგოპედის, არამედ რამოდენიმე სპეციალისტის მუშაობას. წამლით მკურნალობას არანაირი მტკიცებულება არ აქვს და არ არის მიზანშეწონილი.
      ნინო თარხნიშვილი
      ბავშვთა ნევროლოგი

  5. ნინი says:

    გამარჯობათ.მყავს 5წლის დისშვილი რომელიც არის დზალიან ნერვიული აწყობს ისტერიკებს,არის აგრესიული,მესაკუთრე.ისტერიკის დროს თვალწბი მიაქვს უკან.

    • ნინო თარხნიშვილი says:

      მოგესალმებით, ნინი
      როდესაც ბავშვი აწყობს ე.წ. ისტერიკას თუ ტანტრუმებს, აღნიშნული ყოველთვის ემსახურება რაღაც კონკრეტულ მიზანს – ან რაიმეს აპროტესტებს ან რაღაც კონკრეტული მიზნის მიღწევა სურს. მნიშვნელოვანია ბავშვის ნეირო-მოტორული განვითარება, ოჯახური მდგომარეობა, ოჯახის წევრების დამოკიდებულება ბავშვთან. ერთ-ერთი ყველაზე გამართლებული მეთოდია ტანგრუმების დროს ბავშვის საქციელის იგნორირება. დაუშვებელია აგრესიულ ქცევაზე აგრესიით პასუხი.
      როდესაც ოჯახის წევრები ვერ ახერხებენ თავად გადაჭრან მსგავსი პრობლემები, შესაძლებელია ჩაერთოს ფსიქოლოგი.
      ნინო თარხნიშვილი
      ბავშვთა ნევროლოგი

  6. ლიზი says:

    გამარჯობათ, 2 წლის ბავშვს ჩამოსდის დორბლი რისი ბრალი შეიძლება იყოს?

  7. სოფი says:

    გამარჯობა. ჩემი ბიჭი 2 წლის და 3 თვისაა. 7 თვის იყო როცა დაიწყო პირველი სიტყვების წარმოთქმა (მამა,დედა,ბაბუა) წლამდე რამდენიმე სიტყვას იტყოდა ახალს ერთი ორჯერ და სამამდეც ითვლიდა. შემდეგ 2-3 რუსული სიტყვა შეჰმატა ეხლა კი ყველა დავიწყებული აქვს და როცა მას უნდა ათასში ერთხელ წამოიძახებს თითო სიტყვასდა ისიც ინგლისურად ასევე ითვლის 10-მდე და ფერებსას ცნობს ინგლისურად ოღონდ ამბობს როცა მას უნდა. ქართულად მხოლოდ მამას ამბობს, კარგად და თუ ძალიან უნდა რამე მემეე(მომე). ასევე მაწუხებს ის საკითხი რომ, ძალიან უყურადგებოა არც სმენის პრობლემა აქვს და არც ჭკუის უბრალოდ არ გვაქცევს ყურადღებას სახელზე იშვიათად იხედება თუ დაჟინებული ტონით დაუდძახებ და არც არაფერს ასრულებს მაგ; ეს აიღე , მომიტანე ან თუნდაც მოდი ჩამეხუტე(თითქოს არც ესმის მნიშვნელობა), ერთადერთი ბაბუას თუ ჩაეხუტება და თითქოს იმორცხვებს.სხვებთან შედარებით ჩემი უფრო ესმის,იცის რისთვის შეიძლება გავუბრაზდე ჯერ გამომხედავს თუ ვუყურებ. ისე აქტიური ბავშვია , მოუსვენარი მაგრამ არა მავნე და აგრესიული. უყვარს მუსიკა, ცეკვა,ხატვა. პატარებს საერთოდ არ აქცევს ყურადღებას დიდ ბიჭებთან ურჩევნია თამაში. როცა რამე უნდა მოვა ხელს მომკიდებს და მიმიყვანს, როცა ტუალეტში უნდა ასევე მოდის ჩემთან და მახვედრებს. საკმაოდ დიდი დოზით უყურებს მულტფილმებს მაგრამ,მაინც არ მგონია მხოლოდ ამის ბრალი იყოს ეს ქცევები. ძალიან გთხოვთ გამიზიარეთ თქვენი მოსაზრება და იქნებ მირჩიოთ ვის მივმართო. დიდი მადლობა წინასწარ

    • ნინო თარხნიშვილი says:

      მოგესალმებით, სოფი
      უმჯობესი იქნება თუ მიმართავთ განვითარების სპეციალისტს და დეტალურად შეაფასებთ ბავშვის ნეირო-მოტორულ განვითარებას. შედეგად გექნებათ სათანადო რეკომენდაციები, რომელიც დაგეხმარებათ ბავშვის კომუნიკაციისა და ზოგადი უნარების გაუმჯობესებაში.
      ნინო თარხნიშვილი
      ბავშვთა ნევროლოგი

    • ქეთო says:

      რა გაარკვიეთ გყავდათ ექიმთან მეც ზუსტად იგივე პრობლემა მაქვს ჩემი გოგოა მაგ ასაკის აი ზუსტად ეგრეა მეგონა ჩემს შვილზე ვკითხულობდი თუ გაარკვიეთ მიზეზი მომწერეთ რა ან რომელექიმთან გყავდათ?

  8. ნია says:

    ეზიზღება სათმაშო ტყლარწი, გულს
    ირევს მის შეხებაზე, აგრეთვე პამპერსზე, მაგრამ არ აქვს პროტესტი სველ ქვიშაზე და ფერად პლასტილინებზე.

  9. ნია says:

    აგრეთვე ჭამს დამოუკიდებლად, იცის ფეხზე ჩაცმა, რასაც ასწავლი იმახსოვრებს, აკეთებს იმიტაციებს, მაგრამ იცის მხოლოდ სამი სიტყვა. მეჩვენება რომ განვითარების ტემპი
    ოდნავ შენელებულია, გმადლობთ ყურადღებისთვის.

  10. ნია says:

    მოგესალმებით, მყავს 2 წლის და 3 თვის ბიჭი, ვცხოვრობთ საზღვარგარეთ, ბავშვი ძირითადად იზრდება ჩემთან(დედასთან) , არ ლაპარაკობს გარდა დედა მამა და მომე. ჟესტები, თვალით კონტაქტი კარგი აქვს, მშვიდია, ძალიან თბილი, გვეფერება გვკოცნის, გვესალმება ხელის ჩამორთმევით, გვემშვიდობება. გვეთამაშება დამალობანას. უყვარს ხალხი და ბავშვები, თამაშობს ფეხბურთს, მანქანებს , ფიზიკურად 3-4 წლის შეხედულება აქვს. გადავიღეთ მრტ , შეფერხება არ ჩანს. ვიყავით ნერვოლოგთან, ფსიქოლოგთან, რათქმაუნდა აუტიზმი გამოირიცხა, მოტორული უნარები კარგი აქვს, ჟესტებით სრულიად კარგად ვკონტაქტობთ და მის მიერ წარმოთქმული მიმანიშნებელი მარცვლებით. დავდივართ მონტესოროთერაპიაზე და მსუბუქ ფიზ. კულტურაზე, მითითებებს ასრულებს , მომიტანე წავიდეთ, ვჭამოთ და ამდაგვარი ცხოვრებისეული ქმედებანი. რა შეიძლება გავაკეთოთ? უღრმესი მადლობა წინასწარ.

    • სოფიო says:

      მოგესალმებით, ჩემი ბიჭი არის 2 წლის და 3 თვის.ვუჩივით უმეტყველობას, თუმცა 1 თვის წინ დაუდგინდა ჩიყვი 8.3 აქვს, ნორმა 0.3-4 ამდეა. დავუწყეთ შესაბამისი მკურნალობა, მას შემდეგ ბავშვი ბევრად აქტიური გახდა,ემოციას გადმოსცემს სიხარულს, გაბრაზებას, დედსა და მაამს დანახვაზე სიხარულს გამოხატავს, უცხოს დანახვაზე არ ჭირვეულობს, წარმოსახვითი თამაშები მოსწონს, თუმცა კომპიუტერი ურჩევნია, ძალიან ვნერვიულობთ რომ არ მეტყველებს იქნებ გვირჩიოთ როგორ მოვიქცეთ, ბავშვებთან ტამაში არ უყვარს მარტო ურჩევნია,თუმცა ზოგჯერ მივა ჩაეხუტება ან წაართმევს სათამაშოს ან დაარტყამს…გთხოვთ მირჩიოთ ….

  11. Meri says:

    გამარჯობა. ძალიან მჭირდება თქვენი დახმარრბა. მყავს 2წლის და ერთი თვის ბიჭი. მე თბითონაც 8 თვის ორსული ვარ, ჩემი ბიჭი ძალიან აგრესიული გახდა ამ ბოლო დროს. ყველაფერზე ყვირის, რა მოსწონს ან რა არა ზოგჯერ ვერ ვხვდები ვცდილობ ყველანაირად მოვითმინო დავამშვიდო მაგრამ უშედეგოდ, ძალიან გაღიზიანებულია, სტუმრის მოსვლის დროსაც იგივე რეაქცია აქვს და ეს დიდი ხანი გრძელდება. თავს ვეგარ ვერევი ზოგჯერ დავუყვირებ და მერე უფრო აგრესიულია, ძალიან ვნერვიულობ, ყოველდგე ტირილი მიწევს იმის გამო რომ მეშინია მისი ასეთი აგრესიულობის:( სადამდე გაგრძელდება არვიცი, თან მეორწც რომ დაიბადება მალე უარესი რეაქცია არ გამოიწვიოს მეშინია.

  12. ანუკაა says:

    გამარჯობა, ჩემი დისშვილი არის ორი წლის და სამი თვის, ორ წლამდე იცოდა რაღაც სიტყვები მაგ: წყალს- ნწას ეძახდა, აჩუა, ხე, დოლი, დედა მამა მაგრამ დაძახებით არ იძახსა თუ შეეკითხებოდი სადაა დედა მაგ შემთხვევაში ამბობდა დედას. ორი წლის შემდეგ ბევრი სიტყვები ისწავლა რასაც ეტყვი თითქმის ყველაფერს იმეორებს ცდილობს ზოგს დამახინჯებულად მაგრამ ამსგავსებს და ამახსოვრდება მომავალში რო შეეკითხები იცის, ვინმემ რამე თუ აჩუქა ამბობს მის სახელს, იცის კი და არას თქმა მიზანმიმართულად, ახლა უკვე ეძახის დედას და მამას თუ რამე ჭირდება, ასრულებს ყველა დავალებას რასაც მისცემ, მაგრამ გადაბმულად არ ლაპრაკობს მხოლოდ ასეთ მარტივ რამეებს, დედა კუკუ თუ ტუალეტი უნდა ან თუ რამე ტკივა ამას წინ უკანა კბილი ამოდიოდა და თქვა კიჭი ფუფუო, უყვარს ცეკვა და მუსიკები, ტელევიზორთანაც არაა დიდხანს მაგრამ მაინც აგვიანებს ლაპრაკს, ბაღში დადის და თავისებურად ყვება იქ რა გააკეთა რა ჭამა ძალიან მარტივ ენაზე, იცნობს ორ ბავშვს და ახსენებს მათ სახელებს, ასევე მასწავლებლის. სახლში აფრესიულად იქცევა თუ ვინმემ რამე დაუშალა დაგარტყამს ან გავწება და ტირის, თუ დედამისი სახლშია სულ კუდში დადევს და უფრო მეტად წუწუნებს.. უყვარს ზღაპრები მოგიტანს წიგნს და უნდა წაუკითხო იცის რომელ ზღაპარში რა ხდება, მაგალითად კომბლეს რამდენი ცხვარი ყავდა, და მოქმედებები ზღაპარში რაც ხდება, იცის ცხოველების ცნობა და ასახელებს კიდეც ზოგს ცუდად ზოგს კარფგად, მაპატიეტ ამდენი რომ ვწერე მაგრამ მაინტერესებს რომ არ მეტყველებს გადაბმულად საშიშია? მადლობა

    • თათია აფრასიძე says:

