ფიზიკური ზრდა-განვითარება

ახალშობილი

დაბადების პირველი დღიდანვე უნდა მოხდეს ბავშვის წონის, სიმაღლისა და თავის გარშემოწერილობის კონტროლი. რადგანაც ფიზიკური ზრდა ჯანმრთელობის კარგი ინდიკატორია, ნორმალური ზრდა-განვითარება კარგ ზოგად ჯანმრთელობაზე მიანიშნებს, ხოლო ზრდაში შეფერხება შესაძლოა პრობლემების მაჩვენებელი იყოს.

ახალშობილის წონა

დროული ახალშობილების (დაბადებული 37-42 კვირაზე) უმეტესობა იწონის 2,500 გ-დან 4000 გ-მდე.

ბავშვის დაბადების წონაზე სხვადასხვა ფაქტორი ახდენს გავლენას.  ბავშვის წონა დამოკიდებულია გესტაციის ასაკზე, დროული ბავშვის წონა უფრო მეტია ვიდრე დღენაკლულის.

სხვა ფაქტორებია:

მშობლების სიმაღლე – მაღალ მშობლებს უფრო დიდი  ბავშვები უჩნდებათ.

ტყუპები – ორი ტყუპის ან მეტის გაჩენა განაპირობებს  ახალშობილების საშუალო მაჩვენებელთან შედარებით ნაკლებ წონას, ასევე ისინი ხშირად ჩნდებიან დროზე ადრე, რაც თავის მხრივ განაპირობებს მცირე მასას.

მშობიარობის რიგითობა – პირველი მშობიარობისას ბავშვს უფრო მცირე წონა აქვს, ხოლო მისი მომდევნო და-ძმა უფრო დიდები იბადებიან.

სქესი – ბიჭები უფრო დიდები არიან ვიდრე გოგონები, თუმცა დაბადებისას ეს განსხვავება უმნიშვნელოა.

დედის ჯანმრთელობა ორსულობის პერიოდში – ფაქტორები, რომლებიც განაპირობებენ დაბადებისას მცირე წონას მოიცავს: დედის მაღალი წნევა, გულის პრობლემები, სიგარეტის, ალკოჰოლის ან არალეგალური მედიკამენტების მოხმარება ორსულობის პერიოდში. თუ დედას აქვს დიაბეტი, შესაძლოა ბავშვი დიდი მასით დაიბადოს.

კვება ორსულობისას – დედის კვება ორსულობის განმავლობაში გავლენას ახდენს ახალშობილის  წონასა და ზრდაზე.

ბავშვის ჯანმრთელობა – სხვადასხვა სამედიცინო პრობლემები, როგორიცაა  თანდაყოლილი მანკები და ორსულობისას შეძენილი ინფექციები, გავლენას ახდენს ბავშვის ფიზიკურ მონაცემებზე.

დღენაკლული ბავშვის ზრდა განვითარება

დღენაკლული ბავშვების წონა და სიმაღლე შედარებით ნაკლებია. მათი დაყოფა ხდება მცირე მასის მქონე და ძალიან მცირე მასის მქონე ახალშობილებად. დაბადების მცირე წონად ითვლება <2500 გ, დაბადების ძალიან მცირე წონა არის <1500 გ.

ნორმალური ზრდა-განვითარება

ბავშვები იბადებიან სითხის დიდი რაოდენობით, ამიტომ დაბადების შემდეგ წონის დაკლება ნორმალურია. ჯანმრთელი ახალშობილი სიცოცხლის პირველ დღეებში კარგავს დაბადების წონის 7-10%, რომლის აღდგენა შემდგომი 2 კვირის განმავლობაში უნდა მოხდეს.

სიცოცხლის პირველი თვის განმავლობაში ბავშვის წონა იმატებს 30 გრამით ყოველდღიურად (საშუალოდ 600 გ/თვეში).

პირველი თვის განმავლობაში სიმაღლეში მატება ხდება 2.5-3.8 სმ-ით. ახალშობილები განსაკუთრებით სწრაფად  იზრდებიან 7-10 დღეზე და 3-6 კვირის ასაკში.

დროული ახალშობილის თავის გარშემოწერილობა 34-36 სმ-ია, პირველი თვის ბოლოს – დაახლოებით 38 სმ.

1-3 თვე

სიცოცხლის პირველი თვეების განმავლობაში ბავშვები სწრაფად იმატებენ წონასა და სიგრძეში. 1-3 თვის ასაკში ბავშვი აგრძელებს სწრაფი ტემპით მატებას. ის სიგრძეში იზრდება საშუალოდ 2.5-3.8 სმ-ით  ყოველ თვეში. თავის გარშემოწერილობა პირველი 3 თვის განმავლობაში ყოველთვიურად მატულობს 2 სმ-ით.

ამ პერიოდში წონის ნამატი დაახლოებით დღეში 25 გ-ია. პედიატრი ახდენს ბავშვის წონის, სიგრძის და თავის გარშემოწერილობის დადგენას და ამ მონაცემების სტანდარტული ზრდის მრუდზე გადატანას (გოგონების და ბიჭების მრუდები განსხვავებულია).

თუ თქვენი ბავშვი დღენაკლულია, მაშინ მას უფრო ხშირი შეფასება და კონტროლი სჭირდება, ვიდრე დროულს.

თუ თქვენი ბავშვის ზრდა-განვითარება ჩამორჩება ნორმას, ექიმი შეეცდება დაადგინოს თუ როგორია მისი კვება:

– დღეში რამდენჯერ იკვებება თქვენი ბავშვი – ძუძუთი კვებაზე მყოფი ბავშვები 24 საათის განმავლობაში დაახლოებით 8-12-ჯერ იკვებებიან, ხელოვნურ კვებაზე მყოფი ბავშვები კი უფრო ნაკლები სიხშირით – ყოველ 3-4 საათში.
– რამდენს იღებს თქვენი ბავშვი ყოველ კვებაზე – პირველი ერთი თვის განმავლობაში ხელოვნურ კვებაზე მყოფი ბავშვი დაახლოებით 90-120 მლ საკვებს იღებს ერთ კვებაზე და 30 მლ-ით მეტს ყოველ შემდგომ თვეზე.
ბავშვი ყველაზე მცირე  4-6 ჯერ უნდა შარდავდეს დღეში. დეფეკაციის (კუჭში გასვლა) სიხშირე დამოკიდებულია კვების ტიპზე.

4-7 თვე

4 თვის ასაკიდან ბავშვები თვეში დაახლოებით  450-560 გ-ს იმატებენ. 4-5 თვის ასაკისთვის ისინი აორმაგებენ დაბადების წონას. ამ ასაკისთვის  ზუსტი რიცხვი თუ რამდენს უნდა იწონიდეს ბავშვი, მოცემული არ არის. მთავარია მისი წონაში მატება მუდმივად ხდებოდეს.

თავის გარშემოწერილობა 4 დან 6 თვემდე  თვეში დაახლოებით 1 სმ-ით იმატებს. სიმაღლეში იზრდებიან  დაახლოებით 5 სმ-ით თვეში.

ბავშვის საკვები უნდა იყოს სასარგებლო და ნოყიერი, და არა მხოლოდ კალორიების შემცველი. ხილის წვენის მიცემა რეკომენდებულია 4-6 თვიდან. უმჯობესია 100%-იანი ხილის წვენი. გაასინჯეთ ბავშვს ბოსტნეულისა და ხილის პიურე, შაქრის დამატების გარეშე.

8-12 თვე

თქვენი ბავშვი იცვლება და ვითარდება,  დაცოცავს  და 12 თვისთვის შესაძლოა დადიოდეს კიდეც.  ამასთან ერთად ბავშვი იწყებს დამოუკიდებლად ჭამას.

1 წლის ასაკისთვის ბავშვების უმეტესობა ასამმაგებს დაბადების წონას და სიმაღლეში იმატებს 25 სანტიმეტრით. თუმცა პირველი წლის მეორე ნახევარში ზრდა ნელდება, უქვეითდება მადაც.

თავის გარშემოწერილობა 7-დან 12 თვემდე ასაკში ყოველთვიურად იმატებს 0,5 სმ-ით.

ხშირად მშობლები წუხან ბავშვის კვებაზე, ჰგონიათ რომ ის ცუდი მჭამელია. უმეტესად ბავშვები იმდენ საკვებს იღებენ, რამდენიც შიმშილს დაუკმაყოფილებთ. ყველაზე სანდო ამ შემთხვევაში თქვენი ბავშვის ზრდის მრუდია. თუ ამ მრუდის მიხედვით თქვენი ბავშვი მუდმივად იზრდება, მღელვარების საბაბი არ არსებობს.

თუ შეამჩნიეთ ზრდაში შენელება ან წონის კლება, მაშინ უნდა გაითვალისწინოთ შემდეგი:

ხომ არ იყო ბავშვი ავად. 2 დღიანი უჭმელობა, განსაკუთრებით თუ თან ახლდა ღებინება ან დიარეა, მოგცემთ წონაში კლებას, რომელიც გამოჯანმრთელებისთანავე აღდგება.
თუ თქვენმა ბავშვმა დაიწყო  ხოხვა,  და სიარული, ასეთი აქტივობის ფონზე   ბავშვის წონის ნამატი დიდი აღარ იქნება.
ბავშვს შესაძლოა  კოვზით თამაში უფრო აინტერესებდეს, ვიდრე ჭამა, ამიტომ ეცადეთ კვების დროს ხელისშემშლელი ფაქტორები მინიმალური იყოს.
ზოგჯერ საჭიროა საკვების ტიპის შეცვლა, ეცადეთ  განსხვავებული ტექსტურის და უფრო მრავალფეროვანი საკვები გაასინჯოთ ბავშვს.

