ძილის პრობლემები 2-დან 12 თვემდე

DSC_5892

ჩვილ ბავშვებს საშუალოდ ძინავთ 9-10 საათი ღამის და 3-4 საათი – დღის განმავლობაში. ძილის ხანგრძლივობა ინდივიდუალურია, განსაკუთრებით სიცოცხლის პირველი წლის განმავლობაში. 2 თვის ჩვილი დღის განმავლობაში იძინებს საშუალოდ 2-4- ჯერ, ხოლო 12 თვის – 1-2-ჯერ. ისეთი ფაქტორები, როგორიცაა ავადმყოფობა ან ძილის რუტინის დარღვევა, იწვევს ძილის დარღვევას. განვითარების სხვადასხვა ეტაპზე, მაგალითად, როდესაც პატარა ხოხვას სწავლობს, ხანმოკლე დროით შეიძლება დაერღვეს ძილი.

დაახლოებით 6 თვის ასაკისათვის დროული, ჯანმრთელი ბავშვების უმრავლესობა იყალიბებს ხანგრძლივ ღამის ძილს და აღარც საკვებს ითხოვს ღამით, თუმცა ბავშვების 25-50% მაინც აგრძელებს ღამით გამოღვიძებას. ღამით ხანმოკლე დროით გამოღვიძება ნორმის ვარიანტადაა მიჩნეული. ითვლება, რომ თითქმის ყველა ბავშვი იღვიძებს ღამის განმავლობაში 2-6-ჯერ. ბავშვების ნაწილს შეუძლია დამოუკიდებლად, მშობლის დახმარების გარეშე ჩაძინება, თუმცა ზოგი ძილის “შესაბრუნებლად” მოითხოვს მშობლის დახმარებას. როგორც წესი, მშობლის დახმარება იმ პატარებს ესაჭიროებათ, რომლებიც დამოუკიდებლად დაძინებას არ არიან მიჩვეული და მშობლები აძინებენ რწევით, ხელში ტარებით, საკვების მიცემით ან ძინავთ მშობლის საწოლში.

როგორ უზრუნველყოთ ჩვილის უსაფრთხო ძილი?

  • როგორც ღამის, ასევე დღის ძილის დროს ჩვილი ყოველთვის ზურგზე უნდა იწვეს
  • არ უნდა გამოიყენოთ რბილი ლეიბი
  • ძილის დროს არაფერი დაახუროთ თავსა და სახეზე; საბნის ზედა კიდე არ უნდა ასცდეს გულმკერდის დონეს.
  • საწოლიდან ამოიღეთ რბილი სათამაშოები და ბალიში
  • ეცადეთ იმ ოთახში, სადაც ბავშვს ძინავს არ მოწიოთ სიგარეტი
  • მოერიდეთ საძინებლის ზედმეტად გათბობას
  • 5 თვის ასაკიდან საწოლს მოაცილეთ დასაკიდი სათამშოები
  • თუ გადაწყვეტთ, რომ ბავშვს თქვენს საწოლში ეძინოს, აუცილებლად გაესაუბრეთ ამის შესახებ თქვენი ოჯახის ექიმს. ის ეცდება სწორი რეკომენდაციები მოგცეთ. კატეგორიულად არ შეიძლება ბავშვი იწვეს მშობლის საწოლში თუ მშობელი ღებულობს ანტიდეპრესანტს, ალკოჰოლს ან თამბაქოს მომხმარებელია.
  • არასდროს დააძინოთ ბავშვი სკამზე, ტახტზე ან სხვა ისეთ ავეჯზე, რომელიც არ არის განკუთვნილი ბავშვის დასაძინებლად.

როგორ დაეხმაროთ პატარას სწორი ძილის ჩამოყალიბებაში

კარგად დააკვირდით, როდის ეძინება: ზოგი  ბავშვი დაღლილობას ჭირვეულობით, ტირილით, თვალების სრესით ან ყურების წვალებით გამოხატავს; თუ კარგად გეცოდინებათ ის ნიშანი, როგორ გამოხატავს თქვენი ბავშვი დაღლილობას და მაშინვე დააწვენთ დასაძინებლად, ის უფრო სწრაფად და ადვილად დაიძინებს.

გადაწყვიტეთ თუ სად დაიძინებს თქვენი პატარა: დაახლოებით 3 თვის ასაკისათვის გადაწყვიტეთ სად დაიძინებს თქვენი პატარა, რადგანაც უფრო მოზრდილ ასაკში საძინებლის გამოცვლა მისი ძილის დარღვევის მაპროვოცირებელი ფაქტორი შეიძლება იყოს. მაგალითად: თუ პატარას ეტლში ძინავს, უმჯობესია 3 თვის ასაკისთვის საწოლში დაძინებას მიაჩვიოთ. ის დედა, რომელიც ძუძუთი კვებავს, პატარას თავის საწოლში იწვენს, რადგან მისთვის ასე უფრო მოსახერხებელია. თუ გადაწყვეტთ, რომ ბავშვს თქვენს საწოლში ეძინოს, აუცილებლად გაესაუბრეთ ამის შესახებ ექიმს.

დაიცავით ძილის განრიგი: დადგენილია, რომ ბავშვებს, რომლებსაც ჩამოყალიბებული ძილის განრიგი აქვთ, უფრო უკეთ ძინავთ.

დანერგეთ უსაფრთხო ნივთების გამოყენება: დააახლოებით 12 თვის ასაკისათვის შესთავაზეთ პატარას მის საყვარელ, უსაფრთხო, რბილ სათამაშოსთან ერთად დაძინება.

ჩამოაყალიბეთ ძილის რუტინა: დაძინების წინ რუტინული, ერთიდაიგივე აქტივობები ხელს უწყობს ბავშვის ძილს. ეცადეთ შეარჩიოთ და ყოველი ძილის წინ გაიმეოროთ რუტინული ქცევები, მაგალითად: ბანაობა, ნაკლებაქტიური თამაშები, ზღაპრის მოყოლა. ძილისწინა რუტინა შეგიძლიათ დაიწყოთ ვახშმით, შემდეგ გადახვიდეთ დაბანაზე, შემდეგ – ზღაპრის მოყოლაზე და ა.შ, მაგრამ არავითარ შემთხვევაში არ შეცვალოთ მოქმედებათა თანმიმდევრობა.

საძინებელში მუდმივად გქონდეთ დაძინებისათვის ხელსაყრელი გარემო: პატარას კარგად ძინავს, როდესაც მის ოთახში არის სუსტი სინათლე, არ ცხელა და სიმშვიდეა.

საწოლში ბავშვი ყოველთვის მაშინ ჩააწვინეთ, როდესაც ეძინება, მაგრამ აუცილებლად ფხიზელ მდგომარეობაში: დაახლოებით 3 თვის ასაკიდან ეცადეთ პატარა მაშინ ჩააწვინოთ საწოლში, როდესაც ეძინება, მაგრამ აუცილებლად ფხიზელი; დაეხმარეთ ისწავლოს დამოუკიდებლად დაძინება ხელში ტარების და რწევის გარეშე. თუ პატარა დამოუკიდებლად დაძინებას ისწავლის, ღამით გაღვიძებისასაც აღარ გაგაღვიძებთ და ძილს თავად “შეიბრუნებს”.

დაიძინეთ როდესაც პატარას ძინავს: მშობლებსაც სჭირდებათ დასვენება. დაიძინეთ ცოტა ხნით დღის განმავლობაში მაშინ, როცა პატარას ძინავს.

მიმართეთ თქვენს ექიმს, თუ გაგიჩნდათ პრობლემა: ძალიან ჭირვეულ პატარებს შეიძლება ჰქონდეთ სხვა სამედიცინო პრობლემა, მაგალითად ნაწლავური კოლიკა ან გასტროეზოფაგური რეფლუქსი. მიმართეთ ექიმს, თუ გეჩვენებათ, რომ პატარას აქვს სუნთქვის პრობლემები ღამის ძილის განმავლობაში.

    137 კომენტარი
  1. თამარი says:

    გამარჯობათ! მყავს 7თვის ბავშვი.თითქმის 2თვეა დაერღვა ღამირ ძილი.12საათიდან დილის 5საათამდე ჭირვეულობს,იღვიძებს რამდენჯრმე და ხელში აყვანით ვამშვიდებ. ვფიქრობ,აქვს კოლიკა.მყავდა პედიართან და დაგვინიშნა კოლისპასი და დამამშვიდებელი ნოვარესტქიდსი.სამწუხაროდ შედეგი არ გვაქვს.გთხოვთ,მითხრათ რა შეიძლება იყოს ჭირვეულობის მიზეზი და როგორ მოვიქცე. მადლობა!

  2. ნინო says:

    გამარჯობა, 6 თვის და 3კვირის პატარა მყავს. ვირუსი ჰქონდა და მაღალი სიცხე. უცებ ჭამის დროს გადააბრუნა თვალები და მაშინვე ამოვიყვანე სააწოლიდან,ხელში როგორც მჩვარი ისე იკეცებოდა, მაგ დროს არ ჰქონია სიცხე ოღონდ.ამ სიცხეების მერე აქვს ძილი არეული, ხელში ითხივს დაძინებას და დილითაც ტირილით გაიღვიძა.იქნებ მირჩიოთ რამე?ვერ ვატირებ მეშინია ისევ არ გაღიზიანდეს.მადლობა წინასწარ

  3. ციცი says:

    მოგესალმებით,
    თუ შეგიძლიათ მომცეთ რჩევა:
    ჩემი შვილი არის 11 თვის, ბავშვი პირველივე დღეებიდან გამოირჩევა უძილობით, უფრო სწორედ ღამის უძილობით, დღე სძინავს ორჯერ, დაახლოებით 1-1 საათი, მაგრამ ღამით იღვიძებს ძალიან ხშირად და დაძინებასაც არ ჩქარობს 🙂 ყველა გარემო პირობა შესაფერისია და რუტინა გვაქვს საოცარი სიზუსტით დაცული, ნამდვილად ვიცი, რომ არაფერი არ აწუხებს, ანუ როდესაც იღვიძებს არის არაჩვეულებრივ ხასიათზე, მაგრამ მაღელვებს ის, რომ ღამის განმავლობაში ყველაზე მაქსიმუმ 6 საათი სძინავს და მეშინია, რომ მის განვითარებას ამ ფაქტმა ხელი არ შეუშალოს.

  4. მაკა says:

    გამარჯობა.ჩემი პატარა 5 თვისაა გამით როხა სძინავს და ზოგჯერ შეიძლება დღის ძილის დროსაც უეცრად ისე დაიწყოს ტირილი რომ არვიცი სძინავს და ტირის ტირის თან ძალიან ..ხელში აყვამით და ცოტა დარწევით იძინებს თუმცა დიდი ხნით არა და ისევ ესე მელრდება..გამით უმეტესად 5 დან 8 საათამხე..რატომ და რისკ ბრი შეიძლება იყოს…გთხოვთ მიპასუხოთ

    • ნინო თარხნიშვილი says:

      მოგესალმებით, მაკა
      აღნიშნული ჩივილები შესაძლებელია უკავშირდებოდეს დღის მანძილზე გადატანილ ემოციებს, ეცადეთ მშვიდი და წყნარი გარემო შეუნარჩუნოთ, განსაკუთრებით ძილის წინა პერიოდში, შეუმუშავეთ ძილის რუტინა, რაც ასევე გააუმჯობესებს ძილის ხარისხს. არ არის გამორიცხული ასევე მუცლის მოვლითი ხასიათის ტკივილი, რის გამოც შეგიძლიათ მიმართოთ პედიატრს.
      ნინო თარხნიშვილი
      ბავშვთა ნევროლოგი

  5. თამარი says:

    გამარჯობათ მაინტერესებს დღის განმავლობაში ძალიან კარგად ძინავს ბავშვს ,ჯერ ორინთვისაც არ არის . გამთენიას რომ იწყებს ტირილს ვერ ვაჩუმებ 5 საათი გადაბმულად ტირის . ვერ ვხდები მიზეზს იქნებ დამეხმაროთ :(((

    • ნინო თარხნიშვილი says:

      მოგესალმებით, თამარ
      თქვენს შემთხვევაში ბავშვის ჭირვეულობასა და ტირილს თითმის ერთსა და იმავე დროს დიდი ალბათობით განაპირობებს კუჭ-ნაწლავის ჩამოუყალიბებელი ტრაქტი და მასთან ასოცირებული მუცლის მოვლითი ხასიათის, სპაზმური ტკივილი. აუცილებლად უნდა მიმართოთ პედიატრს შესაბამისი დანიშნულებისთვის. აღნიშნული ჩივილები ასაკდამოკიდებულია და დაახლოებით 3,5-4 თვის ასაკისთვის ლაგდება და არ არის დაკავშირებული ნერვული სისტემის პათოლოგიასთან.
      ნინო თარხნიშვილი
      ბავშვთა ნევროლოგი.