      მოგესალმებით, ანუკა,
      გამართული მეტყველების დაწყების ასაკი მეტნაკლებად ინდივიდუალურია. ამ ასაკის ბავშვს მოეთხოვება მარტივი, 2-სიტყვიანი წინადადებებით საუბარი, რასაც თქვენი დისშვილი თავისუფლად ახერხებს. შეუძლია ასევე თავისი სიტყვებით ამბის მოყოლა, რაც ნორმალურია ამ ასაკისათვის. მნიშვნელოვანია ისიც, რომ ბავშვს ესმის ყველა თქვენი მითითება და დავალება, ახერხებს საკუთარი სურვილების გადმოცემას. რაც შეეხება დროდადრო აგრესიულ ქცევას, პრობლემას არ წარმოადგენს, რადგან აღნიშნული ასაკი არის ბავშვების თვითდამკვიდრების ეტაპი ცხოვრებაში და ხშირად საკუთარი სურვილის უგულებელყოფას ამგვარად გამოხატავენ.
      თათია აფრასიძე
      ბავშვთა ნევროლოგი

  13. Gulnara says:

    გამარჯობათ.მყავს ერთი წლის და 4თვის გოგო. ვცხოვრობთ იტალია,ბავშვი არის მშვიდი უყვარს მარტო თამაში ასევე უყვარს მშობლებთან ერთად თამაშიც.უყურებს მულტფილმებსაც მაგრამ ვცდილობ ძირითადად ტელევიზორის გარეშე იყოს. არ არის აგრესიული ბავშვებთან უყვარს ბავშვები მაგრამ სახლში როცა ვინმე მოდის ტირის და მეკვრის. ბავშვი იზრდება მშვიდ გარემოში მშობლები სულ ვეფერებით.მაგრამ ერთი სამჯერ გამით გაიგვიძა ტირილით ფეხზე წამოდგა და ნახევრად მძინარე ტიროდა. რისი ბრალი შეიძლება იყოს? ასევე არ მომწონს ის რო ზოგჯერ თავს ატრიალებს და თვალებსაც ატრიალებს ხოლმე თამაშის დროს. ასევე მართალია იშვიათად მარა ხელებს ყურზეც იდებს ეს სიმპრომები შეიძლება იყოს რაიმე საშიში?ახალდაბადებულს ეშინოდა ხელების გასინჯა ნევროლოგმა მარა ყველაფერი წესრიგში იყო და ახლა რას მირჩევთ შეიძლება რაიმე პრობლემის ბრალი იყოს ეს სიმპტომები?მადლობა წინასწარ.

  14. ანუკა says:

    მოგესალმებით. მყავს 1 წლის და 10 თვის ბიჭი. ამბობს რამოდენიმე სიტვას დედა, მამა, დგა და სხვადასხვა ბგერებს. აქამდე ძირითადად მთელი დღე ჩართული გვქონდა მულტფილმები,დიდად არ აინტერესებდა სათამაშოები. თვალით კონტაქტი კარგი აქვს, უყვარს ხალხი,ბავშვები და გარეთ სიარული. სახვარგარეთ ვცოხრობთ და ძირითადად ბავშვს მხოლოდ დედასთან აქვს კონტაქტი. ბოლო 1 კვირაა შევუზღუდეთ მულტფილმები და ვუკითხავ ლექსებს, უკვე ცნობს რომელ ლექსს ვკითხულობ და მისი საყვარელი ლექსის დაწყებისთანავე მისმენს და იღიმება. თუ ეთამაშები ან ბურთს , ან მანქანას ერთვება თამაშში და მისვრის\მიგორებს, მეთამაშება დამალობანას, როცა რამე უხარია იცის ხელების გაკანკალება. კარგად სინავს, არ აწუხებს კუჭ-ნაწლავის პრობლემა. არ არის ჭირვეული. მხოლოდ სახელს როცა ვეძახი ხანდახან ყურადღებას არ მაქცევს, მაგრამ სახელი +წყალი დალიე, რაღაცას მოგცემ გამორბის. ესმის გარეთ გასვლა რას ნიშნავს, ბანაობა, ჭამა. რას მირჩევთ?

    • თათია აფრასიძე says:

      მოგესალმებით, ანუკა,
      თქვენს მიერ მოწოდებული ინფორმაციიდან იკვეთება, რომ ბავშვი მეტყველებს ერთეული სიტყვებით, ესმის თქვენი, თამაშობს ფუნქციურად, გამოხატავს ინტერესს ბავშვებისადმი. ეს ის უნარებია, რასაც ამ ასაკის ბავშვი უნდა ფლობდეს კომუნიკაციის სფეროდან. ასევე უნდა შეეძლოს მარტივი დავალებების შესრულება, გამოხატავდეს სურვილებს (თუნდაც ჟესტების, მიმიკების მეშვეობით), რეაგირებდეს სახელით მიმართვაზე. სოციალური ურთიერთობების ჩამოყალიბებაში მშობლის როლი მნიშვნელოვანია. დააკვირდით თქვენი მეტი ჩართულობის ფონზე ბავშვის უნარების განვითარებას.
      თათია აფრასიძე
      ბავშვთა ნევროლოგი

  15. მარი says:

    მოგესალმებით, ჩემი შვილი 3 წლისაა, დღემდე ძალიან ბევრი ლექსი და სიმღერა ისწვლა, იცის ასევე ფერები და დათვლა ქართულად და ინგლისურად, თუმცა ეს ბოლო პერიოდია აღარაფერს იძახის, არც ლექსებს და არც სიმღერებს, ჩემის მხრივ მე სულ ვუყვები ლექსებს და ვუმღერი, რას მეტყვით ეს ასაკის ბრალია თუ სხვა რამეშია საქმე. ველი პასუხს, მადლობა წინასწარ

    • თათია აფრასიძე says:

      მოგესალმებით, მარი,

      ასეთ შემთხვევაში, აუცილებელია მოხდეს ბავშვის შეფასება სპეციალისტთა ჯგუფის მიერ დიაგნოსტიკური ტესტებით. სრულფასოვანი შეფასების ჩატარების მიზნით, გირჩევთ, მიმართოთ ნეიროგანვითარების ცენტრს.
      თათია აფრასიძე,
      ბავშვთა ნევროლოგი

  16. ნინო says:

    ჩემი შვილი 2 წლის და 1 თვის არის…ზედმეტად ჭკვიანი ბავშვია…ლაპარაკობს..იცის ლექსები.,დათვლა,მხიარულია,ცეკვავს,მღერის…არის კონტაქტური უყვარს ბავშვები მაგრამ ორი პრობლემა გვაქვს..აგრესიულია ბავშვებთაან ურთიერთობაში თამაშის დროს ხელის კვრა იცის ან სახეში დარტყმა..თმებს წიწკნის..ვცადე ყველანაირად მიდგომა მიდგომა..მშვიდად ავუხსენი მაგრამ მაინც იგივეს აკეტებს ვერც ჩხუბით და დასჯით ვერ გაიგო…ეხლა კიდე რაც 2 წლის გახდა უფროსების მიმარტაც აგრესიას გამოხატავს პრიორიტეტი არავინ ყავს არავისი ეშინია რაღაც როცა არ მოსწონს შეუძლია 2 საათი გადაბმულად იტიროს ,იგნორის შემთხვევაში ხმას უნატებს ან ცდილობს გააკეთოს ისეთი რამ რაც მაბრაზებს..ძალიან ვნერვიულობ მეშინია ნერვებთან დაკავშირებით რობლემები არ შეექმნეს ..არც ის მინდა მივუშვა და ტირილით მივაგწევინო სასურველს..დამამშვიდებელიც გამოგვიწერა ნერვოლოგმა მაგრამ არ შველის…იქნებ მირჩიოთ რამე..მადლობა წინასწარ

    • თათია აფრასიძე says:

      მოგესალმებით, ნინო,
      აღნიშნული ქცევა არის მისთვის სასურველის მიღწევის საშუალება, რომელსაც, რა თქმა უნდა, კვლავ მიმართავს, თუ ერთხელ მაინც მოხდება ამ ქცევის სანაცვლოდ მისი სურვილების დაკმაყოფილება. შეეცადეთ, სრული იგნორირება მოახდინოთ. თავდაპირველად ეს გამოიწვევს ბავშვის მეტად გაღიზიანებას, რაც მის ჯანმრთელობას არ ვნებს, რამდენიმე მცდელობა კი შედეგს აუცილებლად გამოიღებს. არ შეცვალოთ გადაწყვეტილება. მედიკამენტის მიღება, ამ შემთხვევაში არ არის რეკომენდებული. ასევე გამოიყენეთ წახალისების მეთოდი, – შეაქეთ კარგი საქციელისათვის და დააჯილდოვეთ. გაითვალისწინეთ, რომ მოტივაცია საუკეთესო საშუალებაა თქვენთვის სასურველი ქცევის მისაღებად.
      თათია აფრასიძე,
      ბავშვთა ნევროლოგი

  17. says:

    გამარჯობათ. ჩემი შვილი 2წლის არის არ რეაგირებს თვისი სახელზე. როგორ მოვიქცე?

    • თათია აფრასიძე says:

      მოგესალმებით,
      მიმართეთ ნეიროგანვითარების ცენტრს, სადაც მულტიდისციპლინური გუნდის მიერ მოხდება ბავშვის შეფასება ბავშვზე დაკვირვებისა და დეტალური ანამნეზის საფუძველზე.
      თათია აფრასიძე,
      ბავშვთა ნევროლოგი

  18. თამარი says:

    მყავს 2 წლის და 8 თვის გოგონა. ჯერ კიდევ მატყუარას იყენებს.როგორ გადავაჩვიო?

  19. ნინო says:

    გამარჯობათ მყავს 2,7ტვის ბიჭი.არქ რაც წერია თიყქმის ყველაფერს აკეთებს.ნერვოლოგთან გავაკეთეთ ტესტი და მხოლოდ მეტყველებაზე გვქონდა მინუსი.დავდივართ ბაღში.ემოციას ძალიან კარგად გვიზიარებს.უხარია წარმაყება.წყინს როცა ვუბრაზდები.უხარია როცა სახლში მოვდივარ ან მამა მოდია.გვიბრაზდება როცა სახლში ვტოვებთ.ჭამს თავისით მშრალ საკვებს.სვამს ჭიქიდან.ქოთანზე აკეთებს კაკებს.იხეხავს კბილებს თავისით.როცა უხარია ხელებს მაღლა წევს და მუჭებს კრავს.მხოლოდ სიხაეულის დროს.ვთამაშობთ დამალობანას და მეძებს ყველგან სადაც შეიძლება ვიყო.მითითებებს მისრულებს თითქმის ყოველთვის.გადააგდე აიღე მომეცი.ითვლის ოგონდ მხოლოდ თითებით .ვითომ კითხულობს თითს აყოლებს და ასოებს და ბგერებს ამბობს.ძალიან კარგად მახვედრებს რაც უნდა.ისეთ რაღაცას თუ მივაწვდი რაც არ უნდა თავს მიქნევს არ მინდაო და იყურება იქეთკენ სადაც ის ნივთი დევს რაც უნდა.თამაშობს თავის და ძმასთან.უყვარს ჩახუტება.კოცნა.რაგაც რო აინტერესებს მოაქვს და თვალებში მიყურებს რა არიო მეკითხება.სამი დღეა დამყავს ფსიქოლოგთან იქნებ აამეტყველოს.არ ვიცი რა ვქნა დიაგნოსტიკა საჭიროა?ხშირად უყურებდა ტელწვიზორს და ვგიქრობ აერია სამი ენა ერთმანეთში.უყვარს კუბებით თამაში.აწყობს პაზლებს.რა ვქნა მირჩიეთ რა ძალიან გთხოვთ.