მიუხედავად იმისა, რომ ბავშვის ზრდა შედარებით შენელებულია 8-12 თვისთვის, ის მაინც უნდა მიჰყვებოდეს თავისი ასაკის შესაბამის ზრდის მრუდს.

ყურადღება მიაქციეთ ჭარბ წონასაც. ეცადეთ დროულად მიხვდეთ, რომ ბავშვი დანაყრდა. ასევე, დარწმუნდით რომ ბავშვის საკვები რაციონი მდიდარია საჭირო ნივთიერებებით და არა მხოლოდ კალორიებით. შეზღუდეთ მაღალკალორიული წვენები. ეცადეთ ბავშვი წაახალისოთ თამაშით, რათა მან უფრო მეტი იმოძრაოს. თუ თვლით, რომ თქვენს ბავშვს ზედმეტი წონა აქვს, მიმართეთ ექიმს.

1-2 წელი

ამ პერიოდში ბავშვები უკვე დადიან და იწყებენ ლაპარაკს. მათი ზრდის ტემპი იკლებს. თქვენმა ბავშვმა შესაძლოა მოიმატოს 2 კილოგრამი და  გაიზარდოს 10-12 სმ-ით. 2 წლისთვის ბავშვების სიმაღლე მათი მოზრდილობის ასაკის სიმაღლის ნახევარია, ხოლო თავის გარშემოწერილობა მოზრდილობის ასაკის 90%-ს შეადგენს. ბიჭები ოდნავ უფრო მეტს იწონიან, ვიდრე გოგონები, ხოლო სიმაღლე დაახლოებით თანაბარია.

სხეულის პროპორციები შესამჩნევად იცვლება, მომატებული ფიზიკური აქტივობის გამო კუნთოვანი მასაც იმატებს.

სიცოცხლის მეორე წლის განმავლობაში ბავშვები იწყებენ დამოუკიდებლად ჭამას. მათი მადა და საკვების მიმართ ინტერესი ქვეითდება. ნელდება მათი ზრდის ტემპიც.

2-3 წელი

24 -36 თვეების განმავლობაში ბავშვი იზრდება მხოლოდ 5-7 სმ-ით, თუმცა ის უფრო სწრაფად ვითარდება სხვა, განსაკუთრებით მეტყველების მხრივ.

3 წლის ასაკში ბავშვების უმეტესობა იმატებს 1.8 კგ და სიმაღლეში იზრდება 5-8 სმ-ით.  ისინი ხდებიან ფიზიკურად უფრო აქტიურები, დარბიან, სწავლობენ ისეთ  მოძრაობებს, როგორიცაა ბურთზე ფეხის დარტყმა, ველოსიპედის ტარება.

მათი მადა ცვალებადია, შესაძლოა ამოჩემებულად ჭამონ მხოლოდ ერთი სახის საკვები. შეეცადეთ უზრუნველყოთ მისთვის მრავალფეროვანი, ჯანსაღი რაციონი.

ნორმალური ზრდისათვის საჭიროა კარგი კვება, საკმარისი ძილი და რეგულარული ფიზიკური დატვირთვა. თუმცა ბავშვის სიმაღლეში ზრდა დამოკიდებულია გენეტიკაზეც. დაბალ მშობლებს უფრო დაბალი შვილები ჰყავთ, ხოლო მაღალი მშობლების შვილები უფრო მაღლები არიან. თუმცა მთავარი ამოცანაა, რომ თქვენი ბავშვი იზრდებოდეს ნორმალური ტემპით.

როდესაც ბავშვის სიმაღლე ზრდის მრუდეზე 5 პერცენტილს ან ნაკლებს შეესაბამება, ამის მიზეზი შეიძლება იყოს:

1. ოჯახური (გენეტიკურად) დაბალი სიმაღლე – ასეთ ბავშვებს დაბალი სიმაღლე მშობლებისგან მემკვიდრეობით გადაეცემათ. მათი ერთი ან ორივე მშობელი და სხვა ახლო ნათესავებიც დაბლები არიან. მიუხედავად იმისა, რომ ამ ბავშვის სიმაღლე საშუალო მაჩვენებელთან შედარებით ნაკლებია, ეს მაინც ნორმად ითვლება და სხვა მხრივ ჯანმრთელები არიან.

2. სიმაღლეში ზრდის დაგვიანება (დაგვიანებული სქესობრივი მომწიფება) – ასეთი ბავშვები ადრეულ ასაკში საშულო მაჩვენებლის შესაბამისად იზრდებიან, თუმცა 6 თვიდან 2 წლამდე პერიოდში ეს მაჩვენებელი ნორმაზე ქვემოთ ჩამოდის (5 პერცენტილზე ქვემოთ). დაახლობით 2-3 წლის შემდეგ ისინი უბრუნდებიან ნორმას. ამის მიზეზი არის ის, რომ მათი სქესობრივი მომწიფება იწყება უფრო გვიან და თანატოლებს მოგვიანებით ეწევიან სიმაღლეში.

თუ თქვენი ბავშვი იზრდება ნელა, ექიმმა უნდა ჩაატაროს კვლევები, რათა დადგინდეს, არის თუ არა ეს გენეტიკური მიზეზით გამოწვეული.

4-5 წელი

ამ პერიოდში ბავშვები წელიწადში  2 კილოგრამით იმატებენ და სიმაღლეში იზრდებიან  5-8 სმ-ით. 4 წლის ბავშვის წონა დაახლოებით 18 კილოგრამია, სიმაღლე კი – 1 მეტრი.

წინასასკოლო ასაკის ბავშვები აგრძელებენ განვითარებას, მსხვილი და ნატიფი მოტორიკის გაუმჯობესებას. ისინი იწყებენ ხატვას, ფაზლების აწყობას. მათი თამაში ხდება უფრო წარმოსახვითი, რაც მნიშვნელოვანია მათი განვითარებისთვის.

ისინი ამ პერიოდშიც აგრძელებენ ზრდას და ამიტომ ხელი შეუწყვეთ მათ სწორი კვებით და  ფიზიკური ვარჯიშით, რომელიც დღეში 60 წუთს უნდა გრძელდებოდეს.

6-12 წელი

ამ პერიოდში ბავშვები ყოველწლიურად იზრდებიან 6-7 სმ-ით და წონაში იმატებენ დაახლოებით 2-3 კგ-ით, სქესობრივი მომწიფების პერიოდამდე.

ისინი იწყებენ თავიანთ გარეგნობაზე ფიქრს და შფოთვას. გოგონები ღელავენ იმაზე, რომ ძალიან მაღლები არიან, ბიჭები კი პირიქით, თავიანთ დაბალ სიმაღლეზე ჯავრობენ.

ეცადეთ თქვენს შვილს აუხსნათ, რომ მთავარია იყოს ჯანმრთელი, ხოლო გარეგნობას შედარებით უფრო ნაკლები მნიშვნელობა აქვს. ისინი ვერ შეცვლიან იმ გენებს, რომლებიც მათ  სიმაღლესა და სქესობრივი მომწიფების პერიოდს განაპირობს. მთავარია ისინი გაიზარდონ ჯანმრთელები და იყვნენ ფიზიკურად აქტიური.

ბავშვის ნორმალური ზრდისთვის აუცილებელია კარგი კვება, საკმარისი ძილი და რეგულარული ვარჯიში.

ამავე პერიოდში იწყება სქესობრივი მომწიფება, რომელიც რადიკალურ ცვლილებას წარმოადგენს, როგორც გოგონებში, ასევე ბიჭებში. სქესობრივი მომწიფების დაწყების   ასაკი სხვადასხვაა. ჰორმონებით განპირობებულ ცვლილებებს თან ახლავს სიმაღლეში სწრაფი ზრდა, რითაც ბავშვები თინეიჯერულ ასაკში გადადიან.

სქესობრივი მომწიფების დაწყების პირველი ნიშანი გოგონებში არის მკერდის წამოზრდა, რომელიც 8-დან 13 წლამდე ასაკში ხდება. ამას მოჰყვება შემდეგი ცვლილებები:

მკერდი იზრდება და თეძოები მრგვალდება
სიმაღლეში ზრდის ტემპი ჩქარდება
ბოქვენზე თმა ჩნდება მკერდის წამოზრდიდან 6-12 თვეში, თუმცა დაახლოებით 15%-ში შესაძლოა ბოქვენზე თმა მკერდის გადიდებამდეც გაჩნდეს
ზომაში იმატებს საშვილოსნო, საშო, სასირცხო ბაგეები და კლიტორი
მკერდის ზრდა და ბოქვენზე თმის რაოდენობა დროთა განმავლობაში მატულობს
სიმაღლეში ზრდა პიკს აღწევს სქესობრივი მომწიფების დაწყებიდან  2 წელიწადში (საშუალოდ 12 წლისთვის)
მენსტრუაციის დაწყების შემდეგ გოგონა კიდევ იზრდება 2,5-5 სანტიმეტრით და

ბიჭების უმეტესობას პირველი ცვლილებები ეწყება 10-დან 16 წლამდე პერიოდში, ისინი ყველაზე ინტენსიურად იზრდებიან 12-15 წლის ასაკში. მათი სიმაღლეში სწრაფი ზრდა  გოგონებზე 2 წლით გვიან ხდება. სიმაღლეში ზრდის შეწყვეტის შემდეგ გრძელდება მათი  კუნთოვანი სისტემის განვითარება.

ბიჭებში სქესობრივ მომწიფებას ახლავს:

პენისის და სათესლე ჯირკვლების ზომაში მატება
იღლიასა და სახეზე თმის გაჩენის შემდეგ თმის გაჩენა ბოქვენზე
ხმის დაბოხება
ადამის ვაშლის (ხორხის ხრტილი) უფრო გადიდება
სათესლე ჯირკვლებში იწყება სპერმის გამომუშავება

13-18 წელი

თინეიჯერულ ასაკში სქესობრივი მომწიფების გამო ხდება მრავალფეროვანი ფიზიკური ცვლილებები.