  6. ქეთი says:

    გამარჯობათ, ჩემი ბავშვი არის 6 თვის ბოლო პერიოდია ძილის დრის შეშინებული ტირის ხან ეღვიდძება ხან აგრძელებს ძილს. რისი ბრალი შეიძლება იყოს ?

    • ნინო თარხნიშვილი says:

      მოგესალმებით, ქეთი
      შესაძლებელია აღნიშნული ჩივილები უკავშირდებოდეს დღის მანძილზე გადატანილ ემოციებს. ძალიან დიდი მნიშვნელობა აქვს დღის მანძილზე მშვიდ გარემოს, ძილის ე.წ. რუტინას, რაც გულისხმობს ძილის წინა პერიოდში ერთსა და იმავე თანმიმდევრობის მოქმედებების შესრულებას, მაგ,: აბაზანა, წყნარი მუსიკის მოსმენა, რაიმეს წაკითხვა და ა.შ., ყოველდღიურად ერთი და იგივე თანმიმდევრობით.
      ნინო თარხნიშვილი
      ბავშვთა ნევროლოგი

  7. ნინო says:

    გამარჯობა. ჩემი პატარა არის 9 თვის და 2 კვირის. დღე ძალიან ცოტახანს ძინავს. დაახლოებით 40 წუთი. გამე თითქმის ყოველ საათში იღვიძებს. ასევე ხშირად ჭამს ღამე. არ ვიცი ეს რამდენად ნორმალურია? ასე ხშირად უნდა ჭამდეს ღამე? ჩემმა პედიატრმა მითხრა, რომ ღამე არ უნდა ჭამდეს. ძალიან გთხოვთ მიპასუხოთ. მადლობა

    • მარი says:

      გამარჯობათ.მყავს წლის და 1 თვის ბიჭი.დღე დაახლოებით 3ჯერ ეძინა ხოლმე1 საათი.ეხლა შევამცირე და დღეში ერთხელ ვაძინებ.11 საათზე იძინებს ღამის და დაახლოებით 1 საათი ან საათ მახევარი ძინავს.იღვიძებს ჭამაზე.როცა ვაჭმევ შემდეგ ფხიზლდება და 4 5 საათამდე ვერ იძინებს.ან თუ გააგრძელა ძილი სულ ტრიალებს ვერ ისვენებს.მაშინაც კი როცა გამოცვლილი აქვს პამპერსი და ნაჭამია.ხომ ვერ მეტყვით რა შეიძლება იყოს ამის მიზეზი.მადლობა წინასწარ.თუ მიპასუხებთ მადლობელი დაგრჩებით.ეხლაც ღამის 4 საათია და ვარწევ რომ ვაჩერებ ტრიალებს და ფხიზლდება.ნაჭამი და გამოცვლილია))

    • ნინო თარხნიშვილი says:

      მოგესალმებით, ნინო
      ასაკის მატებასთან ერთად, ბავშვები ნაკლები ხანგრძლივობით იძინებენ დღის მანძილზე და რამოდენიმეჯერ, მნიშვნელოვანია 24 საათის განმავლობაში ძილის სრული ხანგრძლივობა, რაც 9 თვის ასაკისთვის უნდა შეადგენდეს დაახლოებით 11-12 სთ-ს, თუმცა ინდივიდუალურია თითოეული ბავშვისთვის. რაც შეეხება ღამე გამოღვიძებებს, 2-6 გამოღვიძება ნორმად არის მიჩნეული, თუმცა ყოველი გამოღვიძება კვებასთან არ უნდა იყოს ასოცირებული, როგორც წესი. საყურადღებოა რამდენად სწორად აქვს ბავშვს შედგენილი კვების რაციონი და რამდენად სრულყოფილია იგი.
      ნინო თარხნიშვილი
      ბავშვთა ნევროლოგი

  8. ნინო123 says:

    გამარჯობათ ჩემი პატარა წლის და ერთი თვისა.. მას თავიდანვე უჭირდა დაძინება.. ეხლაც ვაქანავებ და ისე იძინებს..სადღაც ერთ საათამდე ჭირდება ხან რო ჩაიძინოს..

    • ნინო თარხნიშვილი says:

      მოგესალმებით, ნინო
      მუდმივად რწევით დაძინება არ გახლავთ სწორი ფორმა ბავშვის დასაძინებლად. ძალიან მნიშვნელოვანია ძილის რუტინა და ზოგადად, სწორად შერჩეული ძილის რეჟიმი, რომელიც მაინც ინდივიდუალურია. გასათვალისწინებელია როდის იწყებთ ბავშვის დაძინებას, არ არის რეკომენდებული ძილამდე ბავშვთან აქტიური თამაშები, ასევე უნდა გაითვალისწინოთ, რომ დღის ბოლო ძილის შემდეგ მინიმუმ 5 საათი მაინც უნდა იყოს გასული, რომ ბავშვმა შეძლოს დაძინება. არ უნდა გამოგვრჩეს მომენტი, როდესაც ბავშვს ყველაზე მეტად ეძინება. ზოგადად, ჩასაძინებლად 20-30 წუთი საკმარისია, როდესაც ძილის რუტინა და რეჟიმი დაცულია.
      ნინო თარხნიშვილი
      ბავშვთა ნევროლოგი

  9. თიკო says:

    გამარჯობა.გგთხოვთ მითხარით როგორ მოვიქცე.მყავს 3თვის და ერთი კვირის გოგონა.არის ხელოვნურზე.ღამე ჭამს მხოლოდ ძუძუს.ახლა უკვე 180გრამია მისივდოზა.მაგრამ არ ჭამს.ხან 90ს ჭამს ხან 60ს.ნუტრილაკს ჭამდა.გუშინ შევუცვალე საჭმელი ჰიპი მივეცი და ამას უფრო არ ჩამს და თან განავალი მწვანე იყო დილით.ძალიან გთხოვთ მითხარით რა ვქნა.ძალიან ვნერვიულობ.დიდი მადლობა

  10. დიანა says:

    მოგესალმებით! მყავს 6თვის ბავშვი. ღამის ძილის დროს უმეტესად წევს მუცელზე. რამდენად უსაფრთხოა ამ ასაკში ეს პოზა?

    • ნინო თარხნიშვილი says:

      მოგესალმებით, დიანა
      როგორც ცნობილია, მუცელზე ძილი გარკვეულ საფრთხეს შეიცავს, ამიტომ რეკომენდებულია ამ პოზაში ბავშვი უყურადღებოდ არ დატოვოთ.
      ნინო თარხნიშვილი
      ბავშვთა ნევროლოგი

  11. ელენე says:

    გამარჯობათ მყავს ორთვენახევრის ბავშვი დღისით უჭირს ძალიან ძილი ტირის როცა ძაან ეძინება და ვერ იძინებს ვერაფრით თუ ჩაეძინა როცა ვაწვენ თავის საწოლში კივის ეგრევე იღვიძებს. ღამეც ჭირვეულობს ხან. აუ უნდა ხელაი იყოს რით შეიძლება მივაჩვიო დამოუკიდებლად ძილს ? თავის საწოლში მაინც რომ ჩაეძინება არ წვება ეგრევე იღვიძებს ??? დამეხმარეთ რაიმე მირჩიეთ რა

    • თეა says:

      ჩემი 3თვისაა და იგივე პრობლემა გვაქვს ძლივს ვაძინებ და ისიც ტუ ჩავაწვინე საწოლში მაშინვე იღვიძებს ასე აკეთებს მთელი დღის განმავლობაში და ღამეც,ძალიან ჭირვეულობს ,ნევროპათოლოგმა ნოოფნი დაუნიშნა მაგრამ ფაქტია არ შველის.გვირჩიეთ რამე

    • ნინო თარხნიშვილი says:

      მოგესალმებით, ელენე
      2,5 თვის ასაკში ჭირვეულობისა და უძილობის უხშირესი მიზეზია კუჭ-ნაწლავის პრობლემები, რაც ასაკდამოკიდებულია და 4 თვემდე გასტანს. ეცადეთ რეჟიმისა და ძილის რუტინის შემუშავება. ამ სიტუაციაში მედიკამენტების (დამამშვიდებელი, საძილე) გამოყენება არ არის რეკომენდებული.
      ნინო თარხნიშვილი
      ბავშვთა ნევროლოგი

  12. ანი says:

    გამარჯობათ.ჩემი შვილი 2 თვე ნახევრისაა.დღის განმავლობაში მაინცდამაინნც არ ჭირვეულობს.როცა ჭამის დრო მოდის მაშინ ტირის.უბრალოდ როდესაც ვესაუბრები არ მიყურებს და აქეთ-იქეთ აცეცებს თვალებს.როდესაც სახეზე ხელს მოვკიდევ და ჩემსკენ შემოუტრიალებ მაშინ გამიღიმებს და შემომხედავს.როდესაც ეტლში ვაწვებნ ხანდახან შეკრთება ხოლმე.ძილი კი აქვს მშვიდი.ნევროპათოლოგმა ნახა და კარგი ბავშვიაო მაგრამ ასეთი ქცევები მაფიქრებს და თქვენ რას მეტყოდით.თუ შეიძლება მიპასუხეთ.დიდი მადლობა

    • ნინო თარხნიშვილი says:

      მოგესალმები, ანი,
      2,5 თვის ასაკში ბავშვს უნდა შეეძლოს მზერის დაფიქსირება და მოძრავ საგანზე თვალის გაყოლება, ძირითადად აფიქსირებენ სინათლეს და მკვეთრ ფერებს. რაც შეეხება ხანდახან შეკრთომებს, პათოლოგიას არ წარმოადგენს.
      ნინო თარხნიშვილი
      ბავშვთა ნევროლოგი

  13. ანი says:

    გამარჯობათ ჩემი პატარა არის თვე ნახევრის.მყავს ხელოვნურ კვებაზე.ხანდახან ხელებს და ფეხებს იქნევს და მოუსვენრობს.შებერილობა აქუხებს და ვიქცევი ექიმის დანიშნულებისამებრ.მაინტერესებს ახასიათებს თუ არა ამ ასაკის ბავშვებს ასეთი ქცევები.დიდი მადლობა.

    • ნინო თარხნიშვილი says:

      მოგესალმები, ანი,
      4 თვემდე ასაკის ბავშვებში ხშირია კუჭ-ნაწლავთან დაკავშირებული პრობლემები, რის გამოც ჭირვეულობენ, ერღვევათ ძილი, მოუსვენრად გრძნობენ თავს. აღნიშნული ჩივილები ასაკის მატებასთან ერთად მცირდება და პათოლოგიას არ წარმოადგენს.
      ნინო თარხნიშვილი
      ბავშვთა ნევროლოგი

  14. მარი says:

    გამარჯობათ რამდენჯერ უნდა დაიძინოს 6თვის ბავშვმა დღეში და ღამე რამდენჯერ უნდა გაიღვიძოს საჭმელად

  15. თინათინი. says:

    გამარჯობათ..მყავს 4 წლის ბიჭი,ღამით ძალიან ხშირად გაეღვიძება და უმიზეზოდ 5 წუთი ტირის.. რისი ბრალი შეიძლება იყოს?

  16. ირმა says:

    გამარჯობაათ ჩემი პატარა 4 თვისაა დაა ძილით სძინავს ძალიან ცუდად ღამე ტირიის ძილში ვერ ვაჩერებ ექიმმა დამამშვიდებბელი გამოგვიწსრა მაგრამ არ შვეელის

  17. თეონა says:

    გამარჯობა, ჩემი პატარა არის თითქმის 5 თვის, ბოლო კვირაა ძალიან გაღიზიანებულია, სიმპტომებით სავარაუდოდ კბილების პრობლემაა, მაგრამ ღრძილები არ აქვს შესიებული. პრობლემა იმაში მდგომარეობს რომ ძილში ტირილი დაიწყო და სანამ არ გავაღვიძებ, მანამდე ტირის. თუ თავისით გაიღვიძა უმეტესად ტირილით იღვიძებს, პედიატრმა დამინიშნა ვალერიანის ფესვების ნაყენი. იქნებ მითხრათ რამდენად რეკომენდირებულია ასეთ დროს მედიკამენტის გამოყენება თუნდაც მცენარეულის (რამდენად შეიძლება ვალერიანის ძირების ნაყენი ჩვილებში) და საჭიროა თუ არა ნევროლოგთან კონსულტაცია? მადლობთ.