    • თათია აფრასიძე says:

      მოგესალმებით, ნინო,
      თქვენ არ მიუთითებთ დეფიციტურ მხარეებზე, გარდა მეტყველებისა. მითუმეტეს, ასევე შეფასებულია ბავშვთა ნევროლოგის მიერ. ასეთ შემთხვევაში, მეტყველების თერაპევტი დაეხმარება ბავშვს მეტყველების უნარის გაუმჯობესებაში.
      თათია აფრასიძე,
      ბავშვთა ნევროლოგი

      • ნიმო says:

        მხოლოდ მეყყველწბის პრობლემა გვაქვს.რაც ფსიქოლოგთან დავიწყეთ მეცადინეობა ძალიან გამოსწორდა სიტუაცია.ყველა ცხოველა ახმოვანებს.იცის ხილის სახელები.უფრო ყურადღებიანი გახდა.პამპერსიც გაიხადა.ჯერ წინადადებას ვერ ამბობს მაგრამ სიტყვები წამოვიდა .დიდი იმედი მაქვს მალე გადააბამს.მადლობა ყურადგებისთვის

  20. ნათია says:

    გამარჯობათ, ჩემი შვილი 2წლისა და ერთი თვისაა, იშვიათად რეაგირებს სახელზე, არ გვეძახის დედა-მამას, არ ესმის: მოდი, წადი გშია? გინდა?, მომიტანე, ამასთან დიდად არ თამაშობს ბავშვებთან,თუმცა ამავდროულად იცის სიმღერები, რამოდენიმე ლექსი (ჩიტო-ჩიტო ჩიორაო, ერთს რომ ერთი მივუმატოთ, დენდენდური – ხელებით ანსახიერებს), იცის ინგლისური ანბანი ძალიან კარგად (მანქანის ნნომრებს,მაღაზიის სახელებს სულ კითხულობს) და დათვლა აზრიანათ (ითვლის თითებს, სათამაშოებს) იცის ყველა ფერები არ ეშლება- ეს ყველაფერი შესაბამისად კომპიუტერიდან აქვს ნასწავლი იმიტომ,რომ გიჟდება კომპიუტერის და რეკლამების ყურებაზე,
    შეიძლება ეძახდე ყურადღება არ მოგაქციოს, მაგრამ საკმარისია გაიგონოს რეკლამის ხმა მაშინვე ექნება რეაქცია. იცის ზოგიერთი ხილის სახელები და ცხოველები. უყვარს დამალობანას თამაში (ამ მხრივ კარგად შემოდის კონტაქტში),უყვარს მუსიკა დაცეკვა. 2 კვირაა რაც ისწავლა მომე და ადე (ანუ როცა უნდა რო აგაყენოს და სადმე წაგიყვანოს) , თუმცა ეზარება ლაპარაკი და თუ არ აიძულე არ იტყვისა ანუ თუ არ მისცემ ეგრევე იმას რაც უნდა და აწვალებ მერე იტყვის მომეს.მოკლედ ასეთი განვითარებისაა ჩემი შვილი და გთხოვთ მითხრათ რამდენად საყურადღებოა ზემოთ აღიშნული ჩვენი პრობლემები, არის თუ არა ეს კომპიუტერის გავლენა და როგორ გამოვასწოროთ

    • თათია აფრასიძე says:

      მოგესალმებით, ნათია,
      იშვიათად რეაგირება სახელით მიმართვაზე, მეტყველების დაგვიანება, ნაკლები ინტერესი ბავშვებისადმი და ასევე, არ ასრულებს თქვენს მითითებებს; ყოველივე ეს არის საყურადღებო ნიშნები, რომელიც აუცილებლად მოითხოვს დროულ შეფასებას.
      თათია აფრასიძე,
      ბავშვთა ნევროლოგი

  21. თეო says:

    გამარჯობათ! მე მყავს 2 წლის და 8 თვის გოგონა, ძალიან აქტიურია, აკმაყოფილებს განვითარების ყველა საფხურს, თუმცა ამ ბოლოს უჩვეულო ჯინიანობა და აგრესია დაეტყო. რაც არ უნდა ყვირილითა და ისტერიკით გამოხატავს , ვცდილობ იგნორი გავაკეთო თუმცა ვღელავ. ოჯახში მსგავსს არაფერს ხედავს..ჩვენი დღის რეჯიმი გვაქვს თამაში კითხვა … ყველაფერზე აქამდე სიამოვნებით მომყვებოდა ახლა კი აღარ უნდა ვხვდები… იქნებ ზედმეტად ადრე დავტვირთე ან პირიქით გათამამებულია…ვეღარ ვხვდები …და ერთი ფაქტორი მისი თანატოლი მეზობელი გყვას მასთან ხშირად თამაშობს ის ძალიან აგრესიულია და ამ ბოლოს იმ ბავშვის ქცევებს ვიჭერ მასში… საუბრის მანერასაც კი… რა ვქნა ხომ ვერ ავუკრძალავ ბავშვებთან ურთიერთობას არადა ვხედავ რომ ძალიან მიმბაძველია… იქნებ მირჩჩიოთ რამე? გმადლობთ

    • თათია აფრასიძე says:

      მოგესალმებით, თეო,

      აუცილებელია, დადგინდეს თუ რა არის ბავშვის ქცევის შეცვლის მიზეზი, რადგან ბავშვი სწრაფ ცვლილებებს „ცუდად ეგუება“ და ეს შესაძლებელია გამოიხატოს მისი ქცევით.
      დააკვირდით რამდენიმე დღის განმავლობაში და დეტალურად აღწერეთ თუ როდის, რა ვითარებაში ვითარდება, რა უსწრებს წინ და რა მოჰყვება მის ასეთ ქცევას. რათა მოხდეს თავის არიდება მისთვის სტრესული სიტუაციებისადმი.
      თუ თვლით, რომ რაიმე სახის ცვლილებას არ ჰქონია ადგილი და ვერ უკავშირებთ კონკრეტულ სიტუაციას ან ფიქრობთ, რომ ეს შეიძლება იყოს თქვენზე რეაგირების მოხდენის საშუალება, შეეცადეთ, სრული იგნორირებით „უპასუხოთ“ მის ასეთ ქცევას. ასევე გაითვალისწინეთ, რომ „წახალისება“ კარგი მოტივაციაა თქვენთვის სასურველი ქცევის მისაღებად.
      თათია აფრასიძე,
      ბავშვთა ნევროლოგი

  22. ტასო says:

    გამარჯობათ, გთხოვთ მიპასუხოთ კითხვაზე ჩემი ბავშვი არის 2 წლის და7 თვის, ყიფლიბანდი აქვს კიდევ დაუხურავი და ლაპარაკსაც იგვიანებს, ამბობს მხოლოდ სიტყვებს.მირჩიოთ გთხოვთ როგორ მოვიქცე.მადლობა

    • თათია აფრასიძე says:

      მოგესალმებით, ტასო,
      თუ თავის გარშემოწერილობა შეესაბამება ასაკობრივ ნორმას, აღნიშნული პრობლემას არ წარმოადგენს. რაც შეეხება მეტყველებას, აუცილებელია განისაზღვროს, არის მხოლოდ მეტყველების განვითარების შეფერხება, თუ ასოცირებულია ის გონებრივი განვითარების შეფერხებასთან. მიმართეთ სპეციალისტს, რათა მოხდეს ბავშვის გონებრივი განვითარების შეფასება.
      თათია აფრასიძე,
      ბავშვთა ნევროლოგი

  23. მერი says:

    მოგესალმებით, ჩემი ბიჭი არის 2 წლის, ერთადერთი რაც პრობლემა მაქვს არის ის რომ თითის წოვა უყვარს. მოკლედ თითის წოვა დაიწყო 5 თვის ასაკში არ ვიცი რამდენად შესაძლებელია ამხელა ბავშვმა სხვისგან ისწავლოს მაგრამ, თითს წოვდა ჩემი ნათესავის ბავშვი და დაინახა და მეორე დღეს ამანაც დაიწყო. მოკლედ 1 წელი წოვა თითი ვერაფრით გადავაჩვიე და 1 წლის და 5 თვის იყო როგორც იქნა ერთ კვირიანი წვალების შემდეგ მატყუარა ჩაიდო და ისე იძინებს დღემდე (თუ მატყუარა არ უდევს გამე ან შუადღეს ძილის დროს თითს იდებს ისევ არ დავიწყებია ჯერარადა 1 წელი გავა ამ ზაფხულში რაც გადავაჩვია ამას თუ გადაჩვევა ქვია), ამასთანავე ჩვევა აქვს Yურზე ხელს იკიდებს და ისე იძინებს ან მე მეთამაშება ყურზე ან მამას ძილის წინ. წავიკითხე სტატიაში, რომ თუ ბავშვი ხშირად იდებს ყურზე ხელს საშიშიაო და შემეშინდა ეხლა და იქნებ მითხრათ რატოა საშიში და თითის წოვაც გამიგია არ არის კარგიო და რამე კავშირში ხომ არ არის ერთმანეთთან? სხვა არანაირი პრობლემა არ გვაქვს განვითარების მხრივ. უსწრებს ყველა კრიტერიუმს 2 წლის ბავშვის განვითარებისას. 6 თვიდან აქტიურად დაიწყო სიტყვების ათვისება და ჩვეულებრივი დიდი ადამიანივით საუბრობს ეხლა. წინადადებებს აბამს და აზრსაც სწორად აყალიბებს, ბრუნვებში ლაპარაკობს და აზროვნებითაც ისეთ რაღაცეებს თვინავს ხოლმე რო მაოცებს. ყოველთვის უსწრებდა განვითარებას ამ მხრივ. ძალიან აქტიური და მოძრავია. ყველაპერი ესმის და ყველაფერს აკეთებს რაც ცხრილშია ჩამოთვლილი ამ სტატიაში. ერთადერთი პრობლემა რაც არის თითის წოვა რო არ დაივიწყა აქამდე და ღამე (მხოლოდ ღამე) თუ მატYუარა გადმოუვარდა თითს იდებს და ყურზე ხელი. მადლობა წინასწარ.

    პატივისცემით,

    მერი

    • თათია აფრასიძე says:

      მოგესალმებით, მერი,

      თუ ბავშვის განვითარება ასაკის შესაბამისია, აღნიშნული ჩვევა მას პრობლემებს არ შეუქმნის.

      თათია აფრასიძე,
      ბავშვთა ნევროლოგი

  24. თაკო says:

    გამარჯობათ ჩემი გოგო 2 წლის და 4 თვისაა,ზოგადად ემოციური ბავშვია ამ ბოლო დროს დაიწყო კივილი ყველაფერზე რაც არ მოწონს ხან მეურჩება ძირს წვება ან კივილს იწყებსმაგალითად თუ მინდა დავსვა ქოთანზე რას მირჩევთ ძალით გავაკეთებინო მაინც რაც მინდა რო გააკეთოს.კიდევ მირტყავს ხელს რამე თუ არ მოეწონება ან რამე ნივთს თუ გამოვართმევ,ვეღარ ვხვდები რა გავაკეთო სულ ვუხსნით ველაპარაკებით მაგრამ უარესად იქცევა მგონი

    • თათია აფრასიძე says:

      მოგესალმებით, თაკო,
      ბავშვის ყვირილი, უხეში და გამომწვევი ქცევა არის მისთვის სასურველის მიღწევის საუკეთესო საშუალება.
      იგნორირება არის ხერხი, რომლის გამოყენების შედეგად თქვენთვის არასასურველი ქცევების სიხშირე შემცირდება. როდესაც ის ასე იქცევა, არ დაუწყოთ კამათი, არ მოეფეროთ, არ შეუსრულოთ სურვილი, რომელსაც ასეთი სახით ითხოვს.
      წახალისება არის ხერხი, რომლის გამოყენების შედეგად თქვენთვის სასურველი ქცევის სიხშირე გაიზრდება. მაგალითად, როდესაც ბავშვი გისრულებთ თხოვნას, იჯერებს და ითვალისწინებს თქვენს რჩევებს და ა.შ., აუცილებლად გაუმახვილეთ ყურადღება, შეაქეთ და დააჯილდოვეთ. ჯილდოა ყველა ის საგანი, სათამაშო თუ საქმე, რომელიც მას ძალიან უყვარს. დაანახეთ, რომ თქვენს ხელშია მისთვის სასურველი ყველა ნივთი და სათამაშო და დაარწმუნეთ, რომ თქვენ ხართ ადამიანი, რომელიც ყოველ კარგ საქციელზე აჯილდოვებს.
      თათია აფრასიძე
      ბავშვთა ნევროლოგი

  25. თაკო says:

    მოგესალმებით..ჩემი გოგონა 2 წლისდა 3 თვისაა..ყველაფერი ესმის მაგრამ არ ლაპარაკობს.უფრო სწორად თავისებურად ლაპარაკობს.ითვლის ხუთამდე,იმეორებს სიტყვებს როგორც ქართულად ასევე ინგლისურად,მაგრამ ნორმალურად როდის უნდა დაიწყოს ლაპარაკი…და უნიტაზს ვერაფრით შევაჩვიე…პამპერსით მყავს სულ

    • თათია აფრასიძე says:

      მოგესალმებით, თაკო,
      2 წლის ბავშვის ლექსიკონი შედგება >50 სიტყვისაგან. 2 წლის ასაკის ზემოთ, სიტყვათა მარაგის ზრდასთან ერთად ბავშვს შეუძლია დასრულებული აზრის გადმოცემა 2-3 სიტყვიანი ფრაზების მეშვეობით; ესმის თქვენი, ასრულებს 2-ეტაპიან დავალებებს, ცნობს საგნებს და იმეორებს…
      ამდენად, მეტად მნიშვნელოვანია, არა სიტყვების გამართულად და სწორი არტიკულაციით წარმოთქმა, არამედ ბავშვის კომუნიკაციისა და განვითარების სხვა სფეროების ასაკთან შესაბამისობის განსაზღვრა.
      აუცილებელია, ამ თვალსაზრისით, ბავშვის სპეციალიზებული შეფასება.
      პირველ რიგში, გირჩევთ მიმართოთ შესაბამის ცენტრს.
      თათია აფრასიძე
      ბავშვთა ნევროლოგი

  26. მარი says:

    ანუ ოგონდ ძაგლს აუს ეძახის, კატას ფისოს მაგრამ კატაც იცის, ცხენს წალის ეძახის 🙂 ღორი გოის ანუ თავისი სითყვებით…. მაიმუნს მამუს ქათამს ქაკამის…

  27. მარი says:

    დიახ 2_3 სიტყვას აბავს ჩვეულებრივად, აი რაც შეხება ძაგლი კატა ცხენი ქათამი ღორი წიწილა სესთი რაგააცები სოფელში ისწავლა რომ მყავდა და ეზახდა კიდეც, რასაც ვაბარებ ყველაფერს ეგრევე აკეთებს, უბრალოდ მე მყავს ირგვლივ ბავსჰვები რომლებმაც ამის ასაკში უკვე ლექსები იცოდნენ პატარ პატარა და ამიტომ მიკვირს ეს რომ არ ამბობს… 🙂

  28. მარი says:

    გამარჯობა! ჩემი შვილი არის 2 და 2თვის,, ამბობს ყველაფერს მაგრამ რაგაც სიტყვებს თავისებურად, მინდა ვასწავლო მაგრამ გაიძაის ალ მინდას და გარბის, არ არის ჭირვეული პირიქით მხიარული და ძალიან ცელქია 🙂 3 სიტყვამს აბავს ერთმანეთს, ლექსების სწავლას ვერ ვაერხებ არ მიჯდება…დაგვიანებული ხომ არაა ლაპარაკი? როცა ვუბრაზდები რამეზე თვითონაც მეჩხუპება და ყვირის და გაიძაის მოდი ჩემთანო, სანამ არ მივალ მანამ არაფრით გაჩერდება როგორც კი მოვეფერები აგარ ახსოვს არაფერიიი ეგრევე ჩერდება….

    • მარი აბულაძე says:

      მოგესალმებით მარი,
      ამ ასაკისთვის ბავშვი უნდა იყენებდეს 2 ან 3 სიტყვიან წინადადებებს; ასახელებდეს სწორად საგნებს, მაგალითად ნახატებიან წიგნზე რომ კითხოთ “სად არის ძაღლი” უნდა ამოიცნოს; ასევე უნდა ასრულებდეს თქვენს მარტივ, ერთ ეტაპიან მითითებებს; სწორად იყენებდეს ნაცვალსახელებს. ეს ის ჩამონათვალია, რაც ამ ასაკითვის მოეთხოვებათ ბავშვებს კომუნიკაციის სფეროდან.
      მარიამ აბულაძე
      ბავშვთა ნევროლოგი

  29. გვანცა ჩვამანია says:

    მოგესალმებით ქეთი,
    სავარაუდოდ ბავშვს უჭირს თქვენთან განშორება და ამიტომ აპროტესტებს საბავშო ბაღში დარჩენას.
    სამწუხაროდ, თქვენს მიერ მოწოდებული ინფორმაცია არ არის საკმარისი იმისათვის, რომ დეტალური რეკომენდაციები მოგცეთ.
    გარდა ამისა, თქვენი წერილიდან ჩანს, რომ არაერთხელ სცადეთ ბავშვის “სიჯიუტის” მართვა, მაგრამ თქვენი მცდელობები წარუმატებელი აღმოჩნდა. იმისათვის რომ მეტად ეფექტურად განახორციელოთ ცვლილებები, გირჩევთ მიმართოთ ფსიქოლოგს.
    ფსიქოლოგიი დეტალურად შეისწავლის თქვენს შემთხვევას და ინდივიდუალურ, თქვენს პატარაზე მორგებულ რეკომენდაციებს მოგაწვდით და დაგეხმარებათ პრობლემის მოგვარებაში.
    პატივისცემით
    მენტალური ჯანმრთელობის ცენტრის ფსიქოლოგი და ქცევითი თერაპიის ხელმძღვანელი
    გვანცა ჩვამანია

  30. ქეთი says:

    მოგესალმებით,ძალიან მჭირდება თქვენი დახმარება და რჩევა…მყავს 2 წლის და 3 თვის გოგო..ძალიან ჭკვიანია კარგი მახსოვრობა აქვს,ყველა დეტალი ახსოვს და ყველაფერს კარგად გადმოგვცემს..არის ძალია ემოციური ზედმეტადაც კი მყავდა 2 ჯერ ნერვოპათოლოგთან და მითხრეს რომ ძალიან განვითარებულია თავის ასაკთანო და დამამშვიდებელი დაუნიშნეს..მოკკედ სექტემბრიდან შევიყვანე ბაღში დაა იმის მერე ძალიან დავიტანჯე მეც და ბავშვიც ეხლა უკეთესობა არის რა შედარებაა მაგრამ ბაღში მივდივართო რომ ვუათხრა არაფრით არ გამომყვება,დიკით წასვკაბუჭირს და იქ მთელი დგის მანძილზე ძალიან კარგადა მაგრამ ჩემთვის ძალიან ძნელია და ძალიან განვიცდი არის დგეებიი საერთოდცარ უნდა ჩაცმა რო ცუვა ვერ აღიქვამს ტიტველი ფეხით დადის თითქმის სულ ვერაფრით შევაჩვიე ყოველ დილით აიი ესე ვართ…ყველანაერიი ხერხი ვსცადე უკვე ხან მიფერება ხან სიმგერით ხან ჩხუბით მაგრამ ისეთი ჯიუტია უკვე აგარ ვიი რა გავაკეთო იქნებ მირჩიოთ უკვე ვფიქრობ ფსიქოლოგთანაც მივიყვანოო..წინასწარ მადლობა.

  31. გვანცა ჩვამანია says:

    მოგესალმებით ნია,
    თქვენი აღწერით შეიძლება ვივარაუდოთ, რომ ბავშვი ჭირვეულობს და ამ გზით გარშემომყოფებზე გავლენის მოხდენას ცდილობს, რაც გამოსდის კიდეც.
    ბავშვები, ხშირად, გაუცნობიერებლად იყენებენ ტირილს, როგორც ინსტრუმენტს, მითუმეტეს, თუ ოჯახის წევრებისაგან მხარდაჭერას გრძნობენ.
    ერთის მხრივ, ამაში უცნაური და შემაშფოთებელი არაფერია, მაგრამ მეორეს მხრივ არსებობს საშიშროება, რომ თქვენმა პატარამ დაისწავლოს, რომ ტირილი და ყვირილი სასურველის მიღწევის საუკეთესო გზაა და ხშირად მიმართოს არასასურველ ქცევებს. მოგვიანებით ეტაპზე ასეთი ქცევა გახდება უფრო ხშირი, უფრო ძლიერი და ბევრად მრავალფეროვანი, რის გამოც უამრავი პრობლემა შეგექმნებათ ყოველდღიურ ცხოვრებასა და საქმიანობაში.
    სასურველია არ დაუკმაყოფილოთ ის სურვილები, რომელსაც ტირილითა და ყვირილით ითხოვს.
    მაგალითად თქვენი პატარა ყვირის რადგან სათამაშო უნდა, ამ დროს ჯობია არ მისცეთ სათამაშო, დაელოდეთ მის დამშვიდებას, როცა დამშვიდდება თავაზიანად მოათხოვნინოთ და მხოლოდ ამის შემდეგ მისცეთ სასურველი.
    ასევე, რეკომენდირებულია, ოჯახის წევრები შეთანხმდნენ იმ წესებზე, რომლის მეშვეობითაც ბავშვის ქცევას მართავენ.
    მშობლები და სხვა ოჯახის წევრები უნდა იყვნენ: შეთნხმებულები, თანმიმდევრულები და საერთო აღზრდის სტრატეგიებს უნდა იყენებდნენ. წინააღმდეგ შემთხვევაში მოსალოდნელია ბავშვის ქცევის გაუარესება.
    პატივისცემით
    მენტალური ჯანმრთელობის ცენტრის ფსიქოლოგი და ქცევითი თერაპიის ხელმძღვანელი
    გვანცა ჩვამანია

  32. ნია says:

    გამარჯობათ, ჩემი გოგო 2 წლის და 7 თვისაა, 1 თვეა რაც ბაღში შევიყვანეთ და უკვე შეეჩვია, უყვარს წასვლა, იქ ძალიან კარგად იქცევა, მაგრამ სახლში მოვალთ თუ არა ძირს გაწვება და ვითომ ტირის და წუხს ისე იქცევა. ჩავთვალეთ (მშობლებმა) რომ ყურადღების მიქცევას ცდილობს, რადგან სახლში ძალიან ანებივრებდნენ ყურადღებით (ბებია-ბაბუა) ჩვენ ვცდილობთ დავაიგნოროთ ესეთი საქციელი და ვგრძნობ რომ ეს მოქმედებს, თუმცა ბებია და ბაბუა ამას ვერ ახერხებენ, ასეთ დროს ეფერებიან და აწყნარებენ და ამაზე უფრო ისტერიკაშია, მათთანაც არ ჭრის რაიმეს თქმა. გარდა ამისა როცა შენიშვნას ვაძლევ რამეზე მაშინაც ისტერიკაშია და ითხოვს ბებიას. რომრლიც მხოლოდ ეფერება 🙂 და თვლის რომ ჯერ პატარაა შენიშვნისთვის და “ყველა ბავშვი ესეთია”. როგორ ფიქრობთ ეს არის ისეთი პრობლემა რომ ბავშვის განვითარებაზე იმოქმედებს, თუ უბრალო ჭირვეულობაა და არ მივაქციო ყურადღება.