გოგონების უმეტესობა სქესობრივ მომწიფებას იწყებს 8-დან 13 წლამდე პერიოდში. სიმაღლეში საგრძნობი ზრდა, „ტანის აყრა“ აღინიშნება 10-14 წლის  ასაკში.
ბიჭების სქესობრივი მომწიფება იწყება 10-13 წლის ასაკში და სიმაღლეში ზრდას აგრძელებენ გოგონებთან შედარებით 1-2 წლით მეტ ასაკამდე.

ნორმალურ ზრდასა და განვითარებაში თქვენს შვილს ეხმარება კარგი კვება, ძილი და რეგულარული ფიზიკური აქტივობა.

მიუხედავათ ზრდის მრუდის არსებობისა, ამ ასაკისთვის ზუსტი ნორმების დადგენა რთულია, რადგან სიმაღლე განისაზღვრება გენეტიკური ფაქტორებით და დამოკიდებულია მშობლების სიმაღლეზე. მთავარია თქვენი შვილის ზრდის ტემპი ასაკობრივ ნორმას შეესაბამებოდეს.

ამ ასაკში გოგონები კრიტიკულად უდგებიან თავიანთ გარეგნობასა და წონას, რამაც შესაძლოა არაჯანსაღი წარმოდგენა ჩამოუყალიბოთ თავიანთი გარეგნობის შესახებ და დაიწყონ არასწორი დიეტა. ბიჭები უფრო ღელავენ თავიანთ სიმაღლეზე და კუნთოვან მასაზე და ამ მიზნით შესაძლოა მიმართონ სტეროიდების და დამატებითი ცილების მიღებას. ამ პრობლემების საუკეთესო გადაწყვეტისთვის აჯობებს ეს საკითხი გაარჩიოთ ექიმთან ვიზიტისას.

    112 კომენტარი
  1. ლიკა says:

    გამარჯობათ ვარ 15 წლის მკერდი ძალიან პატარა მაქვს ზოგჯერ შეუმჩნევია და ამომივიდა თმები და შესამჩნევია და რისი ბრალი შეიძლება იყოს ძალიან ვნერვიულობ მადლობას გიხდით წინასწარ

  2. ნინი says:

    გამარჯობათ ვარ 15 წლის გოგო მკერდი თითქმის არ მაქვს მაგრამ მკერდის გარშემო მაქვს თმები ამოსული სქკმაოდ შესამჩნევია და როგორ მოვიშორო?

  3. ცირა says:

    მყავს 8 თვის გოგონა ხელოვნურად ვზრდი ფრისო გოლდით ეხლა დავიწყე მაწონი და ფრისო მხოლოდ ორ კვებას ვაძლევ დილით და საღამოს.ყოველ საათში ვაძლევ საკვებს.თითო კვებას მაწონს ფაფას ბოსტნეულის სუპს (ხორცით)9/300 წონით და არის თუ არა ეგწონა სასურველი ამ ასაკისთვის მოვიქეცი თუარა სწორად ფრისოს კვება 2 ჯერზე როდავიყვანე

    • ნინო თარხნიშვილი says:

      მოგესალმებით, ცირა
      8 თვის ასაკში რძის 2-ჯერადი მიღება ნორმალურია, თუმცა საკვების ყოველ საათში მიღება არ გახლავთ სწორი. ამ ასაკში 24 საათის მანძილზე სასურველია 5-6 კვება, რომელშიც აუცილებლად უნდა შედიოდეს რძე, ფაფები, სხვადასხვა სუპები, ხილი, დასაშვებია მაწონიც.
      კვების სასურველი რეჟიმის შედგენაში აქტიურად უნდა ჩაერთოს პედიატრი ან ნუტრიციოლოგი.
      ნინო თარხნიშვილი
      ბავშვთა ნევროლოგის

  4. მარიამი says:

    მოგესალმებით,გთხოვთ მიპასუხოთ
    მყავს 1წ2თ ბიჭი,მთელი ღამე ძუძუს ჭამს რა არ ვცადეთ თავი ვერ დავანებებინე.ჭამით სულ ძალით ვაჭმევთ.წონაში არ იმატებს.მყავდა ექიმებთან და ყველაფერი განვითარებული აქვსო.ანალიზებიც კარგი.რა შეიძლება იყოს მიზეზი? კუჭის მოქმედება 3ჯერ მაინც აქვს.როგორც კი შეწამს მალევე გადის.ესეც რაიმე პრობლემა თუ ბუნებრივია?

    • ნინო თარხნიშვილი says:

      მოგესალმებით, მარიამ
      მნიშვნელოვანია ბავშვის წონა და წონაში მატების დინამიკა. ამ ასაკში ძუძუს მიღება პათოლოგია არ არის, თუმცა დედის რძე ბავშვის ძირითად რაციონს არ წარმოადგენს და აუცილებელია სრულყოფილი, რეჟიმული კვება. რეკომენდებულია პედიატრის მეთვალყურეობის ქვეშ ყოფნა.
      ნინო თარხნიშვილი
      ბავშვთა ნევროლოგი

  5. ლიკუნა says:

    გარჯობათ 8წლის გოგონასთვის ნორმალურია? მარჯვენა მკერდი ცოტა გაეზარდა და მკერდის თავთან სიმაგრე აქვს და სტკივა

    • Lela says:

      გამარჯობათ.მყავს 8წლის გოგო მარტში 9ხდება.მარცხენა მკერდში სიმკვრივეაქ ცოტა,ხელის დადებით სტკივა და ცოტა შეუმჩნევლად მოზრდილია.საშიში ხომ არ იქნება.გთხოვთ უპადუხოდ არ დამტოვოთ.მადლობა წინასწარ

      • ნინო თარხნიშვილი says:

        მოგესალმებით
        8 წლის ასაკში შესაძლებელია მეორადი სასქესო ნიშნების განვითარების დაწყება. აღნიშნულთან შესაძლოა დაკავშირებული იყოს ჯერ ერთი, შემდგომ მეორე სარძევე ჯირკვლის ზომაში მატება, გამკვრივება, ტკივილი, რაც პათოლოგიას არ წარმოადგენს.
        ნინო თარხნიშვილი
        ბავშვთა ნევროლოგი

  6. ლიკა says:

    გამარჯობა ვარ 15 წლის,სიმაღლეში 1.60 წონა 51კგ. ჩემი მშობლები არიან სიმაღლეში მამა 1.75 დედა 1.60 მინდა კიდევ გავიზარდო რამეს ხომ არ მირჩევთ, და ჩემი სიმაღლე ნორმალურია თუ არა?

  7. მაკა says:

    გთხოვთ მიპასუხოთ,, ჩემი გოგო არის 8 წლის,, იანვარში ხდება 9. შევამჩნიე მარჯვენა ძუძუ ცოტა წამოზრდილი და ფერრი გამუქებული ოდნავ, ვნერვიულობ ძალიანგთხოვთ მომწეროთ რამდენად ნორმალურია,, სიმაღლეში 145 სმ-ია

    • ნინო თარხნიშვილი says:

      მოგესალმებით, მაკა
      მეორადი სასქესო ნიშნების განვითარება, მათ შორის მკერდის ზომაში მატება, გოგონებში 8 წლიდან არის შესაძლებელი, შესაბამისად, თქვენი ჩივილი პრობლემას არ წარმოადგენს. თქვენი სიმშვიდისთვის შეგიძლიათ მიმართოთ მამოლოგს.
      ნინო თარხნიშვილი
      ბავშვთა ნევროლოგი

  8. ნანუკა says:

    გამარჯობა,ვარ 15 წლის 43კგ და 1.68სმ და მაქვს პატარა მკერდი 1ზომაც არაა ნორმალურია ეს თუ არა?მადლობა წინასწარ

    • Nინი says:

      გამარჯობათ ვარ 15 წლის ნული ზომა ლიფიც დიდი მაქვს და მკერდი გეზრდება თუ არა ჩემი და 14 წლის არის და ჩემზე დიდი მკერდი აქვს ასევე მყავს 16 წლის და და მასაც დიდი მკერდი აქვს და გამეზრდება თუ არა. კიდევ მკერდზე თმები მაქვს ამოსული და რისი ბრალი იქნება? გთხოვთ პასუხი მომწერეთ ძალიან გთხოვთ წინასწარ გიხდით მადლობას

  9. ნიკა says:

    გამარჯობაა ვარ 17 წლის 193 სმ 75 კგ. დავიბადე ჭარბი წონით 5 კგ და რაღაც. მაწუხებს დაბალი წნევა, ვარ თითქმის სულ უხასიათოდ, და მგონიაა რომ გულზე მაქვს რაიმე პრობლემა თუ შეგიძლიათ ზედაპირულად ამიხსნათ რახდება და რეკომენდაცია გამიწიოთ.

    • ნინო თარხნიშვილი says:

      მოგესალმებით, ნიკა
      თქვენი ჩივილები შესაძლებელია იყოს ასაკობრივი, თუმცა უმჯობესია კარდიოლოგიური პროფილის კვლევების ჩატარება. პრობლემის გამორიცხვის შემთხვევაში მიმართეთ ფსიქოლოგს.
      ნინო თარხნიშვილი
      ბავშვთა ნევროლოგი

  10. ცისაა says:

    ვარ 20ცლის .მკერდი პატარა მაქვს და ვარ სუსტი .მირჩიოთ რამე .

  11. ანა says:

    გამარჯობა,12 წლის ვარ და 53 კილო ვარ სიმაღლეში კი 1,62 ვარ და წონა თუ არა სიმაღლე მაინც არის ნორმალური??