  18. mariami says:

    Gamarjobaa chemi bichi 3tve naxevrisaa vart xelovnur kvenazee aqamde kuchshi dila Sagami gadiods,axla dgeshi 4mainc gadis can txlad can nprmalurad pediatrma wamail dagvinishna magram mainc isea,ramaonteresebs es sheidzlebaa sakvebis brali iyos?selia eqspert1vadzlev.ar sheidzleba sxa ram it shevcvaloo gtxovt mipasuxot

    • თათია აფრასიძე says:

      მოგესალმებით, მარიამ,
      კომპეტენტური რჩევისათვის, უმჯობესია, მიმართოთ პედიატრს.
      თათია აფრასიძე
      ბავშვთა ნევროლოგი

  19. მარი says:

    გამარჯობათ ჩემი შვილი 4 თვის არის. მყავს ბუნებრივ კვებაზე. მიჩვეულია ხელში ძილს. როდესაც ჭამას დაიწყებს თვალები ენაბება მაშინვე და იძინებს მაგრამ ღრმად არა. როგორც კი დვაწვენ საწოლში იღვიძებს. ესე ხელში დღის განმავლობაში ბევრჯერ ძინავს 20 წუთით მაინც. ღამით უჭირს დაძინება 4 საათამდე არ იძინებს . ნევროლოგთან მყავდა და მითხრა პრობლემა არაფერი აქვსო დღე და ღამე აქვს არეულიო. როგორ შეიძლება ეს ძილის პრობლემა რომ მოვუგვარო.

  20. სოფო says:

    გამარჯობათ მკავს სამი თვის ბავშვი და დაბადებიდან მუცელზე ძილს შევაჩვიეთ ისე ვეგარ იძინებს ხელებს ირტყავს სახეში და ეღვიძება , მუცელზე ძილის არ მეშინია მაგრამ. საფრანგეთსი პედიატეი გვეუბნება გვერძე წოლას შეაჩვიეო ,აქწერია ზურგზეო , ზურგზე რო დავაწვინო. ბავშვი საშიში არაა ჭამის შემდეგ რო აგებინოს ? იმიტო რო ბევრჯერ აბოკინებს ))და ხანდახან ზედმწტ საჭმელსაც ცოტა ხნის მერე აღებინებს ხოლმე . იქნებ მირჩიოთ როგორრმოვიქცე მადლობთ წინასწარ

    • თათია აფრასიძე says:

      მოგესალმებით, სოფო,
      ღებინების შემთხვევაში საუკეთესო პოზა გვერდზე წოლაა. თუმცა, ყველაზე უსაფრთხო ჯანმრთელი ჩვილისათვის არის ზურგზე წოლა, რაც ამცირებს ჩვილის უეცარი სიკვდილის სინდრომის განვითარების რისკს. ზოგიერთი ექიმი თვლიდა, რომ გვერდზე წოლა შესაძლებელია იყოს მისაღები ალტერნატივა, თუმცა თანამედროვე მტკიცებულებები რეკომენდაციას უწევს გვერდზე წოლისაგან თავის არიდებას, უსაფრთხოების წესების დაცვის მიზნით. ჭამის შემდეგ მაშინვე ნუ დააწვენთ, გარკვეული პერიოდი ამყოფეთ ვერტიკალურ მდგომარეობაში.
      თათია აფრასიძე
      ბავშვთა ნევროლოგი

  21. სოფო says:

    გამარჯობათ მკავს სამი თვის ბავშვი და დაბადებიდან მუცელზე ძილს შევაჩვიეთ ისე ვეგარ იძინებს ხელებს ირტყავს სახეში და ეღვიძება , მუცელზე ძილის არ მეშინია მაგრამ. საფრანგეთსი პედიატეი გვეუბნება გვერძე წოლას შეაჩვიეო ,აქწერია ზურგზეო , ზურგზე რო დავაწვინო. ბავშვი საშიში არაა ჭამის შემდეგ რო აგებინოს ? იმიტო რო ბევრჯერ აბოკინებს ))და ხანდახან ზედმწტ საჭმელსაც ცოტა ხნის მერე აღებინებს ხოლმე . იქნებ მირჩიოთ როგორრმოვიქცე მადლობთ წინასწარ

  22. ბელა says:

    გამარჯობა. ჩემი პატარა ერთი კვირისაა და დგისით თითქმის სულ ძინავს დაახლოებით 10 საათი და არ ჭამს საერთოდ. გამე იგვიძებს და მაშინ ახერხებს ჭამას. შეგიძლიათ მირჩიოთვრამე? დღისით ვერაფლით ვერ ვაღვიძებთ

    • თათია აფრასიძე says:

      მოგესალმებით, ბელა,
      ამ ასაკში, ვინაიდან ძილ-ღვიძილის დღე-ღამის რითმი ჯერკიდევ ჩამოყალიბების პროცესშია, პატარებს უპირატესად სძინავთ დღის განმავლობაში და ფხიზლობენ ღამე. გარკვეული პერიოდის შემდეგ უმეტესწილად თავისთავად წესრიგდება.
      თათია აფრასიძე
      ბავშვთა ნევროლოგი

      • ანასტასია says:

        ჩემი გოგონა არია 4 ტვის მირჩიეთ აქვს ძალიან ფრტხილი ძილი,ღამე არ იძინებს გვიანობამდე დღე რანაირი დაღლილიც არ უნდა იყოს ამ შემთხვევაში რა უნდა ვქნა?

  23. თეონა says:

    გამომრჩა მეთქვა. პირველი სამი თვის განმავლობაში იყო შერეულ კვებაზე. მე-4 თვიდან არის მხოლოდ ხელოვნურ კვებაზე და 200 გრ მიღების შემდეგ ტირის, თითქოს არ ყოფნის საკვები, არის 10კგ.

  24. თეონა says:

    ჩემი პატარა ბიჭი არის 4 თვის და 15 დღის. 3 თვის ასაკში მოგვიწია წასვლა ქალაქგარეთ, ჩასვლიდან რამდენიმე დღეში, როცა ხელში ვაძინებდი უჩვეულოდ იტირა და რამდენიმე წუთში ერთდროულად კუჭში გავიდა, მოშარდა და დაწყნარდა. შემდეგ იგივე განმეორდა რამდენიმე დღის შემდეგ, როცა სტუმრად ჩავედით მეზობელ ქალაში, იქაც ასე, ძლიერი, ინტენსიური ტირილის შემდეგ კუჭში გასვლის და მოშარდვის შემდეგ დაწყნარდა მომენტალურად. შემდეგ თბილისში რომ ჩამოსვლიდან მეორე დღეს ძლიერად იტირა, რა დროსაც გაუკეთე დამამშვიდებელი სანთელი უკანა ტანში და კუჭში გასვლის შემდეგ დამშვიდდა.
    დაახლოებით 3 კვირის წინ ძლიერად და ხანგრძლივად ტიროდა ჩაბჟირებამდე, როცა პამპერსი გაუხსენი მოშარდა, თუმცა შევამჩნიე რომ მოშარდვის წინაც ტიროდა. წავიყვანეთ ქირურგთან და გადაწევის შემდეგ გვითხრა რომ იყო შეხორცება რის გამოც პატარა ასე ძლიერად ტიროდა. მალევე დაწყნარდა და ამ პრობლემას აღარ შეუწუხებია.
    გუშინ დილიდან გაღიზიანებული იყო ( ღრძილების მდგომარეობაც უწყობს ხელს ამ ყველაფერს) რამდენიმე დღე დაუწყეთ ჰუმანას გრეჩიხის ფაფის მიცემა,რიის შემდეგაც კუჭში შედარებით შეიკრა, ზოგჯერ პირიქითაა თხლად გადის კუჭში. მაგ: დილით შეკრულია, ხოლო შუადღით თხლად გადის და გაზებსაც დიდი რაოდენობით გამოყოფს. გუშინ საღამოს ძლიერად იტირა, ჩაბჟირებამდე, გამოვიძხეთ პედიატრი, რომელმაც სპეციალური ხელსაწყოთი ყურში ჩახედა და თქვა რომ აქვს გარეთა ყურის ანთება ორივე მხარეს. ჩააწვეთა წამალი, ასევე თქვა რომ გაზები აწუხებდა და გაუკეთა სანთელი. რის შემდეგაც გავიდა კუჭში და დაწყნარდა.
    ჩემი შეკითხვა მდგომარეობს შემდეგში: მაინტერესებს, ბავშვს რომელსაც ყურის ანთება აქვს, ნუ გარეთა ყურის ანთებას ვგულისხმობ, ის საკვებს ჩვეულებრივად მიიღებს და დღის განმავლობაში შეიძლება ოდნავ გაღიზიაენბული იყოს და მომენტალურად ღამით ისტერიულად იტიროს და მეორე დღეს შეიძლება ჩვეულებრივვად იყოს, თითქოს არც არაფერი აწუებდა. კი ვთქვათ ჩავაწვეთეთ ყურის წვეთები და ა.შ მაგრამ მაინტერესებს, ბევრი დაკვირვების შემდეგ რას შეიძლება უკავშირდებოდეს ასეთი ძლიერი ტირილი, განსაკუთრებით საღამოს საათებში, ძილის წინ პერიოდს ემთხვევა.
    ამაა თან ერთვის ასევე დაძინების შემდეგ დაახლოებით 3-4 ჯერ გამოღვიძება მალევე და დარწევის შემდეგ იძინებს.
    უღრმესი მადლობა და გთხოვთ გამცეთ პასუხი, რჩევა ჩემთვის ძალიან მნიშვნელოვანია. გისურვებთ წარმატებებს!

    • თათია აფრასიძე says:

      მოგესალმებით, თეონა,
      აუცილებელი არ არის ბავშვის ტირილი და ჭირვეულობა ყოველთვის რაიმე პათოლოგიასთან იყოს დაკავშირებული. არსებობენ “მტირალა” და შედარებით მშვიდი ბავშვები. თუმცა მიზეზის გამორიცხვა აუცილებელია, როგორც ოტიტი, ასევე კუჭ-ნაწლავის ტრაქტთან დაკავშირებული ჩივილები ტკივილთან და ჭირვეულობასთან ასოცირდება. აუცილებლად მიმართეთ პედიატრს სრულყოფილი შეფასებისა და მკურნალობის შემდგომი ტაქტიკის განსაზღვრის მიზნით.
      თათია აფრასიძე
      ბავშვთა ნევროლოგი

  25. ნინო says:

    გამარჯობათ,

    მყავს 6 თვის გოგონა 4თვემდე ისე გაიზარდა ვერც გავიგე სულ ეძინა,4თვიდან ხასიათიც შეეცვალა და ძილითაც აღარ სძინავს,ღამე ძილში ტირის ძლივს ვაღვიძებ რომ ვაღვიძებ თამაშში რამოდენიმე საათში იძინებს ისევ და ასე გრძელდება დილამდე,თავზეც გადავუღე ნერვოპათოლოგთანაც მყავდა მარჯვენა წნულზე ცისტური ჩანართი ქონდა ეხლა აღარ აქვს განმეორებით გავუკეთე ნეიროსონოსკოპია.დამამშვიდებელს ვასმევდი და არ შველოდა.თავით აწვება საწოლს გამუდმებით და ტირის ძილშიც კი. თავის საწოლში ეძინა 6თვემდე ეხლა ჩემთან სძინავს ღამე გადმომყავს რომ იღვიძებს აქამდე თავისით იძინებდა ეხლა ხელშიც ძლივს იძინებს.