  33. შორენა says:

    მოგესალმებით, მყავს 3წლის და 2 თვის ბიჭი, არ ლაპარაკობს. ითვლის 35მდე და რიცხვებსაც ცნობს. რეკლამები უყვარს თვეებიდან. მთელი დღე დადის და რეკლამებს იძახის ზეპირად. შეკითხვებზე არ მპასუხობს. მხოლოდ იცის რამდენი წლისაა და კვირაში რამდენი დღეა. იცის რა წვია მაგრამ არ იძახის, თუ რამე უნდა ხელით მანიშნებს, ამ ბოლო დროს დაიწყო სიტყვების გამეორება, რასაც ვეუბნები თვითონაც იმეორებს. იცის სიმღერები, ოღონდ მთელ ტექსტში რამდენიმე სიტყვას თუ გაარჩევთ. ლექსებიც იცის მაგრამ არ იძახის. მარტივ დავალებებს ასრულებს მხოლოდ, მოდი, დამელოდე, დანექი. მომიტანე არ იცის, მომეცის ხან ასრულებს, ხან არა. იშვიათად უთქვავს, წყალი, პური, გააღე, დაჯექი, დაწექი, ალბათ თითოჯერ, შესაბამის დროს. დედას არ მეძახის, მხოლოდ წკმუტუნებს და ხელით მექაჩება თუ რამე უნდა. მირჩიეთ რამე რა გავაკეთო რომ ლაპარაკის სტიმული მივცე. ბაღში დადის ერთი წელია უკვე და მხოლოდ თვლა და კარგათ ისწავლა. გმადლობთ წინასწარ

  34. ლიკა ბუწაშვილი says:

    ლანა, მოგესალმებით.
    თქვენი მონაწერიდან ჩანს, რომ ღელავთ ბავშვის მდგომარეობის გამო, არ მოგწონთ მეთოდები, რომლებსაც მშობლები მიმართავენ ბავშვის ქცევის სამართავად. თუმცა, აცნობიერებთ, რომ მშობლების გარეშე ბავშვთან დაკავშირებულ იმ საკითხებში, რაც გაწუხებთ, ვერ ჩაერთვებით. იმ ინფორმაციაზე დაყრდნობით, რაც მომწერეთ, გამიჭირდება კონკრეტული რეკომენდაცები მოგაწოდოთ, მითუმეტეს, რომ ამ რეკომენდაციებს ვერ განახორციელებთ, სანამ მშობლები არ გადაწყვეტენ სტრატეგიის შეცვლას. ამიტომ, გირჩევთ, მშობლებთან კიდევ ერთხელ განიხილოთ, რაც გაწუხებთ და მათი მზაობის შემთხვევაში, გაიაროთ კონსულტაცია ფსიქოლოგთან.

    ლიკა ბუწაშვილი. ფსიქოლოგი. ნეიროგანვითარების ცენტრი

  35. ლანა says:

    გამარჯობათ!
    ჩემი შვილიშვილი 2 წლის და 4 თვისაა, 5 თვიდან მარტო სძინავს, ძილის წინ მშობლები არ ეფერებიან რადგან მერე ბავშვი მშობლებს აღარ უშვებს ოთახიდან ამიტომ ტირილით იძინებს და იღვიძებს, ბავშვი გამართულად ჯერ ვერ ლაპარაკობს, მშობლებმა ბაღში წაიყვანეს, დიდი ძალისხმევის შედეგად პამპერს გადააჩვიეს, პატარა დაიკო დაიბადა, წყნარი ბავშვი რადიკალურად შეიცვალა, გახდა აგრესიული, საჭმლის ჭამის დროს ხშირად ნივთებს დაბლა ყრის, ჭირვეულობს და ტირის. დედა მას დასჯის მიზნით კუთხეში აყენებს, რის შედეაგადაც პატარა უფრო მეტად ტირის. კუთხიდან არ გამოყავათ ვიდრე ბოდიშს არ მოიხდის თავისი საქციელის გამო. ბავშვს გამომეტყველებაც კი შეცვლილი აქვს. მის მშობლებს ერთმანეთთან ძალიან მშვიდი და ჰარმონიული ურთიერთობა აქვთ. სიყვარულს და დროს თანაბრათ უნაწილებენ პატარებს. მაგრამ დადებითი შედეგი არანაირად არ მყარდება. ბავშვს კუჭში შეკროლობიც პრობლემაც დაემატა. დედა სასტიკი წინააღმდეგია ფსიქოლოგთან კონსულტაციის. უმორჩილესად გთხოვთ იქნებ მირჩიოთ როგორ მოვიქცე. მე ვერანაირად ვერ ვერევი მათ არზრდის პროცესში. ჩემი შეხედულებები გამაჩნია და არ მინდა მათ ვაწყენინო. თქვენი რჩევა ჩემთვის მეტად მნიშვნელოვანი იქნება. წინასწარ გიხდით მადლობას.

  36. ლელა says:

    გამარჯობათ, შეკითხვა მაქვს, მყავს 2 წლის და 3 თვის ბიჭი, 4 თვის ასაკში დაუდგინდა მენჯ-ბარძაყის დისპლაზია, მკურნალობის შემდეგ 1.წლის და 2,5 თვეზე გაიარა, გასულ წელს თქვა პირველად დადადა, დედადა, მამა, მამას სახელს ეძახის, მე-არა, წელს, ახალი სიტყვა ვერ მიამატა, როცა წყალი უნდა ხელით მანშნებს,ნივთების ჩამოღებასაც ხელით მანიშნებს, ალაო-ალაოს მღერის, ალას ამბობს, მეტს ვერაფერს, ჭირვეულიც არის, ბავშვებთან კონტაქტურია… მყავდა ნერვოპათალოგთან, მითხრა ნეირო-ფსიქოლოგთან მიყვანა, ძალიან ვნერვიულობ, განვიცდი…. ჯერ ვირუსი გვაქვს და ვერ მიმყავს… გთხოვთ მითხრათ ძალიან დიდ პრობლემასთან გვაქვს საქმე?

    • Maia says:

      ლელა
      სამწუხაროდ რთულია მხოლოდ ასეთი მწირი მონაცემების საფუძველზე დასკვნის გაკეთება და რჩევის მოცემა. აუცილებელია ბავშვის განვითარების შეფასება. მხოლოდ ის, რომ ღარიბი ლექსიკური მარაგი აქვს, ბევრს არაფერს ნიშნავს. აუცილებლად მიიყვანეთ შესაფასებლად

  37. მედეა ზირაქაშვილი says:

    მოგესალმებით ირაკლი,
    პირველ რიგში მინდა გითხრათ,რომ ძალიან კარგი ასაკია პრობლემების ამოცნობისათვის და თერაპიული ღონისძიებების დასაგეგმად. ითვლება,რომ 3 წლამდე დაწყებული თერაპია ნებისმიერი ნეიროგანვითარებითი დარღვევების დროს,50%-ში იმდენად აუმჯობესებს შედეგს,რომ ბავშვებს არ ექმნებათ მნიშვნელოვანი პრობლემები სკოლაში წასვლის.
    რაც შეეხება მეტყველებას, ჯერ კიდევ 2 წლის ასაკის ბავშვი უნდა ამბობდეს 50- მდე სიტყვას და 2-3 2 სიტყვიან მარტივ ფრაზას, თუმცა გასათვალისწინებელია რამოდენიმე ენოვანება სახლში, მაგრამ საბოლოო ჯამში მაინც გამოდის,რომ სალაპარაკო ენა მხოლოდ ინგლისურია. თქვენ ქართულად სხვებს ვერ დაელაპარაკებით. ფრანგულად ალბათ ძიძა ვერ დაეკონტაქტება ოჯახის წევრებს, ასე,რომ ინგლისურია მაინც თქვენი ძირითადი საურთიერთობო ენა.
    ის რომ გაუცერებლად აქვს მარცვლების პროდუცირება, მაშინ რა უშლის ხელს იმაში,რომ მეტყველება დაიწყოს…და მაინც არ ლაპარაკობს ასაკის შესაბამისად( იდიოსინკრატული მეტყველება).თუ ადექვატურად ესმის მიმართული მეტყველება ყოველ ჯერზე,ეს ძალიან კეთილსაიმედო რესურსია, ასევე მთავარია რამდენად ასაკის შესაბამისია თქვენს მიერ მიწოდებული დირექტივებია და ძალიან მარტივი დირექტივებით ხომ არ შემოიფარგლებით?:)
    მე გირჩევდით მიგემართათ პირველადი ჯანდაცვის რგოლის ექიმისათვის, ჩაგეტარებინათ ასაკობრივი განვითარების შესაფასებელი კითხვარი, ასევე M-CHATდა თუ ყველა პასუხი ექიმისთვის დამაკმაყოფილებელი იქნებოდა ხომ ძალიან კარგი, სხვა შემთხვევაში დაგიგეგმავდათ დამატებით დიაგნოსტიკურ კვლევებს ან თერაპიულ სეანსებზე გადაგამისამართებდათ

    მედეა ზირაქაშვილი
    ბავშვთა ნევროლოგი/ფსიქიატრი
    მენტალური ჯანმრთელობის დეპარტამენტი
    ნეიროგანვითარების ცენტრი

  38. ირაკლი says:

    მოგესალმებით, ბოდიში რომ გაწუხებთ, მაგრამ თქვენი რჩევა ეხლა აუცილებლად მჭირდება. მყავს 2 წლის და 6 თვის ბიჭი ვცხოვრობთ ამერიკაში, ბავში არის უზომოდ აქტიური, ძალიან ჭკვიანი, აფსოლუტურად ყველაფერი ესმის, აფსოლუტურად ყველაფერზე ადეკვატურად რეაგირებს, არის ძლაიან ჯანმრთელი არაფრი არ აწუხებს, ფიზიკურად გაცილებით დიდად გამოიყურება ვიდრე მისი ასაკის ბავშვები. მაგრამ ჩემი დიდი პრობლემა ის არის რომ არ ლაპარაკობს, ძალიან ცოტას მეტყველებს, ინგლისურად იცის რამოდენიმე სიტყვა, აქვს უზომო დიდი ფანტაზია და თავის ენაზე გაუჩერებლად მეტყველებს. მუნჯი ნამდვილად არ არის, მაგრამ ძალიან ვნერვიულობ ბავშვი სიტყვებს არ ლაპარაკობს. დაიბადა 7 თვიანი და ვფიქრობ ამ ყველაფრის გამო ხომ არ არის, რომ ჯერ ვერ იწყებს ლაპარაკს? ჩემი დიდი პრობლემა ის არის რომ მას ყავს დედა და ძმა ამერიკელი რომლებმაც ქართული არ იციან, ძიძა ყავს ფრანგი – მამა ( მე ) ქართველი. შესაბამისად ვფიქრობ ბავშვს არეული ააქვს ალბათ ამდენი უცხო ენა ესმის და ამიტომ ვერ იწყებს ჯერ მეტყველებასთქო ( ნუ ეს ჩემი აზრია – თავს ასე ვიმშვიდებ) როდესაც ვეკითხები რამეს ის აუცილებლად ასრულებს ყველაფერს, მაგალითად როცა ვთხოვ მომიტანე ეს ან რომელიმე ნივთი იმწუთას მოაქვს, როცა ვეუბნები ჭამე, ჭამს – როცა რამე უნდა ის ხელზე მკიდებს და მივყავარ იმ ადგილას რაც უნდა, რომ მანახოს , როცა ფოტოებს ათვალიერებს აფსოლუტურად ცნობს ვინ – ვინ არის. დედამისის ფოტოს დაადებს თითს და ამბობს რომ ეს ”მამაა”, და ა.შ. ანუ ამით იმის თქმა მინდა, რომ ბავშვი აზროვნებით არის აფსოლუტურად ჯანმრთელი მაგრამ არ ლაპარაკობს ეს არის ჩემი დიდი პრობლემა, რას მირჩევთ დაველოდო კიდევ ცოტახანი იმ იმედით, რომ მალე ამოიდგამს ენას თუ როგორ მოვიქცე? გთხოვთ მირჩიეთ რა გავაკეთო?.. და კიდევ ერთი საკითხი – ბოლო 4 დღეა როცა ”სოსკას” იდებს მცირე დოზით დორბლი სდის, ამან სულ ჭკუიდან გადამიყვანა, საშინელი შიში დამეუფლა, ეს რისი ბრალი შეიძლება იყოს? ძალიან ვნერვიულობ გთხოვთ დამეხმარეთ და მირჩიეთ როგორ მოვიქცე?