  12. ანა says:

    გამარჯობა!ვარ 13 წლის სიმაღლეში1,45 წონაში 40 კილო
    უკვე მეშინია…….???

  13. ნიკოლოზ კუპრაშვილი says:

    გამარჯობათ ქალბატონო/ბატონო ექიმო ვარ 17 წლის და წონით ვარ 65 კილოგრამი ხოლო სიმაღლეში 1.67 არის თუ არა ნორმალური და მოვიმატებ თუ არა კიდევ?

  14. სანდრო says:

    ვარ 174 სანტიმეტრი სიმაგლეში და მაქვს 17 სანტიმეტრის პენისი და მაინტერესებს ჩემი სიმაღლისთვის კაი ზომა თუა

    • ლიზა says:

      გამარჯობათ ვარ 13 წლის სექტემბერში 14 ის ვხდები არ დამწყებია ციკლი ცოტა ვნერვიულობ მკერდიც პატარა მაქვს იქნებ დამეხმაროთ გმადლობთ პასუხისთვის!

      • მაგდა says:

        გამარჯობათ ვარ 14 წლის ციკლი მოსული მაქვს მკერდი კი არ მეზრდება ხანდაან მექავება ხან კი მკერდის არეში ტკივილს ვგრძნობ. ძუძუს დვრილებს ისეთი ფორმა აქცს რომ გეგონება მოგძვრება. გთზოვთ მომწერეთ რისი ბრალი შეიძლება იყო. წინასწარ გიხდით მადლობას

        • ნინო თარხნიშვილი says:

          მოგესალმები, მაგდა
          მკერდის ზომა 14 წლის ასაკის შემდეგაც შეიძლება გაიზარდოს, რა თქმა უნდა, თუმცა მნიშვნელობა აქვს გენეტიკურ ფაქტორებს. დეტალური შეფასებისთვის შეგიძლიათ მიმართოთ მამოლოგს.
          ნინო თარხნიშვილი
          ბავშვთა ნევროლოგი

      • ნინო თარხნიშვილი says:

        მოგესალმებით, ლიზა
        მენსტრუალური ციკლის დაწყების ასაკი ვარირებს 9-დან 16 წლამდე, უხშირესად 11-14 წლის ასაკში, დიდი მნიშვნელობა ენიჭება მეორადი სასქესო ნიშნების განვითარებას. თქვენი ჩივილი ამ ეტაპზე დაუყოვნებლივ რეფერალს არ საჭიროებს.
        ნინო თარხნიშვილი
        ბავშვთა ნევროლოგი

      • ნინო თარხნიშვილი says:

        მოგესალმებით, ლიზა
        მენსტრუალური ციკლის დაწყების ასაკი საშუალოდ 11-14 წელია, მეორადი სასქესო ნიშნებიც ამავე ასაკში ვითარდება.
        ნინო თარხნიშვილი
        ბავშვთა ნევროლოგი

  15. თეონა says:

    გამარჯობა,მყავს ორი წლის და ერთი თვის გოგონა,ვაკუუმით დაიბადა და სულ შიშებში ვარ,არ მახსოვს რამდენ პედიატრთან მყავდა,მეუბნებიან,რომ ყველაფერი ნორმალურადაა 84 სანტიმეტრია სიმაგლით წონა თერთმეტ ნახევარი,ჭამით კარგად ჭამს და ვიზუალურად უფრო პატარა გონიათ ვიდრე არის..ვერ ლაპარაკობს ორ სიტყვას ვერამბობს გადაბმულად,ისე რასაცვეუბნებისიტყვებს იმეორებს ზოგს სწორად ზოგს ამახინჯებს,ბაგში დადის და საგამოს რომ ვაკითხავ სიხარულს არ გამოხატავს,მაგრამ მაშინ უნდება ყველაფრის გაკეთEბა რაცშეუძლია უნდა რომ დამანახოს,კანფეტს რომვაძლევ ხსნის ქაგალდს ნაგავში მიდის და აგდებს,იოგურტი ჭამა ერტხელ და კუთი ნაგავში და კოვზი ნიჟარაში ჩააგდო მაინც.რამე რასაცხშირად ვეუბნები და ხვდება იმას აკეტებს ტუ რამე ვუტხარი მომიტანე მოაქვს ტუ ვუტხარი სინატლე აანტე ანთებს ფეხსაცმელებს შარვალს იხდის და იცვამს,ქუდს იფარებს და იხდის,ჩემ სათვალეს იკეთებს სწორად,თმისამაგრს თმაზე ცდილობს გაიკეთოს,ბამბას იგებს და სახელ იწმენდავს ხოლმემე რომ მხედავს…ძირითადად ესენი სეუძლია შეიძლება რამე გამომრჩა და მგონია რომ ნაკლებად არის განვითარებული და ტქვენ რას მეტყვით? დიდი მადლობა წინასწარ

    • ნინო თარხნიშვილი says:

      მოგესალმებით, თეონა
      თქვენი შვილის ფიზიკური ზრდა-განვითარება ასაკობრივი ნორმის ფარგლებშია. რაც შეეხება მეტყველებას, 2 წლის ასაკში ბავშვს უნდა შეეძლოს მარტივი ორსიტყვიანი წინადადებების წარმოთქმა, თუმცა მეტყველების განვითარება ყველა ბავშვისთვის ინდივიდუალურია. თქვენი მოწოდებული ინფორმაციით, ბავშვი ადექვატურია, ესმის და ასრულებს მითითებებს. შეგიძლიათ მიმართოთ მეტყველების სპეციალისტს, რომელიც მოგცემთ რეკომენდაციებს მეტყველების ხელშეწყობისთვის.
      ნინო თარხნიშვილი
      ბავშვთა ნევროლოგი

  16. ირაკლი says:

    გამარჯობათ, 17 წლის ვხდები და სიმაღლეში ვარ 1.78–79 და მაინტერესებს კიდე გავიზრდები თუარა.

  17. ნინო says:

    მოგესალმებით მყავს 8 წლის ბიჭი ,სათესლე ჯირკვლები თითქოს მცირე ზომისააა საშიშია თუ ნორმალურია. თუ ვანახო ექიმს და რომელს? მადლობა წინასწარ.

    • თათია აფრასიძე says:

      მოგესალმებით, ნინო,
      მიმართეთ უროლოგს.
      თათია აფრასიძე
      ბავშვთა ნევროლოგი

  18. ანო says:

    ვარ 16 წლის და175 სანტიმეტრი ჩემს ასაკტან შედარებით დაბალი ვარ? გავიზრდები კიდევ ????

    • თათია აფრასიძე says:

      მოგესალმებით, ანო,
      საშუალო სიმაღლე ამ ასაკის გოგნასათვის არის 168.6 სმ.; სიმაღლეში კვლავ გაზრდის განსაზღვრა ხდება არადომინანტური ხელის მტევნის რენტგენორაფიით ძვლოვანი ასაკის შეფასების საფუძველზე.
      თათია აფრასიძე
      ბავშვთა ნევროლოგი

  19. სახელი (სავალდებულოა) says:

    მოგესალმებით,
    მინდა ჩემ პატარა ბიჭზე გკითხოთ რომელიც წლის და 1თვისაა. ჯერ გეტყვით რაც იცის მამაზე გიჟდება და სულ მამას იძახის, კარზე კაკინზე რომ ვიკითხავთ ვინ მოვიდათქო მამაო და გარბის როგორც შეუძლია. იცის წყალი -ნწა ნწას ეძახის, ძახლს რომ ხედავ ან ვეტყვით როგორ ყეფსთქო მპა-მპა ასე ამბობს სულ, ძროხაზე ამბობს – მუუს სათამაშო და რეალურ მანქანაზე ვუუუ-ს.დადას ამბობს ოღონდ მიზანმიმართულად თითქოს არა. ხან ამბობს ატას ჩვენ ვეუბნებით ასე როცა გარეთ გაგვყავს. ასევე იცის დაუშვად თავის პამპერს დაავლებსხელსდა იცის რომ ნაგვში უნდა ჩააგდოსდა მიდის მიზანმიმართულად. იცის სად არის შუქის ასანთები და თუ ვეტყვი ანთებს მიდის იმ ადგილზე. ჭუპა-ჭუპასრომ ვეტყვი მიმიყვანს თავის საბანაო ტაშტთან. უყვარსუფროს ძმებთან თამაში მანქანებით და ბურთით. დაგდებულ ნივთზე თუ ვეტყვი აიღე და მომაწოდე აკეთებს. იცის ყუთიდან ნივთის ამოღება და ჩადება. დაყრილი სათამაშოების ყუთში ჩაყრა ერთად ვაკეთებთ ამას. მაგრამ ნუ სიტყვებს არ ამბობს იმუს გარდა რაც ვახსენე. ასევე წიგნში დახატულ ცხოველებზე არ მპასუხობს. იცის ჩემ სახეზე მიჩვენებს სად მაქვს თვალები, ცხვირი და პირი (ხან ეს ორო ერევა ერთმანეთდი)ყურები და თავი. ხან აკეთებს რომ ვეტყვი ფეხზე გავიხადოთ იხსნის ფხრიწებს ხან არ აკეთებს. ასევე ხან რომ ვკითხავ რამდენი წლის ხართითით მაჩვენებს 1 ხან არა. ტელეფონს მომაწვდის ხოლმე და წაიმღერებს თავუსებურად რომ სიმღერა უნდა. ტელეფონს იღებს და ყურზე იდებს რომ ვეუბნებით მანას დაურეკეთქო. ზოგადად კიდევ რა მოეთხოვება ამ ასაკის ბავშვს და რაზე უნდა გავამახვილო ყურადღება. შეუძლია დამოუკიდებლად რამდენიმე ნაბიჯის გადადგმა რაც გახდა 1 წლის, თავიდან უფრო გაბედული იყო ახლა ძალიან ფრთხილობს ხელს არ გვიშვებს თუ გავუშვით უახლოს ადგილზე ცდილობს მოკიდოს ხელი რამეს ან დაჯდეს და ხოხვით წავიდეს. 11 თვეზე გვქონდა 6 კბილი და ჯერ მეტი აღარ ამოგვსვლია. დაბლენდერებულიდან გადავედით ჩაჭყლეტილ საჭმელზე. და კიდევ ერთი, რაც 1 წლის გახდა უფრო ბრაზიანი თუ როგორ ვთქვა თავისნება გახდა. როგორც კი მიმართუკებას შევაცვკევინებ რაც არ მინდა გააჯეთოს ეგრევე ყვირის და ტირილს იწყებს. დღემდე ჭამს ძუძუს. გთხოვთ მირჩიოთ თუ რამე გვჭირდება? ვეცადე დეტალურად ამეხსნა. ძილით ღამე არ იღვიძებს მაგრამ ფაქტიურად ძუძუზე კიდია, დღის მანძონლზე ძინავს 2ჯერ დაახლოებით საათ ნახევარი-ორი საათი თითო ძილი.