    • გთხოვთ მიპასუხოთ,უკვე 3 თვეა ჩემ შვილს ღამე არ სძინავს.ღამის განმავლობაში შეიძლება 3 შაათი ეძინოს სულ.მთელი ღამე ტირის არდე თამაშობდა ეხლა უაზროდ ტირის გამუდმებით says:

      გთხოვთ მიპასუხოთ,უკვე 3 თვეა ჩემ შვილს ღამე არ სძინავს.ღამის განმავლობაში შეიძლება 3 შაათი ეძინოს სულ.მთელი ღამე ტირის არდე თამაშობდა ეხლა უაზროდ ტირის გამუდმებით

  26. ზოია says:

    გამარჯობათ ჩემი პატარა 1 ლის და 5 თვისაა ღამით ხშირად იღვიძებს რას მირჩევთ როგორ მოვიქცე რომ არ გ ას იღვიძოს ღამით და მშვიდად ეძინოს

    • თათია აფრასიძე says:

      მოგესალმებით, ზოია,
      ამ ასაკში ბავშვები ჯერკიდევ იღვიძებენ ღამის განმავლობაში რამდენჯერმე, რაც ნორმალურია, თუ ძილის განრიგი რეგულარულია, და ძილის ხანგრძლივობა შეესაბამება ასაკობრივ ნორმას (11-13 საათი დღე-ღამეში).
      თათია აფრასიძე
      ბავშვთა ნევროლოგი

  27. Anna says:

    გამარჯობა.ბავშვი 9 თვის არის,5 თვემდე სულ ხელში ვაძინებდი და ასე იყო სანამ გაიღვიძებდა.ეხლა თავისით იძინებს.აქვს ფხიზელი ძილი.დღისით ძინავს 3 საასი ამ დროის განმავლობაში მეც მის გვერდით ვწევარ,რადგან ძალიან მოძრავია თავის საწოლში როდესაც ვაწვენ ,ხელ-ფეხს იქნევს,საწოლს არტყავს და შემდეგ ეღვიძება. დაახლოებით 1 თვეა უკვე ღამეც იგივენაირად წრიალებს თავის საწოლში და იძულებული ვარ ჩემთან გადმოვიყვანო. მაინტერესებს შესაძლებელია მივაჩვიე და მაგიტო აგარ იძინებს თავის საწოლში? თავიდანვე დღე ჩემთან იყო მაგრამ ღამე თავისთან ეძინა

    • Anna says:

      Gtxovt mipasuxot

    • თათია აფრასიძე says:

      მოგესალმებით, ანა,
      ბავშვები, რომლებიც არ არიან მიჩვეულნი დამოუკიდებლად დაძინებას ან ძინავთ მშობლის საწოლში, როგორც წესი, მოითხოვენ მშობლის დახმარებას ძილის “შესაბრუნებლად”. აუცილებელია ბავშვმა დაიძინოს თავის საწოლში და შეეცადეთ, ძილის არააქტიური რუტინული აქტივობებით დაეხმაროთ ძილის “შებრუნებაში”.
      თათია აფრასიძე
      ბავშვთა ნევროლოგი

  28. თამუნ says:

    გამარჯობათ.ჩემი ბიჭი მეხუთე თვეშია..დღისით არ ძინავს საერთოდ…ძუძუთი კვებაზე მყავს და როცა ვაჭმევ მაშინ იძინებს მაქსიმუმ 15 წუთი…საღამოს ცხრაზე ჭამს და იძინებს ღამის ძილით,მაგრამ ყველა სამ საათში მაინც იღვიძებს ჭამისთვის…როგორ შეიძლება დღის ძილი მოვუწესრიგო?ხელში როცა ვაძინებ დავაწვენ თუ არა 10 წუთში იღვიძებს.

  29. მარიამი says:

    გამარჯობა.. ჩემი გოგონა არის 2 წლის და ღამე იძინებს 10 საათზე და ძინავს 9 საათამდე.. შუადღეზე 3 4 საათი ძინავს .. და კიდე არ ყოფნის სულ უნდა რო ეძინოს თვალებიც უშტერდება ხოლმე მითხრეს აუცულებლად აჩვენე პედიატრსო არ შეიძლება დიდი ხანი ძილიცო და მართლა საშიშია??

    • თათია აფრასიძე says:

      მოგესალმებით, მარიამ,
      გირჩევთ, ობიექტური შეფასების მიზნით მიმართოთ ბავშვთა ნევროლოგს.
      თათია აფრასიძე,
      ბავშვთა ნევროლოგი

  30. ნინა says:

    გამარჯობათ….ჩემი ნიკოლოზი 6 თვის ხება 3 დგეში ……ოტხი თვეა ნოოფენზე მყავს…..შიდა ქალის ცნევა აქვს……მარცხენა თვალი შეაქ შიგნით ხან ფოკუზს ვერ ასცორებს… ნერვოპატოლოგმა აგვისტოს ბოლომდე გააგრზელე ნოოფენი და მერე სიცხე რომ აგარ იქნება შენით მოუხსენიო….დზილის ცინ ვაზლევ ნახევარ აბს… მადლობა ცინასცარ

    • თათია აფრასიძე says:

      მოგესალმებით, ნინა,
      „შიდა ქალის“ წნევის მომატება, როგორც წესი ასოცირებულია თავის ტვინის მთელ რიგ პათოლოგიურ მდგომარეობებთან, ძირითადად ადგილი აქვს ნეირომოტორული განვითარების შეფერხების მქონე ბავშვებში და კლინიკურად გამოვლინდება ღებინებით, ძლიერი თავის ტკივილით, ჭირვეულობით, თავის გარშემოწერილობის სწრაფი ზრდით; პროგრესირებადია და მდგომარეობის სიმძიმიდან გამომდინარე, უმეტეს შემთხვევაში, საჭიროებს ქირურგიულ ჩარევას.
      თქვენს შემთხვევაში, ვფიქრობ, მდგომარეობა განსხვავებულია, – არ მიუთითებთ იმ კლინიკურ ნიშნებს, რომელიც შეესაბამება ინტრაკრანიული წნევის (ქალასშიდა წნევა) მატებისათვის დამახასიათებელ კლინიკურ სურათს. მითუფრო, არ იკვეთება აგრეთვე ნოოფენის მიღების აუცილებლობა. თუ ბავშვის ნეირომოტორული განვითარება ასაკის შესაბამისია, თუ სიელმე გარდამავალია, ანუ საგანზე თვალის გაყოლებისას თვალის კაკლები შეუღლებულად მოძრაობს ყველა მიმართულებით, დამატებითი კვლევები და მკურნალობა არ ესაჭიროება.
      თათია აფრასიძე,
      ბავშვთა ნევროლოგი

  31. თამუნა says:

    ცჰემი პატარა 40 დგისა და ღამე არ იძინებს საერთოდ სანამდე არ იტირებს რისი ბრალია ექიმმა მითხრა გაზების ბრალიაო მაგრამ წამალმა არ უშველა და თუ შეიძლება დაამეხმარეთ

    • თათია აფრასიძე says:

      მოგესალმებით, თამუნა,
      თუ ბავშვის ნეირომოტორული განვითარება ასაკის შესაბამისია, პედიატრიული პროფილის პათოლოგია გამორიცხულია და სხვა ჩივილები არ გაქვთ, დამატებით მედიკამენტური ჩარევა არ ესაჭიროება.ასევე გაითვალისწინეთ, რომ პირველი 2 თვის განმავლობაში დღე-ღამის ძილის რითმი ჯერკიდევ ჩამოყალიბების პროცესშია, რომელიც თავისთავად მოწესრიგდება.
      თათია აფრასიძე,
      ბავშვთა ნევროლოგი

  32. მეგი says:

    გამარჯობა, ჩემი პატარა 3 თვისაა, ერთ თვემდე მშვიდი იყო ჭამდა და ეძინა. ერთი თვის შემდეგ საღამოს ტირის არც ჭამს, რომ დაიღლება იძინებს.დაეწყო კუჭის მოქმედების პრობლემები, ლივიფლორი დაუნიშნა ექიმმა და შედეგი არ აქვს… მუცლის გამო ტირისო სხვა პრობლემა არ აქვს… გუშინ დაუნიშნა დასამშვიდებლად ნოოფენი 1/4 და მეშინია დავალევინო თუ არა? მირჩიეთ გთხოვთ

    • თათია აფრასიძე says:

      მოგესალმებით, მეგი,
      გაითვალისწინეთ პედიატრის რჩევები კუჭ-ნაწლავის პრობლემის მოსაწესრიგებლად, თუ სხვა პრობლემა არ აქვს, როგორც თქვენ აღნიშნავთ.
      თუ ნეირომოტორული განვითარება ასაკის შესაბამისია, დამატებით მედიკამენტის მიღებას არ გირჩევთ.
      თათია აფრასიძე,
      ბავშვთა ნევროლოგი

  33. ნუცა says:

    გამარჯობა,
    ჩემი შვილი არის მეათე თვეში. ბოლო პერიოდში ეძინა ძალიან ცუდად,რასაც მე კბილების ამოსვლის პროცესს ვაბრალებდი,2 კბილი ჭრიდა ერთდროულად. პოლიკლინიკაში,გეგმიურ ვიზიტზე,ნევროლოგმა დაუნიშნა დამამშვიდებელი “რიპომილი”,რომელიც მე ძალიან არ მომწონს,ისევე როგორც არცერთი “დამამშვიდებელი” ამ ასაკის ბავშვებში. თუ შეგიძლიათ,მიპასუხეთ,საჭიროა,თუ არა 10 თვის ბავშვისთვის რამენაირი დამამშვიდებლის დანიშვნა,თუნდაც იყოს ეს მცენარეული.

    • თათია აფრასიძე says:

      მოგესალმებით, ნუცა,
      უმჯობესია, მედიკამენტის მიღების გარეშე სცადოთ ძილის რეჟიმის მოწესრიგება თითოეული ასაკობრივი ჯგუფისათვის მოწოდებული რეკომენდაციების დაცვით, რაც გაცილებით ეფექტურია სასურველი შედეგის მისაღებად.
      თათია აფრასიძე,
      ბავშვთა ნევროლოგი

  34. ნუცა says:

    გამარჯობა,
    ჩემი შვილი არის მეათე თვეში. ბოლო პერიოდში ეძინა ძალიან ცუდად,რასაც მე კბილების ამოსვლის პროცესს ვაბრალებდი,2 კბილი ჭრიდა ერთდროულად. პოლიკლინიკაში,გეგმიურ ვიზიტზე,ნევროლოგმა დაუნიშნა დამამშვიდებელი “რიპომილი”,რომელიც მე ძალიან არ მომწონს,ისევე როგორც არცერთი “დამამშვიდებელი” ამ ასაკის ბავშვებში. თუ შეგიძლიათ,მიპასუხეთ,საჭიროა,თუ არა 10 თვის ბავშვისთვის რამენაირი დამამშვიდებლის დანიშვნა,თუნდაც იყოს ეს მცენარეული.
    მადლობა

  35. მაკო says:

    გამარჯობა, ჩემი ბაია თვენახევრისაა, ძალიან უჭირს დაძინება დღის განმავლობაში, ძილის დრო რომ მოდის ჭირვეულობს, ტირის და ასე გამოხატავს პროცესს, მაგრამ დაძინებას ვერ ახერხებს. როგორ შეიძლება მოვიქცე? როგორ დავეხმარო? რა დამამშვიდებელი არის რეკომენდირებული რომ დამშვიდდეს და შეძლოს მშვიდი დაძინება?
    გთხოვთ დამეხმაროთ.
    უღრმესი მადლობა წინასწარ.

    • თათია აფრასიძე says:

      მოგესალმებით, მაკო,
      ძილის ცირკადული რითმი პირველი 2 თვის განმავლობაში ჯერკიდევ ჩამოყალიბების პროცესშია. ასე რომ, გირჩევთ, ჯერეჯერობით, მედიკამენტის მიღებისაგან თავი შეიკავოთ. ძილის პრობლემები ამ პერიოდში როგორც წესი, თავისთავად გვარდება ხოლმე.
      თათია აფრასიძე,
      ბავშვთა ნევროლოგი

  36. მაიკო ქოილაშვილი says:

    გამქარჯობა მყავს 3 თვის პათარა შევამჩნიე რომ თავი უკა გადააქვს უჩირს კარგად თავის დაჩერა,საშიში ხომ არ არის გთხოვთ უპასუხოთ ჩემს კითხვას მადლობა წინასწარ

    • თათია აფრასიძე says:

      მოგესალმებით, მაიკო,

      ყველა ბავშვი აღწევს განვითარების კონკრეტულ ეტაპს განსხვავებულად, ზოგიერთი უფრო სწრაფად, ზოგიერთი (მაგ. დღენაკლულები) შედარებით გვიან და თავის კონტროლი არ არის ამ მხრივ გამონაკლისი.
      კარგად დააკვირდით ბავშვს მუცელზე წოლის დროს, რამდენად შეუძლია მას თავის დაჭერა, თავის გვერდზე შებრუნება. თუ აღნიშნულს ახერხებს, გაახანგრძლივეთ მუცელზე წოლის ხანგრძლივობა და გაიმეორეთ რამდენჯერმე დღის განმავლობაში. ხოლო თუ არის თავის კონტროლის აბსოლუტური შეუძლებლობა, მიმართეთ ბავშვთა ნევროლოგს.
      თათია აფრასიძე,
      ბავშვთა ნევროლოგი

  37. ია says:

    გამარჯობათ,
    ჩემი ბიჭი 3 თვისაა და დღის განმავლობაში7-8 საათი ძინავს,ჭამის შემდგომ.
    ღამით 2-3-4 საათამდე არ იძინებს და ძალიან ჭირვეულობს,სულ ხელში უნდა.
    ნევროლოგმა ატარაქსი დაუნიშნაა და საღამოს 8 საათის შემდეგ 12- მდე ნუ დააძინებთო,ძალიან უჭირს გაძლოს 12- მდე,სულ წუწუნებს და ტირის.
    თქვენ რას მირჩევდით?
    გმადლობთ წინასწარ