  39. ლიკა ბუწაშვილი says:

    ქალბატონო ნუნუ,
    კარგია, თუ თქვენი შვილიშვილი სცნობს და ასახელებს სიმბოლოებს და ცხოველებს, ასევე ბაძავს მათ. ბავშვის ინტერესი უმნიშვნელოვანესია მისთვის სწავლების პროცესში. ამიტომ, აკრძალვა და მისთვის სახალისო აქტივობების ჩამოშორებას არ გირჩევთ. თუმცა, ნაცვლად იმისა, რომ გააგრელოთ ანბანის, ციფრების და მსგავსი ხისტი ინფორმაციის სწავლება ასეთ ადრეულ ასაკში, გირჩევდით ნელ-ნელა მისი ყურადღება გადაიტანოთ უფრო საჭირო აქტვობებზე – განაგრძეთ ცხოველების, ფრინველების და სხვა კატეგორიების სწავლება. კარგი იქნება, თუ გაახმოვანებთ ცხოველებს, აჩვენებთ, როგორ დადიან. სწავლების ფორმა კი არ შემოფარგლოთ მხოლოდ წიგნში ჩვენებით. ძალიან მნიშვნელოვანია, რომ სწავლებას თამაშის ფორმა ჰქონდეს და ნასწავლის სხვა გარემოში გადატანაშიც დაეხმაროთ.
    წარმატებას გისურვებთ!
    ლიკა ბუწაშვილი. ფსიქოლოგი. ნეიროგანვითარების ცენტრი

  40. ნუნუ says:

    კითხვა ერთი აქვს ეს რა არის? თითს ადებს ხოლმე იმ ნახატებს რომეწლიც უნდა აუხსნა არის გონიერი ერთხელ რომ აუხსნი უკვე იცის .საპასუხო კითხვაზე გპასუხობს თითის დადებით .იცის ზოგიერთი ცხოველები ბაძავს მათ.ორ სიტყვას აბამს .მეტი არ იცის ჯერ .რასაც ვეკითხები მპასუხობს კი ან არათი .ან არ ვიცი .ძალიან გთხოვთ მიპასუხოთ.ვიცი ძალიან დაკავებული ბრძანდებით .მაგრამ იქნებ გამონახოთ დრო.

  41. ნუნუ says:

    გამარჯობათ გამიხარდა თქვენი გვერდის ნახვა.მყავს შვილიშვილი 1წლის და 7 თვის .იცის ანბანი .ანბანით ვათამაშებდი ადვილად ისწავლა.ახლა თხოულობს წიგნებს.უყვარს ისინი უნდა უპასუხო მის კითხვებს .ასეც ვიქცევი .ზოგიერთი მეუბნება არ შეიძლებაო .მე ასე არ მგონია .თქვენ რას მიპასუხებთ.გთხოვთ მომწეროთ

  42. ნინუცა says:

    გამარჯობათ , მყავს 2 წლის და 5 თვის ბიჭი არ ლაპარაკობს დედას ამბობს ,წყალს ნწას ეძახის როცა უნდა რაგაცას ამბობს მაგრამ როგორც უნდა ლაპარაკობდეს ისე არა ვნერვიულობ თვითონ ვითომ ლაპარაკობს თავის ენაზე აბრალიან კომპიუტერს ძაან უყვარს კომპიუტერი ვიცი რო არ არის რეკომენდირებული მაგრამ თუ არ ჩაურთავ ისტერიკებს ტეხავს ძალიან მჯირდება რჩევა დიდი მადლობა

    • Maia says:

      ნინუცა,
      2 წლის და 5 თვის ბავშვი უკვე უნდა იყენებდეს რამდენიმე სიტყვას თავისი სურვილებისა და აზრების გამოსახატავად. ასევე, უნდა ესმოდეს, რასაც ეუბნებით. სცადეთ სხვადასხვა თამაშები:
      სხვადასხვა ნივთების გამოყენებით გააკეთეთ წარმოსახვითი აეროპორტი, ქუჩა ან უბანი. ლენტი იყოს გზა. შვრიის კოლოფი შესაძლოა გვირაბად გამოგადგეთ. საკვების სხვა ყუთები გამოიყენეთ შენობების მაგივრად. მისალოცი ბარათებისგან გააკეთეთ ასასვლელი გზა მანქანებისთვის. პატარა სათამაშო მანქანა გაატარეთ გვირაბში, ხიდის ქვეშ ან შენობასთან. ამ თამაშის დრო გამოიყენეთ ახალი სიტყვები.
      აიღეთ დიდსურათებიანი წიგნი ან ჟურნალი, თითით მიუთითეთ ნახატზე და ჰკითხეთ, რასაც ხედავს: „სად არის ძაღლი“ და მიათითებინეთ ნახატზე. „წააკითხეთ“ წიგნი ისე, როგორც ოჯახის რომელიმე წევრი, მაგალითად ბაბუა უკითხვას ხოლმე.
      თქვენს ბავშვს ალბათ მოსწონს ახალ ადგილებში, თუნდაც ახალ მაღაზიაში წასვლა. ეს საუკეთესო საშუალებაა ახალი სიტყვების სწავლისთვის. ესაუბრეთ ყველაფერზე, რასაც ხედავთ: „შეხედე, იმ ხილს ქვია ატამი. შეხედე რამხელა მაცივარია. დაადე ხელები, როგორი ცივია.“

  43. მარიამი says:

    უღრმესი მადლობა, ძალიან ვნერვიულობ ,რადგან ჩემი გოგონას თანატოლები თითქმის ყველა ლაპარაკობს გამართულად და ამიტომ ვშიშობ.და თუარ შეგაწუხებთ იდევ ერთი შეკითხვა მაქვს, მაინც რამდენი წლისამ უნდა დაიწყოს ლაპარაკი,და როდის არის საშიში?

  44. მარიამი says:

    მოგესალმებით,თუარ შეგაწუხებთ კითხვა მაქვს.ჩემი პატარა არის 2 წლის და ერთი თვის.ძაალიან აზრიანი ბავშვია,ესმის თითქმის ჩემი ყველა ნათქვამი სიტყვა.დედას არ მეძახის.ცალკეული სიტყვები ,ერთი,ორი ,სამი,ა.შ,პამპერსსაც გადავაჩვიე და როცა მოუნდება მეუბნება ფისის,ეძახის ძაღლს,კატას.თავის ენაზე მელაპარაკება,წყალს ნწას ეძახის.ხომ არ არის მეტყველება დაგვიანებული ან რიტია გამოწვეული არის თუარა მსგავი საქციელი ნორმა? გმადლობთ წინასწარ

    • Maia says:

      მარიამ
      თქვენი ბავშვის მეტყველების განვითარება სრულად შეესაბამება ასაკს, რადგან როგორც თქვენ გვწერთ ესმის მიმართული საუბარი და იცის რამდენიმე სიტყვა. ესაუბრეთ ბევრი და წაუკითხეთ დასურათებული წიგნები. ამით მას დაეხმარებით ისწავლოს ახალი სიტყვები და გამოიყენოს საჭიროების დროს.

  45. ლიკა ბუწაშვილი says:

    თეონა, გამარჯობა. როგორც წესი, სჯობს ბავშვი თავისსავე ასაკობრივ ჯგუფში დადიოდეს ბაღში. თანატოლების გარემოცვაში ყოფნა ხელს შეუწყობს მის განვითარებას ყველა სფეროში. აქედან გამომდინარე, სასურველია გადაიყვანოთ თავისი ასაკის ჯგუფში. თუმცა, ამისათვის წინასწარ მოამზადეთ – გააცანით აღმზრდელი და ბავშვები. სანამ სრულად გადაინაცვლებდეს, პერიოდულად შეიყვანეთ იმ ჯგუფში და ჩართეთ (ბაღის აღმზრდელი იგულისხმება) ბავშვებთან თამაშში – ამგვარად, შეეცადეთ, ახალი ჯგუფი მეტად ნაცნობი და სასიამოვნო გახადოთ მანამ, სანამ გადაიყვანდეთ. თუ ფიქრობთ, რომ თქვენს შვილს განსაკუთრებულად უჭირს ახალ გარემოსთან შეგუება ან არსებობს სხვა ფაქტორები, რომელთა გამოც გიჭირთ გადაწყვეტილების მიღება, შეგიძლიათ გაიაროთ კონსულტაცია ფსიქოლოგთან მეტად დეტალური რეკომენდაციების მისაღებად.
    წარმატებას გისურვებთ!

    ლიკა ბუწაშვილი. ფსიქოლოგი. ნეიროგანვითარების ცენტრი.

  46. თეონა says:

    გამარჯობა! ჩემი გოგონა არის 3 წლის და 5 თვის, ლაპარაკობს ქართულად და რუსულად, იცის ინგლისური სიმღერები. 2 წლის და 10 თვის იყო ბაღში რომ მივივანეთ და მოხვდა ბაგაში, ძალიან ვნერვიულობ ასაკით თავისზე პატარებთან რომ არის რადგან მოჩლექვით დაიწყო ლაპარაკი,სოსკა მომეციო პატარა ვარო მეუბნება. ვფიქრობ ხომ არ აჯობებს 3/4 წლიანებში გადავიყვანო თუ ეს ახალი გარემო უფრო დათრგუნავს?

  47. ლიკა ბუწაშვილი says:

    ხატია, მოგესალმებით.
    ის, რაც თქვენ აღწერეთ, როგორც ჩივილი, ამ ასაკის ბავშვებს ახასიათებთ. იმისათვის, რათა სამომავლოდ შეამციროთ მსგავსი ქცევების გამოვლენის ალბათობა, სასურველია ბავშვის მიერ ისეთი საგნით დაინტერესების შემთხვევაში, რისი მიცემაც მისთვის პოტენციურად ზიანის მომტანია, თავიდანვე სხვადასხვა ხერხით გადაატანინოთ ყურადღება რაიმე სასიამოვნო აქტივობაზე ან დააინტერესოთ სხვა საგნით, რომლის მიცემაც შეგიძლიათ მისთვის. თუ ეს არ მოხერხდება, როდესაც ცდილობს, რომ გიკბინოთ ან დაგარტყათ, იმგვარად დაიჭირეთ ბავშვი, რომ ვერ მოახერხოს ზიანის მოყენება თქვენთვის და როდესაც დამშვიდდება, დააინტერესეთ რაიმე აქტივობით. ბავშვებთან ურთიერთობისას დააკვრიდით, როგორც წესი, რა უძღვის წინ მის მიერ ბავშვისთვის ჩარტყმას: შესაძლოა ეს იმ დროს ხდება, როდესაც მობეზრდა სათამაშო და არ იცის რითი დაკავდეს, ან როდესაც არ გამოსდის რაიმე. თუ გამოკვეთთ წინაპირობას, დროულად ჩაერიეთ – დააინტერესეთ სხვა სათამაშოთი ან მიეხმარეთ, რათა არ ჩაარტყას ბავშვს.
    თუმცა, გაითვალისწინეთ, რომ ზოგადად ბავშვი თუ ზედმეტად გაღიზიანებულია და სხვა პრობლემებიც აღენიშნება, მაგ. ძილის, კვების, ან ზოგადი სისუსტე და სხვ., ამ შემთხვევაში გირჩევთ გაიაროთ კონსულტაცია ოჯახის ექიმთან, რომელიც საჭიროებისამებრ გადაგამისამართებთ სპეციალისტთან. რაც შეეხება ნევროლოგს, თუკი საჭიროება იქნება, შეგიძლიათ დაუკავშირდეთ ნეიროგანვითარების ცენტრს და ჩაეწეროთ ნევროლოგთან კონსულტაციაზე შემდეგ ნომერზე: 568 01 33 99 – გვანცა შიშინაშვილი (კოორდინატორი).

    ლიკა ბუწაშვილი. ფსიქოლოგი. ნეიროგანვითარების ცენტრი

  48. ხატია says:

    მოგესალმებით.ჩემი ბიჭი 1 წლის და 1თვის არის. ზოგადად ძალიან აქტიური ბავშვია,კომუნიკაბელური,ძალიან უყვარს ბავშვებთან ურთიერთობა,უცხო ბავშვებთანაც კი. ბოლო ერთი თვეა რაც გამოხატვს აგრესიას.თუ იმას არ მივცემ რაც თვითონ უნდა(რა თქმა უნდა რაც მას ზიანს მოუტანს ისეთ საგნებს ვგულისხმობ), და ამ დროს ვინმეს ხელში ჰყავს აყვანილი სახეზე ჩქმეტაცს,კაწრავს და ცდილობს კბენას.უწყებს ტირილს და ხშირად იცის თავის და ტანით უკან მთელი ძალით გადაქნევა. მიუხედავად იმისა რომ ძალიან უყვარს თავისი ბიძაშვილი თამაშის პერიოდში შეიძლება უცებ თმა მოწიწკნოს,დავაკონკრეგებ რომ ამ დროს არანაირ გამაღიზიანებელ საქციელს არ სჩადის გოგონა რონელსაც თმაზე ექაჩება.არის თუ არა დამახასიათებელი ამ ასაკისთვის მსგავსი აგრესიულობა?როგორ უნდა შევუწყო ხელი რომ არ გავართულო სიტუაცია?საჭირო არის თუ არა ნევროპათოლოგთან ვიზიტი და თუ კი იქნებ ვინმე კომოეტენტური მირჩიოთ.გმადლობთ

  49. ლიკა ბუწაშვილი says:

    სოფო, მოგესალმებით.
    შეგიძლიათ მიმართოთ ფსიქოლოგს რეკომენდაციების მიღების მიზნით.