    • თათია აფრასიძე says:

      მოგესალმებით,
      სიტყვათა მარაგი ამ ასაკში მოიცავს „დედა“, „მამა“-ს გარდა კიდევ 1 სიტყვას, ან მარცვლების ერთობლიობას, რომელსაც ყოველთვის მხოლოდ კონკრეტული საგნის აღმნიშვნელად იყენებს. ნახატზე სურათების დასახელება ამ ასაკის ბავშვს არ მოეთხოვება, მაგრამ როდესაც საგანი მხედველობის არეშია, შეკითხვისას მაგ.: სად არის ბურთი, ძაღლი, ბავშვი შეხედავს დასახელებულ საგანს; როდესაც სურს, რომ რაიმეზე მიგანიშნოთ, მიგითითებთ თითით, ხელით. როგორც თქვენ აღნიშნეთ, ასრულებს დავალებებს, მიზამიმართულად იყენებს „მის ენაზე“ წარმოთქმულ სიტყვებს, თამაშობს ფუნქციურად, ცნობს სხეულის ნაწილებს. რაც შეეხება მოტორული სფეროს განვითარებას, ამ ასაკის ბავშვს შეუძლია საყრდენის დახმარებით ძირს დაგდებული სათამაშოს აღება და შემდეგ გასწორება, ავეჯის გასწვრივ სიარული ან ნაბიჯების გადადგმა, წაბორძიკების ან დაცემის გარეშე, იმ შემთხვევაშიც, თუ ორივე ხელით გეყრდობათ. „გაბრაზება“, ასევე ასკობრივი ნორმაა, წარმოადგენს პროტესტის გამოხატვის ფორმას მისი სურვილების საწინააღმდეგო ქმედებების მიმართ.
      თათია აფრასიძე
      ბავშვთა ნევროლოგი

  20. ალექსი says:

    გამარჯობა, ბავშვი (ბიჭი) არის 7,5 წლის 1,45მ სიმაღლეში და 70კგ. ენდოკრინოლოგის რჩევით გაუკეთეს ხელის მტევნის რენდგენი რათა ბავშვის ზრდის ტემპი დაგვედგინა, როგორც ამიხსნეს 13 წლის ბავშვის ძვლოვანი განვითარების მაჩვენებელი აქვსო, თუმცა ეს რას ნიშნავს და რა შეიძლება გამოიწვიოს ამან ან რა უარყოფითი მხარე აქვს ამ ყველაფერს არ აუხსნიათ. წონაზე ვმუშაობთ, შაქარი, ინსულინი, კორტიზოლი, ჩიყვი, და ყველა ანალიზი ნორმის ფარგლებშია. სპორტით დავტვირთეთ და კლებაში წამოვიდა. ერთი სიტყვით განვითარების ტემპის ზრდა გვაშინებს. გენეტიკურად სიმაღლე მშობლებისგან აქვს.

    • თათია აფრასიძე says:

      მოგესალმებით, ალექს,
      ეს საკითხი არის ძალიან სპეციფიური, ბავშვთა ენდოკრინოლოგის მიერ კომპლექსურად შესაფასებელი. გასათვალისწინებელია, ხომ არ არის ნაადრევი სქესობრივი მომწიფების ნიშნები.
      თათია აფრასიძე
      ბავშვთა ნევროლოგი

  21. ნინო says:

    გამარჯობა, 6 წლის ბავშვს ხელის დადებაზე სტკივა მკერდი ერთ მხარეს , ფერიც ოდნავ შეცვლილი აქვს კონტური გამუქებულია და მოლურჯო ფერი დაკრავს,რისი ბრალი შეიძლება იყოს და ვის მივმართო? მადლობა წინასწარ!

    • თათია აფრასიძე says:

      მოგესალმებით, ნინო,
      მიმართეთ ქირურგს.
      თათია აფრასიძე
      ბავშვთა ნევროლოგი

  22. ნონა says:

    გამარჯობათ.ჩემი ბიჭი იანვარში ხდება 6 წლის..ამ ასაკის ბავშვი რამდენს უნდა იწონიდეს და სიმაღლეში რამდენი უნდა იყოს?

    • თათია აფრასიძე says:

      მოგესალმებით, ნონა,
      6 წლის ვაჟის ასაკობრივი ნორმის დიაპაზონი მერყეობს: სიმაღლე – 106-125 სმ., წონა – 16.5-28 კგ..
      თათია აფრასიძე
      ბავშვთა ნევროლოგი

  23. ანუკი says:

    გამარჯობათ 13წლის ვარ და 1.61 ნორმალური სიმაღLეა?და ჩEმს კლასში ყველაზედაბალივარ
    ჭOნა 51კგ

    • თათია აფრასიძე says:

      მოგესალმებით, ანუკი,
      თქვენი სიმაღლეც და წონაც ასაკობრივი ნორმის ფარგლებშია.

      თათია აფრასიძე,
      ბავშვთა ნევროლოგი

  24. თამარი says:

    გამარჯობათ მყავს პატარა 2თვის და 20 დგის არის 58 სანტიმეტრი და თავის გარშემოწერილობა აქვს 38 სანტიმეტრი და ნორმალური მაცჰვენებლებია?

    • თათია აფრასიძე says:

      მოგესალმებით, თამარ,
      ორივე მაჩვენებელი ასაკის შესაბამისია.
      თათია აფრასიძე
      ბავშვთა ნევროლოგი

  25. ნინო says:

    ვარ 12 წლის სიმაღლეში 1.50 ნორმალური სიმაღლეა ?

    • თათია აფრასიძე says:

      მოგესალმებით, ნინო,
      თქვენი სიმაღლე ასაკობრივი ნორმის ფარგლებშია.
      თათია აფრასიძე,
      ბავშვთა ნევროლოგი

  26. მარი says:

    გამარჯობათ ვარ 13 წლის , თმები სხვადასხვა ადგილებში ამომივიდა 8-9წლის ასაკში მაგრამ მკერდი ახლაეზრდება ასევე ვარ ტანდაბალი სადღაც 1მ 35სმ დედამ მიმართა ენდოკრინოლოგს და გადამიღო ყველა საჭირპ ანალიზი,მაგრამ ყველაფერი რიგზწეა და ეს მომეოფების დაჰვიანება რისი ბრალი შეიძლება იყოს??

    • მაკა says:

      გამარჯობათ … ჩემო გოგონა 14 ნოემბერს გახდება 8 წლის. დაახლოებით თვენახევრის წინ შევამჩნიე რომ, მარჯვენა ძუძუს ზრდა აქვს დაწყებული და რამდენიმე დღეა ვამჩნევ იღლიაში ოფლის სუნი დაეწყო… ხო ალბათ ეს ყველაფერი სქესობრივი მომწიფების დაწყებას უკავშირდება, მაგრამ ვნერვიულობ, ნაადრევი ხომ არ არის?
      მადლობა…

      • თათია აფრასიძე says:

        მოგესალმებით, მაკა,
        აუცილებელია, შეფასება ბავშვთა ენდოკრინოლოგის მიერ.
        თათია აფრასიძე,
        ბავშვთა ნევროლოგი

    • თათია აფრასიძე says:

      მოგესალმებით, მარი,
      აუცილებელია, განმეორებითი შეფასება კვალიფიციური ბავშვთა ენდოკრინოლოგის მიერ. სქესობრივი მომწიფების გარდა, სიმაღლეც არის საყურადრებო.
      თათია აფრასიძე,
      ბავშვთა ნევროლოგი

  27. ქეთი says:

    დიდი მადლობა პასუხისთვის კიდევ მაქვს ერთი კითხვა თუ არ შეწუხდებით იქნებ მიპასუხოთ პედიატრმა დაუნიშნა ჰიპი კომბიოტიკი 1და ახლა მითხრეს რომ მუდმუვად ამ საკვებზე ყოფნა არ შეიძლება და უნდა შეცვალოვო არადა მეოთხე კვებაა რაც გამოიცვალა 2 თვის ბავშვმა ძლუვს მოერგო საჭმელს და ახლა ისევ შესაცვლელი არ მინდა გაგვიხდეს.რამდენად მართალია რომ ჰიპი კომბიოტიკის ხანგრძლივად ჭამა არ შეიძლება???

  28. ქეთი says:

    გამარჯობათ ჩემი პატარა 2 თვის ხდება 6ში.დაიბადა 3200 ახლა არის 4600.ექიმმა მითხრა რომ ცუდი მატება აქვს.ძალიან ვნერვიულობ თქვენ რას მეტყვით და თუ შეგიძლიათ რამე მირჩიოთ.ღამე 6 საათიან შუალედს აკეთებს.ხომ არ ვაჭამო ღამეც??