    • თათია აფრასიძე says:

      მოგესალმებით, ია,
      პირველი 2 თვის განმავლობაში ბავშვებს ძირითადად სძინავთ დღე, – მათი ბიოლოგიური საათი (ძილ-ღვიძილზე მოთხოვნილება) ჯერკიდევ ჩამოყალიბების პროცესშია. როგორც წესი, დროთა განმავლობაში, თავისითავად უნდა მოგვარდეს. თუ აღნიშნული გრძელდება, გირჩევთ მედიკამენტის მიღების გარეშე სცადოთ ძილის რეჟიმის მოწესრიგება. მაქსიმალურად შეზღუდეთ ბავშვის აქტივობა ღამით გამოღვიძებისას, დღის განმავლობაში ეცადეთ გააღვიძოთ ჭამისათვის. თანდათანობით გაზარდეთ დროის ინტერვალი დღის ძილსა და ღამით დაძინებას შორის. ღამით შეეცადეთ, დაიძინოს ერთიდაიგივე დროს (როდესაც მას ეძინება). მას შემდეგ, რაც ძილის გარკვეული რუტინა ჩამოუყალიბდება, 15-15 წთ.-ით გადმოწიეთ დაძინების დრო, მაგ. 3-4 დღიანი ინტერვალით. საბოლოოდ ეცადეთ, რომ 21 სთ.-ზე გვიან არ დაიძინოს.
      თათია აფრასიძე,
      ბავშვთა ნევროლოგი

  38. ია says:

    გამარჯობა

  39. teona berozashvili says:

    გამარჯობა? ჩემი ბიჭი 8თვისაა, რაც დაიბადა ღამით ხშირად იღვიძებს, ტირის თითქმის მთელი ღამე ხელში მიჭირავს და ვაძინებ. ფეხებს ჭიმავს არადა კიჭის მოქმედება კარგიაქვს ორჯერ გადის დილით და ძილისწინ. ბუნებრივზე გავზარდე ეხლა მხოლოდ ძილისწინ ჭამს ძუძუს. როგორ მოვიქცე იქნებ მირჩიოთ ან რისი ბრალია დამამშვიდებელი ხომარაა საჭირო. დღისით კარჰი ხასიათის ბავშვია მადლობთ წინასწარ ❤

    • თათია აფრასიძე says:

      მოგესალმებით, თეონა,
      ბავშვებს გააჩნიათ შედარებით ხანმოკლე ძილის ფაზები, მოზრდილებთან შედარებით, შესაბამისად ღამით გამოღვიძება უფრო ხშირია, რაც ნორმალურია. თუმცა, ღამით გამოღვიძებები შესაძლოა განპორობებული იყოს გარკვეული სამედიცინო მდგომარეობებით (მაგ: გასტრო-ეზოფაგური რეფლუქსი, ტკივილი, ძილის აპნოე და სხვ.) ან გარემო ფაქტორებით. მასზე გავლენას ახდენს არარეგულარული რეჟიმი, ძილის ფიზიოლოგიური რეგრესი, არასწორად შერჩეული დრო დაძინებისთვის, შუადღის ძილის რეჟიმის დარღვევა (არასაკმარისი ან ხანგრძლივი დღის ძილი, გვიანი დღის ძილი), არაადექვატური ძილის ასოციაციები, რის გამოც არ შეუძლია „თვითდამშვიდება“ გამოღვიძების შემდეგ.
      შეეცადეთ გაითვალისწინოთ შემდეგი რჩევები:
      ჩამოაყალიბეთ ძილის თანმიმდევრული რუტინა, მოერიდეთ მასტმულირებელ აქტივობებს 2-3 საათით ადრე დაძინებამდე, შეურჩიეთ სწორი დრო – დასაძინებლად დააწვინეთ მაშინ, როდესაც ეძინება, მაგრამ ფხიზელ მდგომარეობაში. გააღვიძეთ დილით ერთიდაიგივე დროს, აუცილებელია შუადღის ძილი, თუ გვიან იღვიძებს შუადღის ძილის დროს, გაზარდეთ ინტერვალი ღამით დაძინებამდე;
      როდესაც ბავშვი დამოკიდებული ხდება ჩაძინების ისეთ ასოციაციებზე, როგორიც არის ხელში აყვანა, რწევა, საკვების მიღება, ხშირად იქმნება პრობლემა, როდესაც ეს მეთოდებიც აღარ მოქმედებს. აუცილებელია, რომ ბავშვმა ისწავლოს დამოუკიდებლად დაძინება. გამოიყენეთ ძილის ტრეინინგის რომელიმე მეთოდი, რათა ჩაძინების პროცესში თქვენი მონაწილეობა თანდათანობით შეამციროთ.
      • მაგალითად, 3 დღის განმავლობაში იყავით საწოლთან, მაგრამ არ ამოიყვანოთ საწოლიდან, შემდეგი 3 დღე რამოდენიმე ნაბიჯით მოშორდით საწოლს, შემდეგი 3 დღე დადექით კართან და ა.შ.
      • ეცადეთ უგულებელყოთ ბავშვის პროტესტი დაძინებაზე: დატოვეთ ლოგინში და შეაკითხეთ 5 წთ.-ის შემდეგ, თანდათანობით გაზარდეთ ინტერვალი შეკითხებებს შორის. თუ ბავშვი ტირის დაელაპარკეთ მაგრამ არ აიყვანოთ ხელში.
      მედიკამენტური ჩარევა არ არის რეკომენდებული.
      თათია აფრასიძე
      ბავშვთა ნევროლოგი

      • სალომე says:

        როდესაც საწოლში ვაწვენ, ფეხზე დგება და სახელურს ეჭიდება. ეძინება ამ დროს, მაგრამ არ ჩერდება დაწოლილ მდგომარეობაში. დავაწვენ, ადგება, და სანამ ხელში არ დავარწევ ან არ ვივლით, არ იძინებს.
        რას მირჩევთ?

  40. ქეფი says:

    გამარჯობა, მყავს 8 თვის გოგო, წინა თვეებშიც გვქონდა ეს პრობლემა, ღამე სძინავს იდეალურად, არ იღვიძებს, მაგ: საღამოს 10 ზე რო დაიძინებს დილის 8 მდე არ იღვიძებს, მაგრამ პრობლემა რაშია: სანამ დაიძინებს მანამდე გვაქვს დაძინების პრობლემა, თან დიდი…..

    კატასტროპულად უჭირს დაძინება, საოცრად ენერგიულია, უამრავ ენერგიას ხარჯავს მაგრამ მაინც არ იღლება , როცა ვაძინებ და მგონია დაიძინე, უცებ აწევს თავს და მერე კვლავ ძლივს ვაძინებ. ეს ღამით..

    რაც შეეხება დღის პერიოდში ძილს : ძალიამ იშვიათად რომ შუადღეს დაიძინოს 2 საათი ან მეტი, დაიძინებს და 15 წუთში იღვიძებს, მერე ისევ იჩიჩქნის თვალებს რო ეძინება,და აღარ იძინებს…

    1-2 საათში რომ ვცდილობ ისევ დავაძინო და დაეძინება მერე 30-40 წუთი თუ ძინავს კარგია, ან მაქსიმუმ 1 საათი და ძალიან იშვიათად თუ 2-3 საათი დაეძინება….

    არც ჭამაზეა პრობლემა არაფერი სხვა სახის პრობლემა არ მაქვს. დაძინების წინ ძალიან რთულად იძინებს, შეიძლება ეს პროცესი 2 საათიც გაგრძელდეს. და ამ 2 საათის განმავლობაში რამდენჯერმე ფხიზლდება… აღარ ვიცი რა ვქნა, მირჩიეთ რა როგორ მოვიქცე, ან რაიმე წამალი არსებობს?

    • თათია აფრასიძე says:

      მოგესალმებით, ქეთი,

      დღე-ღამის განმავლობაში 13-14 საათი ძილი სრულიად საკმარისია ამ ასაკის ბავშვისათვის.
      ჩაძინების გაძნელებას შეიძლება განაპირობებდეს არასწორად შერჩეული დრო ბავშვის დასაძინებლად.
      შეიძლება ვივარაუდოთ, რომ თქვენს მიერ შერჩეული დრო არ არის ხელსაყრელი ჩაძინებისთვის, – არ ემთხვევა ბავშვის ბუნებრივი ჩაძინების დროს.
      თუ დღის განმავლობაში, ბავშვი საოცრად აქტიურია და უამრავ ენერგიას ხარჯავს, შესაძლოა, ის არის ძალიან გადაღლილი, ასეთ შემთხვევებში, ბავშვი უფრო აქტიური ხდება და რელაქსაცია ძნელდება; ან ის მომენტი გამორჩენილია, როდესაც მას რეალურად ეძინება, ან პირიქით, ადრე აძინებთ და შეეცადეთ გადაწიოთ დრო.
      ეცადეთ, ბავშვი ძალიან დაღლილი არ დააწვინოთ დასაძინებლად. იმ დროს დააწვინეთ, როდესაც მას ბუნებრივად ეძინება (ასეთი დრო ყველა ბავშვს აქვს, მთავარია კარგად დააკვირდეთ). ზოგიერთი პატარა დაღლილობას ჭირვეულობით, ტირილით, თვალების სრესით ან ყურების წვალებით გამოხატავს; თუ კარგად გეცოდინებათ ის ნიშანი, თუ როგორ გამოხატავს თქვენი პატარა დაღლილობას და მაშინვე დააწვენთ დასაძინებლად, ის უფრო სწრაფად და ადვილად დაიძინებს.

      თათია აფრასიძე
      ბავშვთა ნევროლოგი

  41. თეკლა says:

    ???

  42. ვერა says:

    გამარჯობა,ჩემი გოგონა წლის და ორი თვისაა,დღის განმავლობაში რამოდენიმეჯერ იძინებს,თუ არ დააძინებ ჭირვეულობს და ტირის,დილი იღვიძებს 10ზე,შემდეგ ი ძინებს 12,შემდეგ 4_5 საათისთვის,8_9 საათისთვის იწყებს ისე ჭირვეულობას….რმდენად ნორმალურია ეს.

    • თათია აფრასიძე says:

      მოგესალმებით ვერა,
      12 თვის ასაკიდან ძილზე მოთხოვნილება მცირდება, 1-3 წლის ასაკში, ბავშვებს დღე-ღამის განმავლობაში 11-13 საათი სძინავთ. შუადღის ძილიც დასაშვებია, რა თქმა უნდა, თუმცა უმეტესი დრო ძილს ეთმობა ღამით. შესაძლებელია შუადღის ძილი იყოს 1-3 საათი, მაგრამ როდესაც ის დღის უმეტეს ნაწილს იკავებს, ხელს უშლის ბავშვის ნორმალური განვითარების პროცესს, – მას „აკლდება“ დრო ნეირომოტორული და კომუნიკაციის უნარების განვითარების ნორმალური პროცესის უზრუნველსაყოფად.
      გააღვიძეთ დილით ერთიდაიგივე დროს.
      თუ შუადღის ძილი იკავებს თქვენი პატარას დღის უმეტეს ნაწილს, და, შესაბამისად თუ ღამის ძილის რეჟიმი დარღვეულია, შეამცირეთ დღის ძილის ხანგრძლივობა თანდათანობით. სრული ამოვარდნა გამოიწვევს პატარას ზედმეტად გადაღლას და ჩაძინების გაძნელებას. 3-4 საათიანი ინტერვალი საკმარისია ამ ასაკის ბავშვისათვის, თუმცა ინდივიდუალურია.

      თათია აფრასიძე
      ბავშვთა ნევროლოგი

  43. თამთა says:

    გამარჯობა,7თვის დანიელს დღისით მარტო თუ სძინავს 40წუთია მაქსიმუმი ძილის ხანგრძლივობა,თუ მიუწექი ან ხელში გყავს კარგად დზინავს და იბრუნებს ძილს,ღამეში 3-4ჯერ იღვიძებს და ჭამს,ჩემთან ეძინა მაგრამ ნელნელა თავის საწოლს ვაჩვევ, გამთენიისას მოუსვენრად არის ხოლმე და გადმომყავს მარტო მაშინ.120 გრამს ან ჭამს ან არა,მეტი თუ ჭამა აგებინებს.. 120მგ ძალიან ცოტაა მისი ასაკისთვის.. ფაფის დოზა გავუზარდე ისიც ცოტათი 140-150მგ (სხვადასხვა ფაფებს და ხილფაფებს ჭამს)..წონა მაინცდამაინც დიდი არ აქვს და თუ შეგიძლიათ მითხრათ ეს მახასიათებლები ჯდება ნორმებში თუ ვინერვიულო?