    ლიკა ბუწაშვილი. ფსიქოლოგი. ნეიროგანვითარების ცენტრი

  50. სოფო says:

    გამარჯობათ, ბავსჰვი არის 2 წლის და 6 თვის,არ უყვარს ზღაპრების მოსმენა,არც ლექსის, ჯიუტობს, თუ თვითOნ არ უნდა რამე არ გააკეთებს, ან თუ არ დაპირდი ამას გიყიდი ოღონდ ეს გააკეთეთქო მაშIნ აკეთებს, ვის მივმართო? ბაღში მირჩიეს ფსიქოთერაპევტს აჩვენეო რადგან გონებაგაფანტულიაო,რას მირჩევთ?

  51. ნინი says:

    გამარჯობათ.უკვე ძალიან დაბნეული ვარ აღარ ვიცი ვის მივმართო ამ კითვასთან დაკავშირებით,ძალიან ვნერვიულობ.ჩემი გოგო წლის და 11 თვის არის,ძალიან განვითარებული ბავშვია ყველაფერი იცის,მაგრამ სიარულთან დაკავშირებით მაქვს პრობლემა ბავშვზე,ქონდა მენჯ-ბარძაყის დისპლაზია ვუმკურნალეთ,შედეგიც უკეთესი ქონდა,ექიმმა თავის დაზღევის მიზნითგანმეორებითი მასაჯი,და კიდევ რაღაც პროცედურები,პარაპინი,ელ სინთეზი დაგვინიშნა და მაგრამ ბავშვს შედეგი ჯერ არ აქვს მეუბნებიან 2 თვეზე მეტი უნდა შედეგსო.ერტმა ნერვოპათოლოგმა ისიც მითხრა ნერვული არ იყოს ეს ყველაფერიო,მაგის გამოკვლევას საშინლად მტკივნეული ტომოგრაფია ჭირდებაო.უკვე ძალიან დავიბენი.ეხლა სიარულს აგიხსნით,ზოგჯერ ძალიან ჩვეულებრივად დადის არის მომენტები თითქოს ეკეცება უცბად სიარულის დროს ფეხი,კოჭთან,გარეთამხელა ბავშვია და მაინც მეშინია ხელის გაშვება,ვეღარ გავიგე უკვე რას დავაბრალო,ძალიან ბევრ კარგ სპეციალისტს ვაჩვენე და არაფერს ისეთს არ მეუბნებიან არადა დედამ უფრო იცის შვილის.იქნებ რამე მირჩიოთ.მალდობთ წინასწარ

    • Maia says:

      ნინი,
      მიმართეთ კომპეტენტურ ორთოპედს, მაგალითად იაშვილის ბავშვთა საავადმყოფოში ლაშა ძიძიგურს. მისი ტელეფონის ნომერია: 599536705. დარწმუნებული ვარ სწორ რჩევას მოგცემთ.

  52. ლიკა ბუწაშვილი says:

    მოგესალმებით.
    თქვენ მიუთითეთ ბავშვის ძლიერ მხარეებზე, რომლებიც უმეტესად ინგლისურ ენაზე სიტყვების მარაგს და ამავე ენაზე სიმღერას უკავშირდება. აქვე მიგვითითეთ კომუნიკაციის პრობლემაზე – მიუხედავად იმისა, რომ იცის ციფრები, არ პასუხობს რამდენი წლისაა. იცის საკუთარი სახელი, მაგრამ შეკითხვის საპასუხოდ არ ამბობს. აგრეთვე, ქცევის პრობლემაზე. გირჩევთ მიმართოთ ექიმს, რომელიც შეაფასებს ბავშვს და მოგცემთ რეკომენდაციებს, როგორ იმუშაოთ თქვენ მიერ აღნიშნულ ჩივილებზე. უმჯობესია, მიიღოთ არა ზოგადი, არამედ კონკრეტულად თქვენს შვილზე მორგებული რეკომენდაციები, ვინაიდან რამდენიმე სფეროში მიუთითეთ პრობლემის არსებობაზე. გაითვალისწინეთ, რომ მისი ასაკი მნიშვნელოვანი რესურსია – ადექვატური დახმარების მიწოდების შემთხვევაში ამ ასაკში მნიშვნელოვნად შეგიძლიათ მდგომარეობის გაუმჯობესება.
    გისურვებთ წარმატებას! შეგიძლიათ მიმართოთ ნეიროგანვითარების ცენტრს. ტელ: 568 013399.
    ლიკა ბუწაშვილი. ფსიქოლოგი.

  53. იაკო says:

    გამარჯობათ, მყავს 2 წლის და 3 თვის ბიჭი. ორ პრობლემაზე მინდა გესაუბროთ.არ ლაპარაკობს, რასაც სიმართლე გითხრათ მართალია მე ძალიან არ განვიცდი, თუმცა “ბებია-ბაბუის ინსტიტუტი” განიცდის და ხანდახან ბავშვს ეუბნებიან ამოიღე ხმა, მუნჯი ხო არ ხარ და მსგავს საშინელებებს, რაზეც მართალია მე რეაქცია მაქვს, მაგრამ ისინი მაინც თავისას ამბობენ. ლაპარაკობს ცალკეულ სიტყვებს, იცის დათვლა 1-10მდე ინგლისურად და ქართულად და იცის ანბანი ქართულიც და ინგლისურიც, ბოლომდე ჩაიმღერებს ხოლმე:) თუმცა წინადადებებს არ ამბობს და სიტყვებს ერთმანეთთან არ აკავშირებს. თუმცა მინდა აღვნიშნო, რომ 3-4 სიმღერა იცის ინგლისურად ,მართალია სიტყვებს დამახინჯებულად ამბობს, მაგრამ მაინც მის ასაკთან შედარებით იდეალურად ასრულებს. იცის ინგლისურად უამრავი სიტყვა, ქართულად ნაკლებად. ალბათ თავადაც მიხვდებით, რომ ეს კომპიუტერის და ინგლისური არხების გავლენაა. მაგრამ ქართულს როგორც კი ჩავურთავ მაშინვე ითხოვს ისევ ინგლისური სიმღერების და მულტფილმების ჩართვას. რა მოვიფიქრო, რომ დავაინტერესო აღარ ვიცი. ზღაპრები აინტერესებს მხოლოდ 5 წუთით. უყვარს მანქანები და ციფრებით და ასოებით თამაში. მინდა , ქართულად მეტყველებას მივაჩვიო,მაგრამ არაფერი გამომდის. იცის რაც ქვია, მაგრამ რო ეკითხები არ ამბობს, სურათზე თავის თავს რომ ხედავს სახელს ეძახის, მაგრამ ისე არ გპასუხობს. ზემოთ აღვნიშნე, რომ ციფრები და დათვლა იცის (არეულადაც და მიყოლებითაც) მაგრამ არც იმას გეტყვის რამდენი წლის არის. როგორი კუთხით უნდა მივუდგე რომ არ დაიმორცხვოს ან დავაინტერესო ლაპარაკით ვეღარ ვხვდები. რას არ ვცდი, თამაშით, დაწერით, წაკითხვით.. და მეორე: არის უზომოდ ჯიუტი , სადმე თუ მიგვყავს, სტუმრად მაღაზიაში, არაფერს არ გვიჯერებს და კივილით იკლებს იქაურობას. ხან რა უნდა ხან რა, ანალოგიურად ზოოპარკში,საქანელებზე, გადმოსვლა აღარ უნდა, ისეთ დღეში ვარდება წამოყვანა თუ დავაპირე რომ ძალითაც ვერ მომყავს. ვერაფერს გავხდი ვერც ერთ საკითხში. იქნებ რაიმე მირჩიოთ და დამეხმაროთ. წინასწარ დიდი მადლობა

  54. ნატალი says:

    მოგესალმებით და მინდა ჩემი პრობლემის შესახებ გესაუბროთ. მყავს 2 წლის და 8 თვის ბიჭი. 2014წლის თებერვლის თვიდან აკრძალა ყველანაირი სადილის ჭამა, მანამდე ყველაფერს მიირთმევდა (სუპები, ბორში, ხორცი და ა.შ. თუმცა ხილს საერთოდ არ ჭამდა გარდა ბანანისა და ხანდისხან ვაშლს თუ მიირთმევდა). ვერ ვუკავშირებ ვერაფერს,ავად არ ყოფილა რომ მას შემდეგ დაენებებინა თავი ჭამისთვის. თებერვლიდან მიირთმევს მხოლოდ რძეში მოხარშულ ფაფაებს: შვრიას და ვერმიშელს,ჭამდა პიურესაც მაგრამ ახლა ეს 2 თვეა აგარ ჭამს. ჭამს არაჟანს და ტკბილეულს (პეჩენია და კამფეტები). ვასმევდი ტრიმეტაბოლს მაგრამ შედეგი არანაირი არ გვქონდა,ახლა იღებს რკინის პრეპარატს ფერუმლეკს, იმიტომ რომ რკინა აქვს დაბალი,რაც კვება შეწყვიტა მას შემდეგ დაეწყო ეს პრობლემა. გთხოვთ მირჩიოთ რა და როგორ გავაკეთო, ან ვის მივმართო ამ პრობლემის გამო. მინდა რომ ისევ სრულყოფილად იკვებოს ჩემმა პატარამ

  55. ლიკა ბუწაშვილი says:

    ნინო, მოგესალმებით.
    რაც შეეხება თქვენს პირველ შეკითხვას სტუმრად ყოფნისას შეკავებასთან დაკავშირებით, ეს ნამდვილად საყურადღებოა. ვინაიდან თქვენს შვილს სახლში ყოფნისას შეუძლია ადექვატურად ტუალეტით სარგებლობა, ცხადია, პრობლემა ტუალეტის ჩვევაში არაა. მის მიერ შეკავება მხოლოდ გარკეული პრობლემის გამოხატულებაა. აუცილებელია შეფასდეს ფსიქოლოგის მიერ მდგომარეობა თქვენთან მეტად ღრმა ინტერვიუს საფუძველზე და გამოიკვეთოს ის მიზეზები, რაც განაპირობებს პრობლემას – ეს შესაძლოა იყოს მანიპულაციური, ვინაიდან თქვენ ახსენეთ, რომ ზოგადად ხშირად ჯიუტობს და შესაძლოა შეკავებითახერხებს სასურველის მიღებას. შესაძლოა სხვა პრობლემური გამოცდილება იყოს, რომელიც ჰქონია სახლსგარეთ ტუალეტით სარგებლობასთან დაკავშირებით. ეს მხოლოდ შესაძლო მიზეზებია. გირჩევთ მიმართოთ სპეციალისტს მიზეზების გამოკვეთისა და დეტალური რეკომენდაციების მოწოდების მიზნით.
    ბაღში მიყვანას რაც შეეხება, ზოგადად, მშობლებს ვურჩევთ 3 წლის შემდეგ მიიყვანონ ბავშვები ბაღში. თუმცა, რა თქმა უნდა, ყველა ჯერზე ინდივიდუალურ შემთხვევაზე დაყრდნობით ვაძლევთ რეკომენდაციებს. სასურველია ჯერ მოაგვაროთ სახლსგარეთ გარემოში ტუალეტით სარგებლობასთან დაკავშირებული საკითხი და ამის შემდეგ მიგეყვანათ ბაღში. თუმცა, ამ საკითხის მოგვარების პარალელურად, სხვა ფაქტორებიც უნდა მიიღოთ მხედველობაში იმის გადასაწყვეტად, მზადაა თუ არა თქვენი ბავშვი ბაღში მისასვლელად. გირჩევთ გაიაროთ კონსულტაცია ფსიქოლოგთან და მიიღოთ მეტად დეტალური რეკომენდაციები პროვე საკითხთან დაკავშირებით.