    • თათია აფრასიძე says:

      მოგესალმებით, ქეთი,
      ასაკობრივი ნორმა 8 კვირის დროული ახალშობილისათვის არის 3900-6400 გ. (გოგონა) ან
      4300-6800 გ. (ვაჟი). ჩვილის წონა განისაზღვრება დაბადების წონის მიხედვით შემდეგნაირად: წონის ნამატი დაბადებიდან პირველი 6 თვის განმავლობაში – 140-200 გ. კვირაში, დაბადების წონა ორმაგდება დაახლოებით 4 თვის ასაკში. საკვების მიღება უმეტეს შეთხვევაში საკმარისია და განისაზღვრება მინიმუმ 6-ჯერადი მიღებით, შესაძლებელია გაიზარდოს 8-12-ჯერად მიღებამდეც, წონის დეფიციტის არსებობის შემთხვევაში. თუმცა წონის დეფიციტის მიზეზი ასევე შეიძლება იყოს ზოგიერთი სამედიცინო მდგომარეობა, რომელიც წონის ნელ მატებას განაპირობებს.
      თათია აფრასიძე
      ბავშვთა ნევროლოგი

  29. საბა says:

    გამარჯობათ ვარ 16 წლის და ძალიან მაგრად მინდა ამომივიდეს წვერი ძალიან ხშირად ვიპარსავ და კიდევ იქნებ მირჩიოთ რამე რომ უფრო დროუად ამომივიდეს ძალიან გთხოვთ!!!!!

    • თათია აფრასიძე says:

      მოგესალმებით, საბა,
      თუ განვითარებულია სხვა მეორადი სასქესო ნიშნები (ბოქვენზე, იღლიაში თმიანობა…), აღნიშნული პრობლემას არ წარმოადგენს სქესობრივი მომწიფების ნორმალური პროცესის მიმდინარეობის თვალსაზრისით და დამატებით რაიმე სახის მცდელობა არ არის რეკომენდებული ამ შემთხვევაში. უზრუნველჰყავით ზომიერი ფიზიკური დატვირთვა – ვარჯიში, ცილოვანი საკვების მიღება, მშვიდი ძილი.
      თათია აფრასიძე,
      ბავშვთა ნევროლოგი

  30. ბელა says:

    გამარჯობათ.რამ შეიძლება განაპირობოს 3 თვის ახალშობილში ადგი ადგილ თმის ცვენა..შემდეგ ის კერა თითქოს ევსება თმით

  31. მარიამი says:

    გამარჯობა ვარ 14 წლის გოგო და 1.54 მაინტერესებს ნორმალირია ეს სიმაღლე ჩემი ასაკისთვის და Kიდევ მაქვს გაზრდის შანსი თუ არა?

    • თათია აფრასიძე says:

      მოგესალმებით, მარიამ,
      თქვენი სიმაღლე შეესაბამება ნორმის ქვედა ზღვარს. კიდევ გაზრდა დამოკიდებულია სქესობრივი მომწიფების ხარისხზე – რეგულარული მენსტრუალური ციკლის არსებობასა და ხანგრძლივობაზე. თუ უკვე 2 წელია გასული რეგულარული მენსტრუალი ციკლის დაწყებიდან, სავარაუდოდ, ზრდა უკვე დასრულებულია. აღნიშნულის განსაზღვრა ასევე შესაძლებელია ძვლოვანი ასაკის შეფასებით მარცხენა ხელის მტევნის რენტგენოლოგიური კვლევით.
      თათია აფრასიძე,
      ბავშვთა ნევროლოგი

  32. ნია says:

    გამარჯობა, მე ნია ვარ 14 წლის. სიმაღლეში ვარ 1.68, წონით კი 52კ. მაინტერესებს ჩემი წონა სიმაღლესთან როგორია? და ასევე მაინტერესებს გავიზრდები თუარა, გენეტიკა კარგი მაქვს ცემი ოჯახის წევრები 1.90 ნაკლები არცერთი არაა გადრდა დედისა ის 1.82 ძალიან გთხოვთ მიპასუხოთ <3

    • თათია აფრასიძე says:

      მოგესალმებით, ნია,
      თქვენი სიმაღლე ახლოს არის ასაკობრივი ნორმის ზედა ზღვართან, სხეულის მასის ინდექსი ნორმალურია. კიდევ ზრდა დამოკიდებულია სქესობრივი მომწიფების სტადიაზე (რეგულარული მენსტრუალური ციკლის არსებობაზე).
      თათია აფრასიძე,
      ბავშვთა ნევროლოგი

  33. ანი says:

    გამარჯობა. 1თვის წინ გავხდი 11 წლის. ვარ 1მეტრი და 45სანტიმეტრი. დედაჩემიც და მამაჩემიც დაბალები არიან და ვნერვიულობ რომ მათსავით დაბალი ვიქნები. ჩემს ტოლ ბავშვებს ყველას აქვს მკერდი .. მე კი საერთოდ არ მაქვს . არც მტკივა და არაფერი. ძალიან გთხოვთ მითხარით გამეზრდება თუ არა მკერდი? გავიზრდები? ვარ 30კილო ვჭამ საჭმელს. და ერთი რამ მაინტერესებს მჭირს დიაბეტი და ამის ბრალი ხომ არ არის მკერდის არ გაზრდა. ძალინ გთხოვთ მიპასუხოთ

    • თათია აფრასიძე says:

      მოგესალმებით, ანი,
      11 წლის გოგონასთვის 145 სმ. არის ნორმალური სიმაღლე. მკერდის ზრდა უნდა დაიწყოს 13 წლამდე ასაკში. ენდოკრინოლოგის ჩართვა საჭირო გახდება იმ შემთხვევაში, თუ 13 წლის ასაკის შემდეგაც არ არის განვითარებული მეორადი სასქესო ნიშნები: მკერდის ზრდა, გათმიანება… მოწოდებული მონაცემის მიხედვით, სქესობრივი მომწიფების დაწყების შემდეგ ზრდის ტემპი სწრაფი იქნება და ნორმალურია, დაახლოებით, 11 სმ. წელიწადში.
      თათია აფრასიძე,
      ბევშვთა ნევროლოგი

  34. ზაქრო says:

    გამარჯობა,მყავს 5 წლი-ნახევრის გოგო და არის 1 მ და 3 სმ სიმაღლის და ვთვლი რომ არის დაბალი თავის ასაკთან შედარებით,გთხოვთ მომცეთ რჩევა რამდენად აუცილებელია ჩარევა,ენდოკრინოლოგთან მყავდა ფარისებრ ჯირკვალზე ეხო გადამაღებიდა და ზომები ნორმაში აქვს 2 თვე ვასვი იოდბალანსი და დ-კალცინი,ეხლა გვთხოვა კალცის და TSH ანალიზი,სანამ ამ ანალიზებით გავაწვალებ თქვენ რას მირჩევთ რამდენად საგანგაშოა ეს სიმაღლე ამ ასაკისთვის?იანვარში იყო 1 მ. და დღეს რომ გავზომე 3სმ.ნახევარი აქვს მატება.მადლობთ წინასწარ და გთხოვთ მიპასუხოთ.

    • ნინო says:

      გამარჯობა,მყავს 5 წლი-ნახევრის გოგო და არის 1 მ და 4 სმ სიმაღლის და ვთვლი რომ არის დაბალი თავის ასაკთან შედარებით,გთხოვთ მომცეთ რჩევა რამდენად აუცილებელია ჩარევა,ენდოკრინოლოგთან მყავდა ფარისებრ ჯირკვალზე ეხო გადამაღებიდა და ზომები ნორმაში აქვს 2 თვე ვასვი იოდბალანსი და დ-კალცინი,ეხლა გვთხოვა კალცის და TSH ანალიზი,სანამ ამ ანალიზებით გავაწვალებ თქვენ რას მირჩევთ რამდენად საგანგაშოა ეს სიმაღლე ამ ასაკისთვის?იანვარში იყო 1 მ. და დღეს რომ გავზომე 4სმ.ნახევარი აქვს მატება.მადლობთ წინასწარ და გთხოვთ მიპასუხოთ.

      • თათია აფრასიძე says:

        მოგესალმებით, ნინო,
        ბავშვის სიმაღლე ახლოს არის ნორმის ქვედა ზღვართან. რა თქმა უნდა, გასათვალისწინებელია მშობლების სიმაღლე. TSH-ის განსაზღვრა მნიშვნელოვანია.
        იანვრის შემდეგ 4 სმ.-ით მატება ზრდის ნორმალურ ტემპს შეესაბამება.
        თათია აფრასიძე,
        ბავშვთა ნევროლოგი

        • ნინო says:

          უღრმესი მადლობა პასუხისთვის,TSH და კალცი გადავამოწმე და 5 წლინაევრის გოგოს TSH აქვს 5,05 და დაუნიშნეს იოდომარინი 100. კალცი აქვს 2,42 ნორმაში აქვსო და არაფერი დაუნიშნეს.იქნებ ანალიზის პასუხებზე და დანიშნულებაზეც მითხრათ თქვენი აზრი რამდენად სწორად ვმკურნალობთ?

          • ნინო says:

            მშობლებიც დედა 164 სმ. ვარ და მამა დაახლოებით 170-172 იქნება

          • თათია აფრასიძე says:

            მოგესალმებით, ნინო,
            ბავშვის სიმაღლე ნორმალურად მიჰყვება მშობლების სიმაღლის ტრაექტორიას. დააკვირდით, წელიწადში სიმაღლეში, დაახლოებით, 5-6 სმ.-ით უნდა გაიზარდოს. იოდომარინის მიღება აუცილებელია.
            თათია აფრასიძე
            ბავშვთა ნევროლოგი

  35. დათო says:

    გამარჯობა, ვარ 14 წლის სიმაღლეში 1.79. მამა 1.89 არის დედა კი 1.71… ნუ მაღალი ვარ ასაკთან შედარებით მაგრამ მაინტერესებს გავიზრდები თუარა კიდევ, ფეხზე დიდი რაოდენობით თმა მაქვს და ეს რამეს ხელს უშლის?