    • თათია აფრასიძე says:

      მოგესალმებით, თამთა,

      იმისათვის, რომ გაახანგრძლივოთ შუადღის ძილის ხანგრძლივობა, სასურველია მიაჩვიოთ ბავშვი დამოუკიდებლად დაძინებას.
      რუტინული აქტივობების დასრულების შემდეგ, დააწვინეთ საწოლში როდესაც ის მოდუნებულია, მაგრამ ჯერკიდევ ღვიძავს. ეს ხელს შეუწყობს მას ისწავლოს დამოუკიდებლად დაძინება.
      შეუქმენით ჩაძინების სასიამოვნო ასოციაციები მის საწოლთან – თამაშის, ახალი სათამაშოების გაცნობის სახით, – რათა ძილის ციკლებს შორის გაღვიძებისას (რაც ნორმალური მოვლენაა), ბავშვმა თავი იგრძნოს მისთვის სასურველ და მშვიდ გარემოში, რაც ხელს შეუწყობს მის „თვითდამშვიდებას“.
      თუ მიჩვეულია რწევას, ხელში აყვანას, კვებას; მას გაუჭირდება „ძილის შებრუნება“ თქვენი ჩარევის გარეშე. შეეცადეთ, ეტაპობრივად შეამციროთ თქვენი მონაწილეობა ბავშვის ჩაძინების პროცესში.
      რაც შეეხება, საკვების რაოდენობას, თუ ბავშვის წონა შეესაბამება მის ასაკობრივ ნორმას, არ იღელვოთ; წონის დეფიციტის შემთხვევაში, სასურველია, პირველ რიგში, მიმართოთ პედიატრს და მიჰყვეთ მის რეკომენდაციებს.
      წარმატებებს გისურვებთ!
      თათია აფრასიძე
      ბავშვთა ნევროლოგი

  44. ხათუნა says:

    გამარჯობათ!ჩემი შვილი 3 თვისაა,12 საათზე რომ გაიღვიძებს გამის 2ი_ის ნახევრამდე ხან 3 საათმდე არ იძინებს და ასე გვიან რომ იძნებს დილით 11 ის ნახევრამდე ძინავს.რას მირჩევთ როგორ გადავაჩვიო ასეთ რეჟიმს ?წინასწარ მადლობას გიხდით

    • მარი აბულაძე says:

      მოგესალმებით ხათუნა,
      თუ თქვენი ბავშვი იღვიძებს იმ პერიოდში როდესაც გსურთ რომ მას ეძინოს, ამ დროს ეცადეთ ნაკლებად აქტიური იყოს ბავშვი. ბავშვის კვება ან გამოცვლა განახორციელეთ სიბნელეში, და არ ეთამაშოთ ბავშვს. ამით ის თანდათან მიხვდება რომ ღამით თქვენ უფრო დაღლილი ხართ, და რომ მანაც უმჯობესია ძილი გააგრძელოს. ასევე ზოგჯერ ელექტრონული მოწყობილობების და ტელეფონის გამორთვაც დაგეხმარებათ ამ მონაკვეტში.
      მარიამ აბულაძე
      ბავშვთა ნევროლოგი

  45. ნუცა says:

    გამარჯობა
    ჩემი შვილი არის 2 თვის. ნევროლოგმა კონსულტაციისას აგვიხსნა,რომ ბავშვის ჭირვეულობა და არეული ძილის რეჟიმი ამ ასაკში ჩვეულებრივი მოვლენაა და არანაირი მედიკამენტი არ დაუნიშნია.ოჯახის წევრმა პედიატრმა კი გვირჩია ბავშვს მივცე ნოოფენი 1/4 აბი. ამბობს,რომ ნოოტროპილი ტვინის მკვებავია და ბავშვს ძალიან წაადგება. ძალიან გთხოვთ,თუ შეიძლება,ამიხსენით,რა არის ნოოფენი და რა გვერდითი მოვლენები შეიძლება განვითარდეს.

    • Maia says:

      ნუცა,
      არ გირჩევთ რაიმე მედიკამენტის მიცემას, მათ შორის ნოოფენის. არ არსებობს სარწმუნო ინფორმაცია, რომ მსგავსი პრეპარატები აუმჯობესებს თავის ტვინის მეტაბოლიზმსა და უსაფრთხოა ბავშვისვის.

  46. დარინა says:

    მყავს 7 თვის ბავშვი ღამე იღვიძებს ხშირად, 3 საათის მერე უფრო, წყალს რომ დალევს ერთი ორი გაქანება და იძინებს ისევ, სადღაც ყოველ 10-15 წუთის ინტერვალით. რისი ბრალი შეიძლება იყოს ქალბაონო მაია

    • Maia says:

      დარინა,
      მნიშვნელოვანია გარემო პირობები, სადაც ძინავს ბავშვს. შეეცადეთ დაიცვათ ტემპერატურული რეჟიმი. ფანჯარაც ოდნავ შეღებული დატოვეთ, რომ სუფთა ჰაერი შემოვიდეს. ის, რომ თქვენი ბავშვი 3 საათის შემდეგ ხშირად იღვიძებს არ არის საგანგაშო. თუ ეს დიდი ხანი არ არის, რაც დაიწყო, იქნებ იპოვოთ ცვლილება, რაც მოხდა და რასაც შეიძლება ძილის რეჟიმის ცვლილება გამოეწვია. თუ ასეთი ცვლილება არ მომხდარა და საძინებელი ოთახის პირობებიც ადეკვატურია, დაელოდეთ, თანდათან აუცილებლად მოუწესრიგდება ძილი.

  47. ანა says:

    ჩემი პატარა ერთი თვის და 24 დღის არის მთელი დღის განვალობაში ნახევარ ნახევარი საათით იძინებს დიდი ხნით არც ერთხელ უფრო დიდი ხანი ღვიზილსჰი არის ხოლმე ღამეც 10 ზე რომ Dაიზინებს საათში ერთხელ იღვიზებს ჭამს და იძინებს 3მდე კარგად ძინავს მერე 5-მდე სულ ძუძუზეა მოჯაჭვული და 7 დან უკვე გარეთ გამყავს ვერ ჩერდება სახლში დამაწყნარებელიც დაგვინიშნეს მაგრამ არაფერი უკვე აგარ ვიცი რა ვქნა გთხოვთ მიპასუხოთ

    • Maia says:

      ანა,
      ჩვილ ბავშვს საშუალოდ ძინავს 9-10 სთ ღამის განმავლობაში და 3-4 საათი – დღისით. ძილის ხანგრძლივობა ინდივიდუალურია და მრავალი ფაქტორი განაპირობებს, მათ შორის გენეტიკურიც. 2 თვის ჩვილი დღის განმავლობაში იძინებს 2-4-ჯერ. ღამით ხანმოკლე გამოღვიძება ნორმის ვარიანტად ითვლება.
      შეეცადეთ შეუქმნათ მშვიდი გარემო. ხშირად გყავდეთ სუფთა ჰაერზე.
      ეს სწორედ ის ასაკია, როცა უნდა გამოიმუშავოს ძილ-ღვიძილის რეჟიმი. ხელი შეუწყვეთ მას ამაში. არ უნდა იყოს ბავშვის საძინებელში: კომპიუტერი და ტელევიზორი.
      შეეცადეთ “დამაწყნარებლის” გარეშე მოახერხოთ მისი ძილის რეჟიმის მოწესრიგება.

  48. მარიამი says:

    გამარჯობა, ჩემი პატარა წლის და 2 თვისა ბოლო რამოდენიმე დღეა ყოველ შუა ღამისას ტირილით იღვიძებს, რა შეიძლება იყოს ამის მიზეზი და როგორ შეიძლება გამოსწორება?

    • Maia says:

      მარიამ,
      აუცილებლად გადაამოწმეთ, როგორ ტემპერატურაა და მშვიდი გარემოა თუ არა ბავშვის საძინებელ ოთახში. ამ ასაკისთვის ბავშვებისთვის ეს ძალიან მნიშვნელოვანია.

  49. ანი says:

    გამარჯობა. ჩემი ბიჭი 3თვის და 1კვირისაა.არის დღენაკლული 35კვირაზე დაიბადა, საკეისრო კვეთით. ბუნებრივ კებაზეა.ღამე 12 საათზე დაძინებული დილით 10 საათისთვის იღიძებს,12-ზე იძინებს და მთელი დღე სძინავს.საღამოს 8-მდე. ჭამისთვის იღვიძებს შუალედებში და ისევ აგრძელებს ძილს. ცოტა ვნერვიულობ სისუსტის ნიშანი ხომარაა ასე ხანგრძლივად ძილი?

    • Maia says:

      ანი
      მთავარია როგორ ვითარდება თქვენი ბავშვი. 3 თვის ასაკის ბავშვი უკვე უნდა ახერხებდეს მუცელზე წოლისას თავის მყარად ჭერას და ბრუნდებოდეს ზურგზე. ინტერესდებოდეს გარემოთი და რეაგირებდეს ადეკვატურად.
      თუ ბავშვის განვითარება ასაკის შესაბამისია, შეგიძლიათ მშვიდად იყოთ.

  50. ნათია says:

    გამარჯობათ, ბავშვი 6 თვისაა, რამდენჯერ უნდა დაიძინოს დღის განმავლობაში და რა ხანგრძლივობით? საღამოს 10 სთ–დან დილის 7 სთ ძინავს კარგად.

    • Maia says:

      ნათია,
      მოგესალმებით, მთავარი არის არა რამდენჯერ, არამედ ძილის ხანგრძლივობა. როგორც ჩვენ გვიწერია 6 თვის ბავშვს უნდა ეძინოს დაახლოებით 10 საათი.

  51. მარიამ says:

    გამარჯობათ, ჩემი გოგო 2 წლის და 1 თვისაა. დგისით არ იძინებს უკვე 2-3 თვეა, ბოლოს ძალიან ვწვალობდი მის შუადღით დაძინებაზე და ეხლა საერთოდ აღარ იძინებს. ღამის ძილი კი ასეთი აქვს, 9 საათზე თუ დაიძინა იღვიძებს დილის 8-ზე. შეიძლება უფრო ადრეც ან 9საათზე. რამდენად ნორმალურია ეს ამ ასაკისთვის. საკმაოდ ენერგიული და მოუსვენარი ბავშვია, დღის განმავლობაშიც მშვენივრადაა და არ აწუხებს არაფერი. + ამას მთელი ღამე ჭამს 500გრამამდე მაწონს, ვერაფრით გადავაჩვიე, პედიატრმა მითხრა ნერვებს ნუ გავუფუჭებთო და ჭამოსო. ანუ მთელი ღამე ცოტ-ცოტას ჭამს.

    • Maia says:

      მარიამ,
      2 წლის ბავშვის ძილის ხანგრძლივობა 24 საათის განმავლობაში უნდა იყოს 11-13 საათი. თქვენს ბავშვს ძინავს 11-12 საათი, რაც ნორმალურია. ასე, რომ თუ სხვა პრობლემა არ გაწუხებთ, ამ საკითხზე არ იდარდოთ.

  52. ლიკა says:

    ქ/ნ მაია მოგესალმებით,
    რადგანაც ძირითადად ძილზეა საუბარი, იქნებ მითხრათ რამე პრეპარატ sweetson-ზე, ვერსად მოვიძიე 🙁 მადლობა წინასწარ.

    • Maia says:

      ლიკა,
      სამწუხაროდ ასეთი პრეპარატის (sweetson) შესახებ ინფორმაცია არ გვაქვს. სჯობს ის ბავშვს არც მისცეთ.

  53. ლიკა ბუწაშვილი says:

    იაკო, მოგესალმებით.
    დასაკიდი სათამაშოების ჩამოხსნის რეკომენდაცია უკავშირდება 2 ფაქტორს: ბავშვის მიერ დაჯდომის უნარის განვითარებას და ამასთან გარემოს კვლევის გაზრდილ ინტერესს მოტორული აქტივობების შესრულებით. შესაბამისად, მას მერე,რაც თქვენი ბავშვი შეძლებს დაჯდომას, მას უკვე შეეძლება არამარტო ვიზუალური სტიმულირების მიღება დაკიდებული სათამაშოს ყურების სახით, არამედ საგნების შეცნობა ხელში აღების, შეხების და სხვა სახით.

  54. იაკო says:

    გამარჯობა საწოლზე დასაკიდებ სათამაშოების 5 თვიდან მოხსნას
    რა დატვირთვა აქვს?