    ლიკა ბუწაშვილი. ფსიქოლოგი. ნეიროგანვითარების ცენტრი.

  56. ნინო says:

    ჩემი შვილი გახლავთ 2 წლის და 3 თვის გოგონა. ორ საკითხზე მსურს თქვენგან რჩევის მიღება. ამისათვის ჯერ მოკლედ მოგახსენებთ კონკრეტულად ბავშვის განვითარებაზე. ლაპარაკობს წელიწადზე მეტია, იცის სიმღერები ქართულ და რუსულ ენაზე(მეზობელი გვყავს რუსი და მან ასწავლა), თუ ხასიათზეა ხუმრობს და გვართობს, თუ გაჯიუტდა ისე იქცევა როგრც ზემოთ კომენტარში სხვა ნინო წერდა:) ასე მეგონა ჩემს შვილს აღწერდა. საკუთარი ხელით ჭამს თუმცა მხოლოდ წვნიანს ჩვენ ვაჭმევთ, ქოთანს ითხოვს და იშვიათად თუ მოუვა მარცხი გაღვიძებულზე, ძილში მაინც პამპერსი უკეთია. გვაქვს ერთი პრობლემა, სტუმრად არც პამპერსს დაასველებს და არც საკუთარ ქოთანში იზამს რომც წავიღო ( 2-ჯერ ასეც ვცადე) მარტო “მიჩვეულ სახლებში”
    ახერხებს თუ არადა ამ მიზეზით იძულებულს გვხდის სახლში წავიდეთ. ითხოვს რომ უნდა და სახლში წავიდეთო. ქოთანთან დაკავშირებით რა რეკომენდაციას მომცემდით და კიდევ ერთი: მე ვმუშაობ და დღის განმავლობაში დედაჩემთან არის, იდეალური ურთიერთობა აქვთ, მიცვეულია რომ სამსახურში მივდივართ მე და მამა და ხან ითხოვს არ წახვიდეო 🙁 მაგრამ ნუ ეგუება. თქვენი აზრით ბაღში მიყვანა ნაადრევია მისთვის?
    წინასწარ მადლობა. პატივისცემით ნინო

  57. ლიკა ბუწაშვილი says:

    ნინო, მოგესალმებით.
    ის, რა ჩივილიც თქვენ გაქვთ შვილთან დაკავშირებით, ბევრ მშობელს აწუხებს. ზოგადად, 2-დან 3 წლამდე ასაკში ბავშვისთვის უფრო მარტივია გაბრაზებისას გამოავლინოს აგრესია, ხშირად დარტყმის სახით, ვიდრე ბრაზის შეკავება. ამაში პათოლოგიური არაფერია, თუმცა მნიშვნელოვანია სწორი და თანმიმდევრული მიდგომების გამოყენება იმისათვის, რათა ისწავლოს ბრაზთან გამკლავება და სოციალურად მეტად მისაღები ფორმების სწავლა. ამისათვის, პირველ რიგში უნდა გაითვალისწინოთ ის, რომ ყურადღების მიღმა არ დაგრჩეთ ბავშვის “კარგი ქცევები”. ხშირად, როდესაც ბავშვი “კარგად” იქცვა, მშობელი მიიჩნევს , რომ ეს ასეც უნდა იყოს და არ აქებს, არ წაახალისებს ბავშვს. თუმცა, ეს ძალიან მნიშვნელოვანია. შეადგინეთ ნუსხა “კარგი” და “ცუდი” ქცევების. როდესაც ბავშვი კარგად იქცევა, აუცილებლად შეაქეთ, მოეფერეთ. რაც შეეხება “ცუდ” ქცევებს და მათ დასჯას, აუცილებელია ოჯახისწევრები თანხმდებოდეთ, რა არის “ცუდი”ქცევა და ყველამ ერთნაირი სტრატეგია გამოიყენოთ მათი გამოვლენის შემთხვევაში. “ცუდ” ქცევებთან გამკლავების რეკომენდაცია ძალიან ზოგადი იქნება ამ შემთხვევაში და ასეთ ფორმატში მეტად დაკონკრეტება არ იქნება შესაძლებელი, თუმცა, შეგიძლიათ გაითვალისწინოთ რამდენიმე შემდეგი რეკომენდაცია: განსაზღვრეთ, რა მიზნით მიმართავს ბავშვი ამა თუ იმ ცუდ ქცევას. მაგალითად, თუ გარტყამთ იმისათვის, რათა გამოგიწვიოთ ურთიერთობისთვის, გაერიდეთ ბავშვს. თუმც, აუცილებლად გამონახეთ დრო მასთან ურთიერთობისა და თამაშისთვის იმ დროს, როდესაც კარგად იქცევა. თუ ღვრის წყალს ან რაიმეს აფუჭებს და ამ დროს გიყურებთ და ისევ და ისევ ცდილობს გამოგიწვიოთ, ამ დროს არ მიაქციოთ ყურადღება მის საქციელს. თუ რაიმეს აფუჭებს იმ მიზნით, რომ თავი დააღწიოს მისთვის არასასიამოვნო აქტივობას (მაგალითად, ძირს ყრის საკვებს იმ მიზნით, რომ თავი დააღწიოს ჭამის პროცესს, არ შეაწყვეტინოთ ჭამა. არ მისცეთ შესაძლებლობა, ცუდი ქცევით მიაღწიოს სასურელს. ამავე დროს, ჭამის შემდეგ, ააკრეფინეთ ძირს დაყრილი საკვები. გაითვალისწინეთ, რომ ბავშვი სწავლობს თქვენს ქცევაზე დაკვირვებით. თუ მისდამი გამოავლენთ აგრესიას, იზრდება იმის ალბათობა, რომ თავადაც ამ მეთოდებს გამოიყენებს. მეტად კონკრეტული რეკომენდაციების მისაღებად შეგიძლიათ მიმართოთ სპეციალისტს, რომელიც უშუალოდ თქვენი შვილისთვის მორგებულ რეკომენდაციებს მოგაწვდით. წარმატებებს გისურვებთ.

    ლიკა ბუწაშვილი. ფსიქოლოგი

  58. ნინო says:

    გამარჯობათ, ჩემი შვილი 2 წლის და 3 თვისაა, ძალიან აქტიური ბავშვია ,ადვილად იმახსოვრებს ლექსებს და სიმღერებს,ადვილად ურთიერთობს უცხო ადამიანებთან, ყველა აღიარებს რომ თავის ასაკთან შედარებით ზედმეტად განვითარებულია, თუმცა არასდროს არ უნდა გაიგოს რომ რაღაც არ შეიძლება, მაგალითად როდესაც მის დასჯას ვცდილობს ცუდი საქციელის გამო , აგრესიას ავლენს, ეს გამოიხატება სათამაშოების თუ სხვა ნივთების სროლით, ჩარტყმით და აგრესიული ყვირილით, იქნებ გამონახოთ დრო და მირჩიოთ, ასეთ აგრესიას როგორ გავუმკლავდე.
    მადლობას გიხდით წინასწარ.

  59. ლიკა ბუწაშვილი says:

    ეკა, მოგესალმებით. როგორც წესი, 3 წლიდან ვიძლევით ბავშის საბავშვო ბაღში შეყვანის რეკომენდაციას. თუმცა, რა თქმა უნდა, გააჩნია კონკრეტულ შემთხვევას. თუკი მოგვწერთ თქვენი შვილის განვითარების შესახებ ინფორმაციას, მათ შორის თქვენთან თუ ძირითად აღმზრდელთან რა ტიპის მიჯაჭვულობა აქვს – როგორ ურთიერთობს; რამდენად გამოსდის უცხო გარემოსთან შეგუება და თანატოლებთან ურთიერთობა, უფრო კონკრეტულ რეკომენდაციას მოგაწვდით.

    პატივისცემით, ლიკა ბუწაშვილი. ფსიქოლოგი

  60. ეკა says:

    გამარჯობა, გთხოვთ, მომაწოდოთ ინფორმაცია რეკომენდირებულია თუ არა 2 წლის და 6 თვის ბავშვის ბაგა ბაღში მიყვანა?

  61. ლიკა ბუწაშვილი says:

    ქეთი, რა თქმა უნდა, განვითარება სკოლამდელ ასაკში ძალიან ინდივიდუალურია. არსებობს ზოგადი ნორმები, თუმცა, ბავშვები შესაძლოა მცირედ სცდებოდნენ ამ ნიშნულებს. თქვენ მეტყველების მცირე შეფერხებასთან ერთად აღნიშნეთ სხვა წუხილიც – უმცროს ძმაზე ეჭვიანობა, თქვენთან განშორების სირთულე. მდგომარეობის გაუმჯობესება შესაძლებელია. მე გირჩევდით, რომ რადგან ასე ღელავთ, მაინც გაიაროთ კონსულტაცია ბავშვთა ფსიქოლოგთან, მიიღოთ პირველ რიგში მხარდაჭერა და შემდგომ დაწვრილებით რეკომენდაციები. თუ ეს შესაძლებელი არ არის, მოგვწერეთ და შევეცდები წერილობითი სახით მოგაწოდოთ ზოგადი რეკომენდაციები.

    პატივისცემით, ლიკა ბუწაშვილი. ფსიქოლოგი
    ნეიროგანვითარების ცენტრი

  62. ქეთი says:

    გამარჯობათ ჩემი სვილი 2წლის დ 6თვის არის აქ რაც წერია ყველალაპერს აკატებს ლაპარაკის გარდა ,,,,,მომიტანეს როცა ვეუბნები ხან მოაქვს ხან არა უფრო არ მიჯერებს ესე მგონია ….ლაპარაკობს ცალკეულ სიტყვებს მაგ,,,,, დედიკო (კეკიკოს მეძახის დაჯე ადე ჩართო პიპია ნინდას აბავს დუხი ნინდა ჩართო ისა ….მზე მთვარე მაკო (ვაკო მოვა ანა მოვა ახლობლების სახელებსაც როცა უნდა მასინ ამბობს რომ ვეუბნები დაუძახე იშვიათად ეძახის რა გავაკეთო არ ვიცი რითი წავახალისო რომ ილაპარაკოს სიტყვების მარაგიც ცოტა აქვს იმ დგეს ჩიტი თქვა დასდევდა მერე აGარ მეუბნებოდა რაგაცას მეტყვის ხანდახან და რომ ვერ ვიგებ ბრაზდება არ შევიმჩნიო თუ რა ვქნა არ ვიცი მეშინია არ დავაკომპლექსო ,,,,ჩვეულებროივად თამაშობს მანქანებით ბურთით ეზოში სახლში არ თამაშობს ბურთით კუბიკებით მეორე ბავშვი მყავს 4თვის ძალიან ეჭვიანოს რომ დაიბადა ისტერიულად კოცნიდა მერე ეგეც შეწყვიტა …ეხლა როცა ვაჭმევ მეუბნება დადო ანუ ბავშვზე აგრესიულად ხანდახან ტირის ყველანაირად ვცდილობ მოვეპერო პატარა რომ დაიბადა ცოტა მოაკლდა ყურაადგება ეხლა სულ იმაზე ვპიქრობ რითი გავართო ….ძალიან იყო ჩემზე მოწეპებული მაგრამ ოჯახის წევრებთან რჩება უპრობლემოდ ოღონდ არა დიდი ხნით….მირჩიეთ როგორ მოვიქცე ძალიან განვიცდი არ ვიცი როგორ და ვის მივმართო ,,,ამ ასაკისთვის ეს სერიოზული ჩამორჩენაა თუ ყველა ბავშვი ინდივიდუალურია ….ერთხელ მოგცერეთ და პასუხი არ მომსვლია გთხოვთ რამე მირჩიოთ მადლობა წინასწარ…..

დატოვეთ კომენტარი

შემოგვიერთდით

ვებგვერდის სპონსორები