    • დათო says:

      და წვერიც აქა იქ მაქვს უშლის რამეს ხელს?

      • თათია აფრასიძე says:

        მოგესალმებით, დათო,
        თქვენთვის ნორმალური სიმაღლის დიაპაზონი არის 186.5 +/- 5 სმ.. თქვენ თითქმის მიღწეული გაქვთ სამიზნე სიმაღლეს. კიდევ გაზრდა დამოკიდებულია სქესობრივი მომწიფების სტადიაზე (და არ არის დამოკიდებული ფეხზე თმიანობაზე), რისი განსაზღვრაც სპეციალისტის მიერ გასინჯვის გარეშე შეუძლებელია.
        თათია აფრასიძე,
        ბავშვთა ნევროლოგი

  36. ანა says:

    გამარჯობათ ვარ 13 წლის. სიმაღლეში 168 სმ და წონა 55. ძალიან მინდა წონაში დაკლება და შესაბამისად ვვარჯიშობ და ასევე ვდიეტობ. მაგრამ ხშირად მესხმის თავბრუ და თვალები მიბნელდება.. გთხოვთ დამაკვალიანოთ და მირჩიოთ სხვა რა ხერხს მივმართო წონაში დაკლებისთვია.. ასევე მაინტერესებს შეიძლება თუ არა წონაში დასაკლები წამლების მიღება? მადლობა წინასწარ..

    • თათია აფრასიძე says:

      მოგესალმებით, ანა,
      გირჩევთ, მიმართოთ ენდოკრინლოგს, რომელიც შეგირჩევთ კვების სწორ რეჟიმს, რისი დახმრებითაც მინუმამადე შემცირდება ისეთი ჩივილები, როგორიც არის თავბრუ და სხვა ნევროლოგიური გამოვლინებები.
      თათია აფრასიძე,
      ბავშვთა ნევროლოგი

  37. ლაშა says:

    გამარჯობათ ვარ 15 წლის 1.62 იღლიაში ჯერ ეხლა ვამჩნევ ბუნდღლებს მაინტერრესებს კიდევ თუ გავიზრდები? და თან ბავშვივით ვარ ანუ გარდატეხა არ გამივლია გთხოვთ პასუხი გამეცით მადლობა

    • თათია აფრასიძე says:

      მოგესალმები, ლაშა,

      სიმაღლეში ზრდა ვაჟებში ყველაზე სწრაფად სწორედ პუბერტალური (სქესობრივი მომწიფების) პერიოდის განმავლობაში მიმდინარეობს და პიკს აღწევს სქესობრივი მომწიფების დაწყებიდან გარკვეული ხნის შემდეგ.
      სქესობრივი მომწიფების დაწყების ასაკი სხვადასხვა ფაქტორზეა დამოკიდებული. ვაჟებში, საშუალოდ, 9-14 წლის ასაკში იწყება და შესაძლებელია 20 წლის ასაკამდე გაგრძელდეს. ის მოიცავს: ხმის ტემბრის შეცვლას, წვერის ამოსვლას, კანის ცვლილებას, სხეულის ზრდის ტემპის აჩქარებას, გარეგანი სასქესო ორგანოების ზრდას და თმიანობის მომატებას… მნიშვნელოვანია აგრეთე აღნიშნული ნიშნების განვითარების თანმიმდევრობა. იმისათვის, რომ განისაზღვროს, თუ რამდენად სწორად და ასაკის შესაბამისად მიმდინარეობს ეს პროცესი, აუცილებელია, შეფასება ბავშვთა ენდოკრინოლოგის მიერ.
      თათია აფრასიძე,
      ბავშვთა ნევროლოგი

  38. მარი says:

    გამარჯობათ, მყავს 10 წლის გოგონა, ციკლი ჯერ არ დასწყებია, არც ღინღლები არ ამოსვლია არსად, მკერდი ოდნავ აქვს ამობურცული, ვფიქრობ რომ ჯერ ადრეა…
    მაგრამ ერთხელ სკოლაში გახდა ცუდად, სავარაუდოდ მშიერი იყო და მაგის გამო, მაშინვე ავუღე სისხლის საერთო ანალიზი, შაქარიც და შარდიც,ყველაფერი ნორმაში აქვს, დამატებით ვიტამინებიც მივაღებინე და ვაიძულებ დილით მშიერი არ წავიდეს სკოლაში… მაგრამ დღეს ისევ ცუდად გახდა ბიოლოგიის გაკვეთილზე, როდესაც მასწავლებელი სისხლზე ესაუბრებოდათ,მალევე გამოკეთდა, გული არ წასვლია, არც პირველად და არც დღეს…
    მაგრამ სკოლის ექიმი მირჩევს რომ თავზე გადავუღო სისხლშევიწროვებისგან თავის დაზღვევის მიზნით,
    რას მირჩევთ? ვერ გადამიწყვეტია რა ვქნა 🙁

    • თათია აფრასიძე says:

      მოგესალმებით, მარი,

      თუ ვითარდება თავბრუ, გულისრევა, ბუნდოვანი მხედველობა, სიფერმკრთალე, მოდუნება და ა.შ. მაპროვოცირებელი ფაქტორის ფონზე, გონების კარგვით ან მის გარეშე (პრესინკოპე) და სისხლის რუტინული კვლევით პათოლოგია არ ვლინდება, შესაძლებელია, რომ დამატებითი კვლევების ჩატარება არ ჩაითვალოს რეკომენდებულად. თუ მაპროვოცირებელი ფაქტორის იდენტიფიცირება ვერ ხერხდება ან კლინიკური ნიშნები განსხვავებულია, მიმართეთ სპეციალისტს, რათა ანამნეზის უფრო დეტალურად გაცნობის საფუძველზე მოხდეს გადაწყვეტილების მიღება.

      თათია აფრასიძე,
      ბავშვთა ნევროლოგი

  39. ინგა says:

    გამარჯობათ.ჩემი გოგონა არის 17 წლის და 156 სმ. გავიარეთ ენდოკრინოლოგის კონსულტაცია და ისეთი არაფერი, გთხოვთ დაგვაკვალიანოთ. გმადლობთ.

    • Maia says:

      ინგა,
      სწორად მიგიმართავთ ენდოკრინოლოგისთვის, რადგან სწორედ ეს სპეციალისტები არიან კომპეტენტურები ამ სფეროში.

  40. მაია says:

    მყავს ბავშვი სამი წლის და რამდენი კილო უნდა იყოს ახლა ? სიმაღლეში საკმაოდ მაღალია

    • Maia says:

      მაია,
      ბავშვის წონის გამოსათვლელად საჭიროა სიმაღლეც, ამიტომ შეგიძლიათ გამოიყენოთ ეს კალკულატორი (ქვემოთ მითითებულ მისამრთზე). იმედია, არ გაგიჭირდებათ.
      http://www.prokerala.com/kids/ideal-height-weight-calculator.php

  41. ნათი says:

    გამარჯობა, 8 წლის გოგონას მკერდის ზრდა დაეწყო. მალევე იღლიაში და ბოქვენზე თმაც ამოუვიდა. რამდენად ნორმალურია ამ ასაკის ბავშვისთვის? მადლობა

  42. ანი says:

    Gამარჯობა ვარ 13 ჭლის და მაქვს ციკლი 12 წლიდან სიმაგლეში 156სმ და ვარ 40კგ დედაჩემი 167სმ-ია მამაჩემი 176 და კიდევ მაქვს თუ არა სიმაგლეში გაზრდის შანსი? Dა დაახლოებით რამდენი სანტიმეტრით?

    • Maia says:

      ანი,
      ყველა ადამიანი განსხვავებულია. ერთი სქესის დედ-მამიშვილების ზრდა-განვითარებაც ხშირად ძალიან განსხვავებულია, რადგან მას მრავალი ფაქტორი განსაზღვრავს. რთულია გიპასუხოთ თუ რამდენი სანტიმეტრით მოიმატებთ. ერთი უდავოა, რომ გოგონები ზრდას მინიმუმ 15 წლამდე აგრძელებენ. ზოგჯერ სიმაღლეში ზრდა 17-18 წლამდეც გრძელდება.

  43. თათია says:

    გამარჯობათ, მყავს 1წლის დღენაკლული ბავშვი დაიბადა 1.300 34კვირაზე. 4-5თვემდე მატება ნორმალური ჰქონდა, 6თვის მერე ძალიან ცოტას იმატებს, ხელოვნურ კვებაზე მყავს მადა საერთოდ არ აქვს ძალით ვაჭმევთ. ახლა 8კილოა თავის ასაკთან შედარებით ძალიან პატარაა მადის მოსამატებელ ვიტამინებს ვასმევდი ექიმის დანიშნულებით, მაგრამ უშედეგოდ. რა შეიძლება მივცე მადის მოსამატებლად,რომ დაეწიოს თავისი ასაკის ბავშვებს, რისგან შეიძლება იყოს გამოწვეული და საგანგაშოა თუ არა? გმადლობთ წინასწარ.

    • Maia says:

      თათია,
      მოგესალმებით. 12 თვის ასაკის ბავშვისთვის 8 კგ საკმაოდ მცირე წონაა, მაგრამ უნდა გავითვალისწინოთ მისი დღენაკლულობა. ასევე, მნიშვნელოვანია ბავშვის განვითარება. შეადარეთ ის ასაკობრივ ნორმას. თუ განვითარება ასაკის შესაბამისია, არა აქვს კუჭ-ნაწლავის სისტემის პრობლემები, შეგიძლიათ მშვიდად იყოთ. ხშირად გყავდეთ სუფთა ჰაერზე, მიეცით ვიტამინებით მდიდარი საკვები და ზრდასთან ერთად მადაც გამოუსწორდება.