  55. სვეტა says:

    ე.ი დაგვიანებულია დ ვიტამინის მიცემა? ჩვენ ახლა გამოგვიწერეს.4 თვე რომ დავამთავრეთ 🙁

  56. სვეტა says:

    მოგესალმებით,
    მჭირდება თქვენი დახმარება შემდეგ საკითხში: რა ასაკიდან უნდა დავიწყოთ კალცის მიღება? პატარა მე5 თვეშია და ახლა დაუნიშნეს უნიკალ დ3. მანამდე მითხრეს არ სჭირდებაო. ოფლიანობს მხოლოდ ჭამის დროს, ისიც ყოველთვის არა. ბუნებრივ კვებაზეა.წონაში კარგად იმატებს.დაიბადა საკეისრო კვეთით. მადლობა

    • Maia says:

      სვეტა,
      რაქიტის პროფილაქტიკისთვის ინიშნება D ვიტამინი 200-400 ერთეული. დროულ ჩვილებში საპროფილაქტიკო დოზა ინიშნება მეორე თვიდან, დღენაკლულებში – 2 კვირის ასაკიდან. D ვიტამინით რაქიტის პროფილაქტიკის ჩატარება რეკომენდებულია 2 წლის ასაკამდე შემოდგომა-ზამთრის თვეებში. შეიძლება გამოყენებული იყოს 200 000 ერთეული დასალევად 6 თვეში ერთხელ 5 წლის განმავლობაში. შესაბამისად, დანიშვნის დრო და სიხშირე დამოკიდებულია საჭიროებაზე (კვება, ცხოვრების წესი, პირობები).

  57. ლიკა says:

    ძალიან დიდი მადლობა.

  58. ლიკა says:

    გამარჯობა,
    მადლობა, რომ ასე გვეხმარებით დედებს 🙂 ჩემი პრობლემა ძილს უკავშირდება. ჩემმა ბიჭმა 4 თვე დაამთავრა. დაახლოებით 1 თვეა ძილის დროს ( ძირითადად ღამე) იქნევს ხელებს და ფეხებს, ამოძრავებს თავს, ამ დროს თვალები დახუჭული აქვს. შეიძლება ამ მოძრაობებს წამოტირებაც მიაყოლოს ხოლმე. ბავშვი ბუნებრივ კვებაზეა, ღამე 2-3ჯერ ჭამს.სძინავს ჩემთან, იმატებს ნორმალურად, უკვე 8 კილომდეა. არის ნევროპათოლოგის და პედიატრის კონტროლის ქვეშ.მეუბნებიან, რომ კარგი ბიჭია თავისი ასაკისთვის.
    თავიდან მითხრეს ეს ქცევა კოლიკამაც იცისო, ვხმარობდით წამალს, მაგრამ შედეგი ძილის დროს არ შეცვლილა. შემდეგ ნევროპათოლოგმა დაგვინიშნა 2 სახის დამამშვიდებელი მონაცვლეობით,არც მაშინ შეცვლილა რამე. ძალიან ვნერვიულობ. თვითონაც ვერ სძინავს მშვიდად გადაბმულად.დღის ძილი შედარებით მოწსრიგებულია. თვითონ აქტიური და მხიარული ბავშვია.
    გთხოვთ, მირჩიოთ სხვა რა შეიძლება გავაკეთო, რომ ღამე ნორმალურად დაიძინოს.წინასწარ გიხდით მადლობას.

    • Maia says:

      ლიკა,
      თქვენი ბავშვის ღამის ძილის პრობლემები სავარაუდოდ უნდა უკავშირდებოდეს გარემოს, რადგან დღისით კარგად ძინავს და ზოგადად, კარგად ვითარდება. უზრუნველყავით შესაბამისი გარემო: სუფთა ჰაერი, გრილი ტემპერატურა (ზედმეტი სიცხე არ ვარგა) და სიწყნარე (ბავშვის საძინებელ ოთახში არ უნდა იყოს ტელევიზორი და კომპიუტერი). ხშირად ასეირნეთ სუფთა ჰაერზე დღის განმავლობაში (მინიმუმ 2 სთ), უკვე კარგი ამინდები იწყება. თუ რეჟიმს დაიცავთ და შესაბამის გარემოს უზრუნველყოფთ, ბავშვის ძილი გამოსწორდება და აღარც დამამშვიდებლის მიცემა არ დაგჭირდებათ.

  59. თეო says:

    დიდი მადლობა ქალბატონო ლიკა! გავითვალისწინებ შეძლებისდაგვარად

  60. ლიკა ბუწაშვილი says:

    მოგესალმებით, თეო.
    ყველა ბავშვისთვის ძუძუს წოვის პროცესის ხანგრძლივობა, ისევე, როგორც მისგან გადაჩვევის პროცესი განსხვავებული ხანრგრძლივობისაა. იმისათვის, რათა თქვენი გოგონა უმტკივნეულოდ გადაეჩვიოს, გაითვალისწინეთ, რომ ძუძუს წოვას ხშირად დედასთან ურთიერთობის ფორმის დატვირთვაც აქვს. ამიტომ, შეეცადეთ, დღის მანძილზე მეტი დრო დაუთმოთ თქვენს პატარას და იმ დროს, როდესაც ძუძუს წოვს, მასთან ურთიერთობის განსხვავებული რიტუალი შემოიღოთ ნელ-ნელა – მოეფერეთ, ეთამაშეთ და სხვ. ხოლო დღის მანძილზე მისი თვალთახედვის არეში შემოიტანეთ სხვადასხვა საკვები და ნელ-ნელა გაასინჯეთ ბავშვს.
    წარმატებას გისურვებთ.
    ლიკა ბუწაშვილი. ფსიქოლოგი. ნეიროგანვითარების ცენტრი.

  61. თეო says:

    გამარჯობათ, მე მყავს 1 წლის და 9 თვის გოგონა, ჭამს ჯერ კიდევ ძუძუს და მის გარეშე ვერაფრით ვაძინებ, რა უნდა ვქნა რომ ძუძუს ნელ ნელა გადავაჩვიო? წინასწარ მადლობა

  62. თამარი says:

    მოგესალმებით ქ-ნო მაია.
    ჩემი პატარა 8 თვისაა, სეირნობის დროს მანქანის ხმაურზე, ფანჯრიდან მოზრდილი ჩიტის დანახვაზე, ან უნებლიე ხმაურზე სახლში აქვს რეაქცია, ხტება, ცდილობს ჩაგეჭიდოს ანუ გამოხატავს შიშს. რა ვუშველოთ პატარას? ან რა შეიძლება იყოს მიზეზი ასეთი მძაფრი ემოციიოსა.
    წინასწარ გიხდით მადლობას.

    • Maia says:

      თამარ,
      ხმაურზე ან სხვა ნებისმიერ მოულოდნელ გამღიზიანებელზე შეკრთომა ჩვეულებრივი რეაქციაა, რაც ზრდასრულ ადამიანებსაც გვახასიათებს, ზოგს – განსაკუთრებით ძლიერად, ზოგს – ნაკლებად. თქვენს ბავშვს ეს რეაქცია სავარაუდოდ ამ ასაკში არ დაეწყებოდა და ალბათ, მანამდეც ჰქონდა. ყველა შემთხვევაში, რადგან თქვენი ჩივილი მხოლოდ მოულოდნელ გამღიზიანებელზე გადაჭარბებული რეაქციაა და ბავშვის განვითარება ასაკის შესაბამისია, ნუ იდარდებთ, დროთა განმავლობაში რეაქცია შემცირდება. კარგი იქნება თუ თქვენ ამაში დაეხმარებით: ხშირად მოეფერეთ, ჩაიხუტეთ, უმღერეთ, ეთამაშეთ. ჩაისვით კალთაში და ერთად ითამაშთ, სათითაოდ დაყარეთ მისი სათამაშოები იატაკზე, ერთად გაიჯახუნეთ კარები, დაუკარით ტაში ან მოიფიქრეთ სხვა მსგავსი გასართობი. ყურადღება მიაქცევინეთ ამ ხმებზე. ესაუბრეთ მშვიდი, მოსიყვარულე ხმით.

  63. თეა says:

    ჩემი შვილი 10 თვისაა. ღამე იღვიძებს და თვალებ დახუჭული იწყებს ტირილს. ვერ ვაჩერებ და იძულებული ვარ გავაღვიძო. სხვა შემთხვევაში არ წყნარდება და ისევ იძინებს. რის ბრალი შეიძლება იყოს ეს მოვლენა

    • Maia says:

      თეა,
      მიზეზის დასადგენად აუცილებელია გაითვალისწინოთ თუ რამდენი ხანია რაც ასეთი გამოღვიძებები დაიწყო, უკავშირდება თუ არა რაიმეს – ძილის რეჟიმის (ადგილი, დრო, გარემო პირობები) ცვლილებას ან რაიმე სხვა ფაქტორს (თუნდაც ის, რომ ბოლო დროს სუფთა ჰაერზე გაყვანას ისე ხშირად ვეღარ ახერხებთ). კარგად დაფიქრდით, ხომ არ არის ამის მიზეზი რაიმე ცვლილება, რაც თქვენი პატარას ცხოვრებაში მოხდა, რაზეც აქამდე არც დაფიქრებულხართ.

  64. თეკლა says:

    გმადლობთ.

  65. მარი says:

    მოგესალმებით თეკლა, თაკო
    ამ ასაკის ბავშვი ღამით შიმშილის გამო ნაკლებად იღვიძებეს. თუ ის დღის განმავლობაში საკმარისი რაოდენობის საკვებს იღებს, მისი ღამე გამოღვიძების მიზეზი შიმშილი არ არის. თუ თვლით რომ თქვენს ბავშვს საკვები არ ყოფნის, მიეცით უფრო დიდი რაოდენობით მყარი საკვები ძილის წინ.
    თუმცა ბავშვები მაინც იღვიძებენ ღამის განმავლობაში. ეს ძირითადად ძილის ფაზების მონაცვლეობასთან არის დაკავშირებული.
    როდესც ის გაიღვიძებს, არ ჩართოთ შუქი, არ აიყვანოთ ხელში და არ აჭამოთ. ეცადეთ ნაზი ხმითა და ოდნავ ხელის მოთათუნებით დაამშვიდოთ და დაელოდოთ, რომ თვითონ შეიბრუნოს ძილი (მიუხედავად იმისა, რომ ის ტირილს განაგრძობს). ამით ხელს შუწყობთ იმას , რომ მან თვითონ ისწავლოს ძილის შებრუნება.
    მარი

  66. თეკლა says:

    კიდევ ერთი კითხვა მაქვს ქალბატონო MAIA. დღის განმავლობაში რამდენჯერმე იძინებს ჩემი ბიჭი. საშუალოდ 2 საათი სძინავს ყოველ დაძინებაზე. თუმცა ღამის ძილით ძლიან გვიან იძინებს. პირველ ან ორ საათზე იძინებს ძუძუზე. იქამდე არ ტირის და არც წუწუნებს უბრალოდ 1-2 ამდე არ იძინებს ღამის ძილით და შეიძლება ეს ნორმის ვარიანტად იყოს მიჩნეული?

  67. თეკლა says:

    თაკო, მეც თქვენნაირ სიტუაციაში ვარ. 5 თვემდე კარგად ეძინა და ახლა, ხშირად იღვიძებს ღამით, ვაჭმევ და აგრძელებს ძილს. წონაში ნორმალურად იმატებს. ფაფები მივეცი წიწიბურას და ბოსტნეულის, თუმცა არ მიიღო. მხოლოდ რძეზე მყავს და ერთადერთი ვაშლს მიირთმევს, ძალიან მოსწონს 🙂

  68. თაკო says:

    გამარჯობათ,ჩემი შვილი 9 თვის არის,5 თვემდე ძალიან კარგად ეძინა,მას შემდეგ კი შეუფერხდა,ახლა უკვე საშუალოდ ყოველ 2საათში ერთხელ იღვიძებს და ტირის მანამ სანამ ძუძუს არ მივცემ,რა შეიძლება გავაკეთო,რომ დავეხმარო ღამის ძილის უზრუნველსაყოფად?

  69. თეკლა says:

    გამარჯობათ, ჩემი ბიჭი მე-6 თვეშია. მხოლოდ ბუნებრივ კებაზე მყავს. ბოლო 2 კვირაა ღამით იღვიძებს რამდენჯერმე და ჭამას მთხოვს. გვერდით მიწევს და გაღვიძებისთანავე ვაძლევ საკვებს და მალევე იძინებს. პედიატრმა დამატებითი საკვების მიცემა გვირჩია (თუმცა წონის ნამატი კარგი აქვს) მაგრამ არ მიიღო არც წიწიბურას ფაფა მოეწონა და არც ბოსტნეულის პიურე, ერთადერთი ვაშლი გავასინჯე და მოეწონა. როგორ უნდა მოვიქცე იქნებ მირჩიოთ? დიდი მადლობა

  70. ruso says:

    ასეა თითქმის ოთხი თვეა.ძალიან ენერგიული ბავშვია.მშვიდი ბავშვია.