  44. ანა says:

    გამარჯობათ,რისი მიზეზი შეიძლება იყოს 5წლინახევრის გოგონას მკერდი ოდნავ გაეზარდოს(შებერილი)?საშიშია თუ არა?პედიატრმა გვითხრა არ არის სანერვიულო,ძალიან გთხოვთ მიპასუხეთ

    • Maia says:

      ანა,
      კომპეტენტური პასუხის მისაღებად ამ შეკითხვით აჯობებს მიმართოთ ბავშვთა ენდოკრინოლოგს (იაშვილის ან ციციშვილის ბავშვთა კლინიკებში).

  45. სოფო says:

    გამარჯობა, მაინტერესებს რა არის ფუტკრის რძე და რისთვის გამოიყენება?

  46. სოფო says:

    გამარჯობა, მაინტერესებს რა ასაკამდე აგრძელებს ზრდას სახის ნაკვთები როგორიცაა: ცხვირი და ტუჩი?

    • Maia says:

      სოფო,
      სხეულის ნაწილები, მათ შორის სახეც (ცხვირის და ტუჩების ჩათვლით) იზრდება პუბერტული ასაკის დასრულებამდე, რაც გოგონებისთვის იწყება 8-13 წლის ასაკში, ვაჟებში – 9-15 წლის ასაკში, ხოლო სრულდება – 16-20 წლის ასაკისთვის.

  47. თაკო says:

    ვარ 13 წლის, მაგრამ არ მაქვს მოსული და მეშინია რომ არ მომივა… ცჰემს ყველა კლასელს აქვს მოსული და მე რატო არ მაქვსს??? წინასწარ მადლობა 🙂 პასუხი გამეცით გთხოვთ

    • Maia says:

      თაკო,
      კვალიფიციური პასუხისთვის მიმართეთ გინეკოლოგ-ენდოკრინოლოგს. სამწუხაროდ ჩვენ არ გვყავს ასეთი კონსულტანტი ვერ დაგეხმარებით. ჩვენი საიტი ნეიროგანვითარების საკითხებშია კომპეტენტური.

  48. მარი says:

    გამარჯობათ მე ვარ 15 წლის ჩემი სიმაღლეა 153 სმ წონა კი 45 კილო.. იმის მიუხედავად რომ ძალიან ბევრ ვჭამ წონაში არ ვიმატებ არც სიმაღლეში ვიზრდები დიდი სისწრაფით ყველა ამბობდა გარდატეხის პერიოდში აიყრი ტანსო თუმცა ასე სულაც არაა. და არც მკერდი მაქვს ჯერ 1 ზომაზე მეტი. ჩემი BMI კი ნორმალურია თუმცა მაინც მაშფოთებს ჩემი მდგომარეობა. გთხოვთ მიპასუხოთ ჩემი ასაკისთვის ნორმალურია თუ არა ასეთი ნელი ტემპით განვითარება. და მაქვს თუ არა ჯერ კიდევ შანსი ტანი ავიყარო” ეს ამბავი მართლაც მადარდებს უკვე.. წინასწარ დიდი მადლობა

  49. მარი says:

    გამარჯობა ვარ 14 წლის სიმაღლეში 159 არის ტუ არა ეს სიმაგლე ნორმალური და რა გავაკეტო რომ სიმაგლე უპრო მომემატოს

    • Maia says:

      მარი,
      ფიზიკური განვითარება მრავალ ფაქტორზეა დამოკიდებული, მათ შორის გენეტიკურზე. ასევე, ის რაც ერთი ადამიანისთვის ნორმალურია, მეორესთვის შეიძლება დარღვევის გამოხატულება იყოს. სრულყოფილი რჩევების მისაღებად ამიტომაც აჯობებს მიმართოთ ენდოკრინოლოგს.

  50. ელენე says:

    გამარჯობა,ვარ 13 წლის,ჩემს სამეგობროში ყველას აქვს თუნდაც პატარა მკერდი,მე კი მხოლოდ თავები მაქვს მომრგვალებული და ძალიან პატარა მკერდი მაქვს,შეუმჩნეველი საკმაოდ დიდი ხანია რაც ზრდა მიმდინარეობს,იღლიებში ახლა ამომდის თმა,და 14 წლამდე მკერდი გამეზრდება? არც ციკლი დამწყებია ჯერ,ბებიაჩემს დაეწყ 15 წლის ასაკში,დედაცჰემს კი 14 გთხოვთ გამცეთ კითხვაზე პასუხი 14 წლამდე ჩამოვყალიბდები?თუ ცოტა კიდევ უნდა დაველოდო? უკვე ძალიან მრცხვენია…

    • Maia says:

      ელენე,
      სქესობრივი მომწიფების პერიოდი ყველა ადამიანს გარკვეულ (10-14 წლის) ასაკში ეწყება და ინდივიდული ტემპით მიმდინარეობს. პირველი სქესობრივი ნიშნების გამომჟღავნებიდან საშუალოდ 2 წელიწადში ჩნდება მენსტრუალური ციკლი. თუ თქვენ 13 წლის ხართ და ჯერ კიდევ არ დაგეწყოთ სარძევე ჯირკვლების ზრდა, იღლიებსა და ბოქვენის მიდამოში თმის ამოსვლა მხოლოდ ახლახანს შენიშნეთ, სავარაუდოდ მკერდის ზრდა 6-18 თვეში დაგეწყებათ. სასირცხვილო ნამდვილად არაფერია. სამაგიეროდ, სიმაღლეში ზრდას გააგრძელებთ. შეეცადეთ, არ იდარდოთ ამ თემაზე, ჩვენ ხომ ერთამანეთის ძალიან განვსხვავდებით, ამიტომ განვითარებაც განსხვავებული გვაქვს 🙂

  51. ანა says:

    ჭარბმა წონამ შეიძლება სიმაღლეშI ზრდა შეაფერხოს?

    • Maia says:

      მოგესალმებით,
      პირდაპირი კავშირი ზედმეტ წონასა და ზრდის შეფერხებას შორის არ არის, თუმცა სასურველია მიმართოთ ენდოკრინოგს, ზოგიერთი ამ ტიპის დარღვევის გამოსარიცხად.

  52. მარი says:

    გამარჯობა ელენე,
    ციკლის დაწყების დაგვიანების ყველაზე ხშირი მიზეზი ჰორმონული დარღვევებია. ამიტომ გირჩევ მიმართო ექიმს, რათა შესაბამისი გამოკვლევები ჩაგიტარდეს.

  53. ელენე says:

    გამარჯობათ, რა მაინტერესებს 17 წლის ვარ და ციკლი არ მაქ და ეს ნორმალურიაა. შეიძლება ეს რომ ნაადრევი სექსის ბრალი იყოოს?

  54. ნინო says:

    ჩემი გოგონა 4 თვეში გახდება 8 წლის,მას იღლიებში ,განსაკუთრებით მარჯვენა იღლიაში გაუჩნდა თმის ბუსუსები ,არის თუარა ეს ნორმალური ამ ასაკისთვის?გთხოვთ მიპასუხოთ.დიდი მადლობა წინასწარ

    • Maia says:

      ნინო,
      კომპეტენტური პასუხისთვის აჯობებს მიმართოთ ბავშვთა ენდოკრინოლოგს (დიღომში, ციციშვილის სახ. ბავშვთა ახალ კლინიკაში).

  55. მეგი says:

    Myavs 7vinaxevris gogona.ukvr unda chavacva tuara myari pexsacmeli dasheizleba tuara jojinashi chavsva?

    • Maia says:

      მეგი მოგესალმებით,
      როგორც თქვენ ამბობთ, თქვენი ბავშვი ჯერ 8 თვის არ არის. ბავშვის ძვალ-სახსროვანი და კუნთოვანი აპარატი ამ ასაკში ფეხზე დგომისთვის მზად არ არის. ამიტომ არ გირჩევთ მის ფეხზე დაყენებას. აჯობებს დაუგოთ იატაკზე რბილი ნოხი და იქ დასვათ თავის საყვარელ სათამაშოებთან ერთად. შეუქმენით ჯდომის, ხოხვის და გადაადგილების უსაფრთხო გარემო. ასე ის უკეთ განვითარდება.

  56. ნინო says:

    გამარჯობათ მე ვარ 13 წლის და ვარ დაახლოებით170 სანტიმეტრი…დედდაჩემიც ჩჩემი სიმაღლისაა მამაჩემი კი დაახლოებით 190 სანტიმეტრია და მაინტერესებს გავიზრდები თუ არა კიდევ სიმაღლეში

    • Maia says:

      გამარჯობა ნინო,
      ადამიანის ზრდა მრავალ ფაქტორზეა დამოკიდებული. მიუხედავად იმისა, რომ გენეტიკურ განწყობას განსაკუთრებული მნიშვნელობა ენიჭება, სხვა ფაქტორებიც არანაკლებ გავლენას ახდენენ მოზარდის სიმაღლეში ზრდაზე. მნიშვნელოვანია, გაქვთ თუ არა მეორადი სასქესო ნიშნები უკვე გამოხატული, დაგეწყოთ თუ არა მენსტრუალური ციკლი და სხვა. სავარაუდოდ 13 წლის ასაკში ზრდა არ შეჩერდება და კიდევ გაიზრდებით, ხოლო სიმაღლეში ზრდის ტემპი კი შეიძლება შეიცვალოს.

დატოვეთ კომენტარი

შემოგვიერთდით

ვებგვერდის სპონსორები