  71. რუსო says:

    გამარჯობათ.ჩემი პატარა არის 10თვის.დღის ძილი შედარებით არ უჩირს,გამით წრიალებს.უფრო ხშირად იღვიძებს ღამის 2საათისთვის და ორი საათი ან მეტი თამაშობს,რა ხერხს მივმართო.გამოასწორებს ღამის ძილს თუ ჭირდება რაიმე დახმარება?

    • Maia says:

      რუსო,
      თუ ბავშვის პრობლემა მხოლოდ ღამით გაღვიძებაა და მისი განვითარება ასაკის შესაბამისია, დამატებითი ჩარევა არ არის საჭირო.
      გაიხსენეთ, რამდენი ხანია რაც ასეა, ხომ არ არის რაიმე ფაქტორთან დაკავშირებული, გადაამოწმეთ გარემო პირობები საძინებელი ოთახში (ტემპერატურა, ჰაერი, ხმაური). იმედი მაქვს აღმოაჩენთ მიზეზს და თქვენ თვითონ გაუმკლავდებით ამ დისკომფორტს.

  72. თამპ says:

    ჩემი პატარა 8 თვისაა და ღამით საათში ერთხელ იღვიძებს და ძუძუს ითხოვს და ვერ დამეხმარებით, თან თავის საწოლში არ წვება

    • Maia says:

      მოგესალმებით,
      თუ სხვა პრობლემა არ გაქვთ, ბავშვის წონა და განვითარება ასაკის შესაბამისია, შეეცადეთ ჯერ მიაჩვიოთ თავის საწოლში ძილს. დაიწყეთ დღის ძილით და შემდეგ მიაჩვევთ ღამითაც. სამწუხაროდ, გადაჩვევა დროსა და მოთმინებას საჭიროებს.

  73. სოფო says:

    ჩემი პატარა წლისაა,ღამე ხშირ-ხშირად იღვიძებს,რა შეიძლება იყოს ამის მიზეზი?

    • Maia says:

      სოფო, ნებისმიერმა პრობლემამ შეიძლება გამოიწვიოს ხშირი გაღვიძებები ძილის დროს. ბევრი დეტალია მნიშვნელოვანი: ოთახის ტემპერატურა, სუფთა ჰაერის არსებობა/არარსებობა, ხმაური, ბავშვის კვების და ძილის რეჟიმი და სხვა. ეს დეტალები მაშინ არის მნიშვნელოვანი, როცა ბავშვის განვითარება ასაკის შესაბამისია და სხვა პრობლემა, გარდა ძილის უწყვეტობის დარღვევისა, არ არსებობს.

  74. ლიზი says:

    გამარჯობათ ქალბატონო მაია, ჩემი პატარა 2 თვის და 14 დღის არის, მყავს ბუნებრივ კვებაზე დაიბადა 2 და 800 კგ ახლა წონაში 6 და 200კგ. დღის მანძილზე ჭამს ყოველ 1 საათში, სღამოს 10სთ-ზე იძინებს და 12 სთ-ზე ისევ ჭამას ითხოვს ჩილს ჭამის შემდეგ აგრძელებს, შემდეგ 3 სთ-ზე ისევ ჭამას ითხოვს და ძილს ისევ აგრძელებს, 6სთ-ზე ისევ ჭამას ითხოვს და ძილს აგრძელებს, სჰემდეგ 7,8,9,10 სთ-ზე სულ ჭამს როგორ მოვიქხცე ეს ნორმალურია ამდენ საკვებს რომ იღებს?

    • Maia says:

      ლიზი მოგესალმებით,
      თქვენს პატარას წონაში ნამატი ძალიან კარგია. ამ ასაკში დასაშვებია, რომ ბუნებრივ კვებაზე მყოფ ბავშვს კვების მოუწესრიგებელი რეჟიმი ჰქონდეს. რთულია, მაგრამ ცოტაც მოითმინეთ და ის აუცილებლად გაზრდის კვებებს შორის შუალედებს.

  75. ana says:

    gamarrjobat, chemi patara 2 tvisa da dge da game aqvs areuli . dge zinavs cot cota da pxizlad xolo gamit dzalian uchirs dazzineba ra shemizlia gavaketo .

    • Maia says:

      ანა, ეს არის ასაკი, როდესაც თქვენი პატარა ეჩვევა გარემოს. ის ხომ 9 თვე თქვენი ნაწილი იყო, ახლა კი დამოკიდებლად უნდა მოახერხოს სუნთქვა, ჭამა, მოძრაობა და ძილიც. უკვე შეეცადეთ გამოუმუშაოთ რეჟიმი: აჭამოთ, გაასეირნოთ და დააძინოთ ყოველდღე ერთიდაიგივე დროს. ძილის დროს შეუქმენით მშვიდი და უსაფრთხო გარემო: სიგარეტის სუნის, ზედმეტი ხმაურის და ზედმეტი სითბოს (>25 C) გარეშე. სასურველია ამ ოთახში არ იყოს ტელევიზორი. თქვენი ბავშვის ძილი თანდათან უფრო მოწესრიგებული გახდება.

  76. მარიამი says:

    გამარჯობათ, ლუკა ახლა 4 თვისაა ძილის განრიგი ძალიან აერია, აქამდე ყოველთვის საღამოს 9 საათზე იძინებდა და დილის 6 საათამდე ეძინა. ბოლო რამდენიმე კვირაა ღამით ორჯერ იღვიძებს და ჭამას ითხოვს, დღის განმავლობაში 6 ჯერ ჭამს მაგრამ ძალიან ცოტას 180მლ-ის მაგივრად ხარ 50მლ-ს ხან 100მლ-ს, ყოველთვის ტოვებს რძეს.

    • Maia says:

      მარიამ მოგესალმებით,
      ხომ არ არის ძილის პრობლემების მიზეზი სიცხე? ხშირად ძილის რეჯიმის დარღვევას იწვევს შეუსაბამო გარემო პირობები. თუ ასეა, მოგიწევთ გარემოს გამოცვლა. მნიშვნელოვანია არა მარტო ძილის მოწესრიგება, არამედ იმის გარკვევაც, რატომ არ ჭამს სრულ ულუფას. როგორც თქვენ აღნიშნავთ, უკვე რამდენიმე კვირაა, რაც საკვებსაც სრულად არ იღებს. აუცილებლად მიმართეთ თქვენს პედიატრს და გადაამოწმეთ წონის ყოველთვიური მატება. შესაძლოა ორივეს ერთიდაიგივე მიზეზი განაპირობებდეს.

  77. მარი says:

    მოგესალმებით ლიკა,
    ამ ასაკისთვის მაწონი ჯერ ადრეა (რეკომენდირებულია 6 თვის შემდეგ), თან მას არ აქვს მაღალი კვებითი ღირებულება. ჯობს სპეციალური რძის შემცვლელის მიღება გააგრძელოთ, რომელშიც ყველა საჭირო კომპონენტია.

  78. ლიკა says:

    ჩემი ბავშვი 3 თვისაა და ვაჭმევ მაწონს ჰუმანას აღარ ჭამს რაც მაწოი დავუწყე და ასე შეიძლება?მარტო მაწონი რო ვაჭამო რამე ხოარაა საშიში?

  79. ნათია says:

    ბავშვი 2 დღეში გახდება 5 თვის.ბოლო ერთი კვირაა ხშირად იჭინთება ხოლმე,ვფიქრობ ამით გამოხატავს სიბრაზეს.მაგრამ ამას აკეთებს ძალიან ხშირად..თქვენ რას მეტყოდით?

    • Maia says:

      ნათია, მოგესალმებით.
      ჩვილი ბავშვები ცდილობენ შეისწავლონ გარშემო არსებული სამყარო და საკუთარი სხეული. სხვადასხვა მოქმედებით იღებენ განსხვავებულ შეგრძნებებს. ასე ხდება მათი განვითარება, როგორც თქვენი ბავშვის შემთხვევაში. ნუ იდარდებთ. რამდენიმე დღეში მობეზრდება და ასე ხშირი აღარ იქნება.

  80. ნათია says:

    ორი თვის არის ჩემი პატარა გოგო და დღე და ღამე აქვს არეული, ღამის 12 საათიდან ღვიძავს დილამდე,შუალედებში 5 წუთით ჩაიძინებს ხოლმე, რა შეიძლება გავაკეთო, რომ ნორმალურად იძინოს

  81. მარიამი says:

    გამარჯობათ ჩები პატარა უკვე 10 თვისაა და დავაკვირდი რომ დღისით დაძინებისას ზუსტად 45 წუთიდან ერთ საათამდე ინტერვალში იღვიძებს და ძილი უნდა შევუბრუნო რომ განაგრძოს ძილი, ვერ ვხვდები რა იწვევს ამ გამოღვიძებას ფაქტია რომ 99% ასე ხდება გარდა იმ დღეებისა როცა ძალიან ეძინება.
    თუ შეიძლება მომწერეთ რამდენად ნორმალურია ეს მოვლენა?

    • Maia says:

      ნათია და მარიამ,
      ჩვილ ბავშვებს საშუალოდ ძინავთ 9-10 საათი ღამის განმავლობაში და 3-4 საათი დღის განმავლობაში. ძილის ხანგრძლივობა ძალიან ინდივიდუალურია, განსაკუთრებით სიცოცხლის პირველი წლის განმავლობაში. 2 თვის ჩვილი დღის განმავლობაში იძინებს საშუალოდ 2-4-ჯერ, ხოლო 12 თვის – 1-2-ჯერ. განვითარების სხვადასხვა ეტაპზე ბავშვს ხანმოკლე დროით შეიძლება დაერღვეს ძილი. დაახლოებით 6 თვის ასაკისათვის დროული, ჯანმრთელი ბავშვების უმრავლესობა იყალიბებს ხანგრძლივ ღამის ძილს და აღარც საკვებს ითხოვს ღამით, თუმცა ბავშვების 25-50% მაინც აგრძელებს ღამით გამოღვიძებას. ღამით ხანმოკლე დროით გამოღვიძება ნორმის ვარიანტადაა მიჩნეული. ითვლება, რომ თითქმის ყველა ბავშვი იღვიძებს ღამის განმავლობაში 2-6-ჯერ. ბავშვების ნაწილს შეუძლია დამოუკიდებლად, მშობლის დახმარების გარეშე ჩაძინება, თუმცა ზოგი ძილის “შესაბრუნებლად” მოითხოვს მშობლის დახმარებას. როგორც წესი, მშობლის დახმარება იმ პატარებს ესაჭიროებათ, რომლებიც დამოუკიდებლად დაძინებას არ არიან მიჩვეული და მშობლები აძინებენ რწევით, ხელში ტარებით, საკვების მიცემით ან ძინავთ მშობლის საწოლში.
      ძალინ მნიშვნელოვანია, რომ დაიცვათ რეჟიმი (ერთიდაიგივე დროს დაძინება, კვება, სეირნობა).
      არცერთი თქვენი ჩივილი არ მიეკუთვნება ნორმიდან გადახრას და რაიმე დამატებით ჩარევას არ საჭიროებს.

  82. Maia says:

    ქალბატონო თამუნა,
    სამწუხაროდ ცუდად მიგიჩვევიათ და გადაჩვევა ძალიან გაგიჭირდებათ. რადგან უკვე 6 თვის არის, ალბათ ძილ-ღვიძილის თავისი განრიგი აქვს. შეეცადეთ ერთიდაიგივე დროს დაიძინოს. ძილის დროის დადგომისას ჩააწვინეთ თავის საწოლში, დაუჯექით და წყნარი, მოალერსე ხმით მოუყვეთ ზღაპარი ან რაიმე სასიამოვნო ამბავი. თანდათან მოახერხებს საკუთარ საწოლში დაძინებას. მთავრია, ძილის რეჟიმი არ დაარღვიოთ.

  83. თამუნა says:

    ექვსი თვისაა ჩემი შვილი და ხელში ვაძინებ. ვერაფრით შევაჩვიე საწოლში დაძინებას. ხომ ვერ დამეხმარებით? კარგ ამინდში კალიასკაშიც იძინებს გარეთ როცა ვასეირნებ. მაგრამ თავის საწოლში არა. 🙁

დატოვეთ კომენტარი

შემოგვიერთდით

ვებგვერდის სპონსორები